Ksillometazolin mahalliy tomirlarni toraytiruvchi vositalar (dekongestantlar) guruhiga kiradi, a– adrenomimetik ta'sirga ega, burun shilliq qavati qon tomirlarini toraytiradi, burun-halqum shilliq qavatining shishishi va giperemiyasini bartaraf etadi. Ksillometazolin shuningdek, hamroh bo‘luvchi shilliq gipersekresiyasini kamaytiradi va burun yo‘llarining ajralmalar bilan to‘silib qolgan drenajini osonlashtiradi, shu tariqa burun bitishi paytida burun nafasini yaxshilaydi.

Otrivin® sezgir shilliq qavatli bemorlar tomonidan yaxshi o‘zlashtiriladi, uning ta’siri shilliq ajralishini to‘sqinlik qilmaydi. Otrivin® burun bo‘shlig‘i uchun xos bo‘lgan muvozanatli pH qiymatiga ega. Preparat tarkibiga nofaol komponentlar – sorbitol va gipromelloza (metilgidroksipropilsellyuloza) kiradi, ular namlovchi vositalardir. Shu tariqa, namlovchi formula ksillometazolinni uzoq muddat qo‘llashda yuzaga keladigan burun shilliq qavatining tirnash xususiyati va qurish simptomlarini kamaytirishga yordam beradi.

Terapik konsentratsiyalarda preparat shilliq qavatni tirnash xususiyatini keltirib chiqarmaydi, giperemiyaga sabab bo‘lmaydi. Ta’siri qo‘llangandan 2 daqiqa o‘tib boshlanadi va 12 soat davom etadi.

In vitro tadqiqotlar ksillometazolin inson rinovirusining infeksion faolligini, «sovuq»ni keltirib chiqaruvchi virusni, bostirishini ko‘rsatdi.

. Mahalliy qo‘llanganda tavsiya etilgan dozalarda deyarli so‘rilmaydi, plazmadagi konsentratsiyasi aniqlash chegarasidan past. 

 Ksillometazolin mahalliy yuborilganda haddan tashqari dozada yoki tasodifiy ichga qabul qilinganda kuchli bosh aylanishi, ortiqcha terlash, tana haroratining keskin pasayishi, bosh og‘rig‘i, bradikardiya, arterial bosimning oshishi, nafas olishning susayishi, koma va tutqanoq chaqirishi mumkin. Arterial bosim oshishidan so‘ng uning keskin pasayishi kuzatilishi mumkin.
Tasodifiy dozani oshirib yuborishdan shubhalanilganda mos yordam choralarini ko‘rish kerak, ba’zi hollarda shoshilinch simptomatik davolash shifokor nazorati ostida o‘tkazilishi ko‘rsatilgan. Bu choralar bemorni bir necha soat davomida kuzatishni o‘z ichiga olishi kerak. Og‘ir zaharlanishda yurak to‘xtashi bilan reanimatsion harakatlar kamida 1 soat davom ettirilishi kerak. 

 Ksillometazolin hozirda MAO ingibitorlarini qabul qilayotgan yoki oxirgi 2 hafta davomida ularni qabul qilgan bemorlarga kontraindikatsiyalangan.
Tri- yoki tetrasiklik antidepressantlar va simpatomimetik preparatlarni bir vaqtda qo‘llash ksillometazolinning simpatomimetik ta’sirini kuchaytirishi mumkin, shuning uchun bunday birikmadan saqlanish tavsiya etiladi. 

 Uzluksiz rejimda 10 kundan ortiq qo‘llash tavsiya etilmaydi.
Tavsiya etilgan dozalardan oshirib yubormaslik kerak, ayniqsa bolalar va keksalarda. Preparatni uzoq muddat (10 kundan ortiq) yoki haddan tashqari qo‘llash «rikoshet» effekti (dori vositasiga bog‘liq rinit) va/yoki burun shilliq qavatining atrofiyasiga olib kelishi mumkin.

Transport vositalari va mexanizmlarni boshqarish qobiliyatiga ta’siri
Ksilometazolin transport vositalari yoki mexanizmlarni boshqarish qobiliyatiga ta’sir qilmaydi..
  

Homiladorlik va emizish davrida qo‘llanishi

Preparatni homiladorlik davrida potensial tomirlarni toraytiruvchi ta’siri sababli qo‘llash mumkin emas.

Yangi tug‘ilgan chaqaloqqa har qanday nojo‘ya ta’sirlar haqida dalillar yo‘q. Ksilometazolin ona sutiga ajralib chiqishi noma’lum, shuning uchun ehtiyotkorlik zarur, va preparat emizish davrida faqat shifokor ko‘rsatmasi bo‘yicha qo‘llanishi kerak.