Silliq mushaklar spazmi bilan bog‘liq funksional buzilishlar va og‘riq sindromini oldini olish va davolash (jumladan, me’da-ichak trakti, siydik chiqarish yo‘llari spazmlari, xolelitiaz, xolesistit, me’da va o‘n ikki barmoqli ichak yara kasalligi bilan bog‘liq; me’da pilorik va kardial bo‘limi spazmi; spastik qabziyat, spastik kolit; proktit, tenesmlar; gazlar ushlanishi natijasida operatsiyadan keyingi kolikalar; nefrolitiaz, pielit bilan bog‘liq); instrumental tekshiruvlar o‘tkazishda; periferik arteriyalar, bosh miya tomirlarining spazmlari; algodisminoreya. Homiladorlikda bachadon qo‘zg‘aluvchanligini kamaytirish uchun; tug‘ruqda bachadon bo‘yni spazmida, bo‘yning uzoq ochilishi, tug‘ruqdan keyingi qisqarishlar, homiladorlikni to‘xtatish xavfida.

Drotaveringa yuqori sezuvchanlik.

Yurak-qon tomir tizimi tomonidan: yurak urishining tezlashuvi, issiqlik hissi; v/i yuborilganda arterial bosimning pasayishi (hatto kollapsgacha), AV-blokada rivojlanishi, aritmiyalar paydo bo‘lishi holatlari qayd etilgan. Nafas olish tizimi tomonidan: v/i yuborilganda nafas olish markazining susayishi holatlari qayd etilgan. Boshqa: bosh aylanishi, terlashning kuchayishi.

Myotropik spazmolitik. Kimyoviy tuzilishi va farmakologik xususiyatlari bo‘yicha papaveringa yaqin, biroq samaradorligi va ta’sir davomiyligi bo‘yicha undan ustun. Ichki organlarning silliq mushaklari tonusini pasaytiradi, ularning harakat faolligini kamaytiradi. Vazodilatatsion ta’sir ko‘rsatadi.