Nurofen® bolalar uchun 3 oylik hayotdan 12 yoshgacha bo‘lgan bolalarda o‘tkir respirator kasalliklar, gripp, bolalar infeksiyalari, emlashdan keyingi reaksiyalar va tana haroratining ko‘tarilishi bilan kechadigan boshqa infeksion-yallig‘lanish kasalliklarida isitmani tushiruvchi vosita sifatida qo‘llaniladi. Preparat og‘riq sindromi yengil yoki o‘rtacha intensivlikda, shu jumladan bosh va tish og‘rig‘i, migren, nevralgiya, quloq va tomoq og‘rig‘i, cho‘zilishlar va boshqa turdagi og‘riqlarda og‘riqni qoldiruvchi vosita sifatida ishlatiladi. Shifokor ushbu preparatni boshqa ko‘rsatmalar bo‘yicha ham tavsiya qilishi mumkin (bunday hollarda shifokorning dozalash va qo‘llash sxemasi bo‘yicha tavsiyalariga rioya qiling). 

 Nurofen® bolalar uchun antikoagulyantlar bilan bir vaqtda qo‘llanilganda ularning ta’sirini kuchaytirishi mumkin. Nurofen® bolalar uchun digoksin, fenitoin, metotreksat, litiy bilan birga qo‘llanilganda ularning plazmadagi kontsentratsiyasini oshiradi. Nurofen® bolalar uchun diuretiklar va antigipertenziv vositalar bilan birga ishlatilganda ularning samaradorligini pasaytiradi. Mineralokortikosteroidlar va glyukokortikosteroidlarning nojo‘ya ta’sirlarini kuchaytiradi. 

 Nurofen® bolalar uchun bolalarda qandli diabet bo‘lsa ham qo‘llanilishi mumkin, chunki preparat tarkibida shakar yo‘q. Bo‘yoq moddalarini o‘z ichiga olmaydi. Preparatni yaroqlilik muddati tugaganidan keyin qo‘llash tavsiya etilmaydi va uni bolalar uchun yetib bo‘lmaydigan joyda saqlash kerak. Bolaga Nurofen® bolalar uchun berishdan oldin shifokor bilan maslahatlashish lozim, agar bola • boshqa og‘riq qoldiruvchi dori vositalarini qabul qilayotgan bo‘lsa • anamnezida yara kasalligi, gastrit, yarali kolit, me’da-ichak qon ketishlari bo‘lsa; • jigar va buyrak kasalliklaridan aziyat chekayotgan bo‘lsa; • H.pylori mavjud bo‘lsa. • bilvosita antikoagulyantlar (qon ivishiga ta’sir qiluvchi og‘iz orqali qabul qilinadigan preparatlar), arterial bosimni pasaytiruvchi preparatlar, glyukokortikosteroidlar, antiagregantlar, diuretiklar (siydik haydovchi preparatlar), litiy preparatlari, metotreksat qabul qilayotgan bo‘lsa; • bronxial astma, eshakemi (urtikariya)dan aziyat chekayotgan bo‘lsa. 

 Dozaning oshib ketishi muammolari juda kamdan-kam hollarda yuzaga keladi, biroq agar Siz tasodifan tavsiya etilgan doza miqdorini oshirib yuborgan bo‘lsangiz, darhol shifokorga murojaat qiling. Dozaning oshib ketishi simptomlari: qorin og‘rig‘i, ko‘ngil aynishi, qusish, bosh og‘rig‘i, quloqlarda shovqin, metabolik atsidoz, koma, o‘tkir buyrak yetishmovchiligi, arterial bosimning pasayishi, bradikardiya, taxikardiya. Davolash: me'dani yuvish (faqat qabul qilingandan keyin bir soat ichida), faollashtirilgan ko‘mir, ishqoriy ichimlik, majburiy diurez, simptomatik terapiya.