Har 5 ml suspenziya tarkibida
faol modda paratsetamol (BF) 120 mg;
yordamchi moddalari propilenglikol, sorbitol, ksantan saqichi, saxaroza, metilparaben, propilparaben, limon kislotasi, qulupnay aromatizatori (653445), natriy sitrat, qizil bo'yoq Allura FD&Red40, deionizatsiyalangan suv.

Ichkariga qabul qilingandan so‘ng paratsetamol me’da-ichak yo‘llaridan tez so‘riladi, asosan ingichka ichakda, ko‘proq passiv transport yo‘li bilan. 500 mg dozada bir martalik qabul qilingandan so‘ng plazmadagi maksimal konsentratsiya 10-60 daqiqada erishiladi va taxminan 6 mkg/ml ni tashkil qiladi, so‘ngra asta-sekin kamayadi va 6 soatdan so‘ng 11-12 mkg/ml ni tashkil qiladi.
Keng tarqaladi to‘qimalarda va asosan organizmning suyuq muhitlarida, yog‘ to‘qimalari va orqa miya suyuqligidan tashqari.
Oqsillar bilan bog‘lanishi 10% dan kam va dozani oshirib yuborishda biroz ortadi. Sulfat va glyukuronid metabolitlari hatto nisbatan yuqori konsentratsiyalarda ham plazma oqsillari bilan bog‘lanmaydi.
Paratsetamol asosan jigarda glyukuronid bilan kon’yugatsiya, sulfat bilan kon’yugatsiya va jigar aralash oksidazlari va sitoxrom P450 ishtirokida oksidlanish yo‘li bilan metabolizatsiyalanadi.
Salbiy ta’sirga ega gidroksillangan metabolit – n-atsetil p-benzoxinonimin, juda kichik miqdorlarda jigar va buyraklarda aralash oksidazlar ta’sirida hosil bo‘ladi va odatda glyutation bilan bog‘lanish yo‘li bilan detoksikatsiyalanadi, paratsetamol dozasi oshirib yuborilganda to‘planishi va to‘qimalarga zarar yetkazishi mumkin. Kattalarda paratsetamolning katta qismi glyukuron kislotasi bilan, kamroq darajada esa sulfat kislotasi bilan bog‘lanadi. Ushbu kon’yugatsiyalangan metabolitlar biologik faollikka ega emas. Muddatidan oldin tug‘ilgan bolalarda, yangi tug‘ilganlarda va hayotining birinchi yilida sulfat metaboliti ustunlik qiladi. Yarim chiqarilish davri 1-3 soatni tashkil qiladi. Jigar sirrozi bo‘lgan bemorlarda yarim chiqarilish davri biroz ko‘proq. Paratsetamolning buyrak klirensi 5% ni tashkil qiladi. Siydik bilan asosan glyukuronid va sulfat kon’yugatlari ko‘rinishida chiqariladi. 5% dan kam qismi o‘zgarmagan paratsetamol ko‘rinishida chiqariladi.