Har 5 ml sirop tarkibida faol modda ambroksol gidroxlorid (BF) 15 mg mavjud;
yordamchi moddalari: sorbitol eritmasi, glitserin, propilenglikol, metilparaben, sukraloza, natriy sitrat, limon kislotasi, propilparaben, anis aromatizatori, tozalangan suv.

Yallig‘lanishli va surunkali nafas yo‘llari kasalliklari, quyuq balg‘am ajralishi bilan kechuvchi • o‘tkir va surunkali bronxitlar
• pnevmoniya
• surunkali obstruktiv o‘pka kasalligi
• balg‘am ajralishi qiyin bo‘lgan bronxial astma
• bronxoektatik kasallik

• Fruktozani o‘zlashtira olmaslik, saxaraza/izomaltaza yetishmovchiligi, glyukoza-galaktoza malabsorbsiyasi; • Homiladorlikning birinchi trimestri;
• Preparat komponentlariga yuqori sezuvchanlik.
Bronxlarning motor funksiyasi buzilgan va balg‘am ko‘paygan (harakatsiz kiprikchalar sindromi) bemorlarda, me’da va o‘n ikki barmoqli ichak yarasi kasalligining zo‘rayish bosqichida, homiladorlikning II va III trimestrlarida, laktatsiya davrida ehtiyotkorlik bilan qo‘llash kerak.
Buyrak funksiyasi buzilgan yoki jigar og‘ir kasalliklari bo‘lgan bemorlarga Noveks Ambroksolni alohida ehtiyotkorlik bilan buyurish kerak, bunda bemorlar qabul qilishlar orasida uzoqroq interval saqlashlari yoki preparatni kichikroq dozalarda qabul qilishlari lozim.

Dori vositasining mukolitik ta’siri ko‘p miqdorda suyuqlik qabul qilinganda namoyon bo‘ladi. Shuning uchun davolanish vaqtida ko‘p suyuqlik ichish tavsiya etiladi. Sirop ovqatdan keyin, biriktirilgan o‘lchov stakanchasi yordamida qabul qilinadi. 2 yoshgacha bo‘lgan bolalarga 2,5 ml sirop kuniga 2 marta (15 mg ambroksol/kun)
2 yoshdan 6 yoshgacha bo‘lgan bolalarga 2,5 ml sirop kuniga 3 marta (22,5 mg ambroksol/kun)
6 yoshdan 12 yoshgacha bo‘lgan bolalarga 5 ml sirop kuniga 2-3 marta (30-45 mg ambroksol/kun)
Kattalar va 12 yoshdan katta bolalarga davolashning dastlabki 2-3 kunida 10 ml sirop kuniga 3 marta (90 mg ambroksol/kun) qabul qilinadi. Davolash samarasiz bo‘lsa, kattalarga doza 20 ml sirop kuniga 2 marta (120 mg ambroksol/kun) gacha oshirilishi mumkin. Keyingi kunlarda 10 ml sirop kuniga 2 marta (60 mg ambroksol/kun) qabul qilinadi.

Ovqat hazm qilish tizimi buzilishlari: dispepsiya, ko'ngil aynishi, qusish, suyuq ichak harakati va qorin og'rig'i. Nafas olish, mediastinal va torakal buzilishlar: og'iz yoki farinks gipesteziyasi, og'izda yoki tomoqda qurish.
Nerv tizimi buzilishlari: disgevziya (ta'm sezgisi buzilishi).
Immun tizimi buzilishlari: anafilaktik reaksiyalar, shu jumladan anafilaktik shokgacha.
Teri va teri osti yog' qavati: angionevrotik shish, toshma, eshakemi, qichishish va boshqa gipersezgirlik turlari.

Ambroksol benzilamin – bromgeksinning metaboliti hisoblanadi. Bromgeksindan metil guruhi yo‘qligi va siklogeksil halqasining para-trans holatida gidroksil guruhi mavjudligi bilan farq qiladi. Sekretomotor, sekretolitik va balg‘am ko‘chiruvchi ta’sirga ega.
Og‘iz orqali qabul qilingandan so‘ng ta’siri 30 daqiqadan keyin boshlanadi va 6-12 soat davom etadi (qabul qilingan doza miqdoriga bog‘liq).
Doklinik tadqiqotlar ambroksol bronxlar shilliq qavati bezlarining seroz hujayralarini stimulyatsiya qilishini ko‘rsatdi. Kiprikli epiteliy hujayralarini faollashtirib va balg‘amning quyuqligini kamaytirib, mukotsiliyar transportni yaxshilaydi.
Ambroksol surfaktant hosil bo‘lishini faollashtiradi, alveolyar pnevmotsitlarning 2-turi va kichik nafas yo‘llarining Klara hujayralariga bevosita ta’sir ko‘rsatadi.
Hujayra madaniyatlarida va hayvonlarda in vivo tadqiqotlar ambroksol surfaktant moddasining hosil bo‘lishi va sekretsiyasini stimulyatsiya qilishini ko‘rsatdi, bu modda embrion va kattalarda alveola va bronxlar yuzasida faol hisoblanadi.
Shuningdek, doklinik tadqiqotlarda ambroksolning antioksidant ta’siri isbotlangan.
Ambroksol antibiotiklar (amoksitsillin, tsefuroksim, eritromitsin va doksitsiklin) bilan birga qo‘llanganda ularning balg‘am va bronx sekretsiyasidagi konsentratsiyasini oshiradi.

Homiladorlik va laktatsiya Noveks Ambroksolni homiladorlik davrida, ayniqsa dastlabki 28 haftada qo‘llash bo‘yicha yetarli ma’lumotlar yo‘q. Noveks Ambroksolni homiladorlikning II va III trimestrlarida faqat shifokor ko‘rsatmasi bo‘yicha, onaga kutilayotgan foyda va homila uchun potentsial xavf ehtiyotkorlik bilan baholangandan so‘ng qo‘llash mumkin.
Noveks Ambroksolni laktatsiya davrida qo‘llash yetarlicha o‘rganilmagan, shuning uchun Noveks Ambroksolni faqat shifokor ko‘rsatmasi bo‘yicha, onaga kutilayotgan foyda va emizikli bola uchun potentsial xavf ehtiyotkorlik bilan baholangandan so‘ng qabul qilish mumkin.
Preparatni bolalar uchun yetib bo‘lmaydigan joyda saqlash va qadoqda ko‘rsatilgan yaroqlilik muddati tugaganidan keyin ishlatmaslik kerak.