-
Tarkibi
Har bir paket tarkibida 100 mg -amino -fenilmaslyan kislotasi gidroxloridi mavjud. Har bir paket tarkibida 500 mg -amino -fenilmaslyan kislotasi gidroxloridi mavjud. Yordamchi moddalar: mannitol, aspartam, “Orange Durarome” aromatizatori.
-
Qo'llanilishi
Astenik va xavotir-nevrotik holatlar: bezovtalik, qo‘rquv, xavotir; obsesiv-nevroz, psixopatiya; keksalarda – uyqusizlik, tungi bezovtalik. Operatsiyalar yoki og‘riqli diagnostik tekshiruvlar oldidan stress holatlarini oldini olish. Menyer kasalligi, vestibulyar analizatorning turli genezli disfunktsiyasi bilan bog‘liq bosh aylanishlarini oldini olish. Kinetozlarni oldini olish. Bolalarda – totqoq va tiklarni davolash. Spirtli ichimliklarni to‘xtatish sindromi (psixopatologik va somatovegetativ buzilishlar)ni bartaraf etishda kompleks davolashda yordamchi vosita sifatida.
-
Qo'llash mumkin bo'lmagan holatlar
Preparatning faol moddasiga yoki yordamchi moddalarga yuqori sezuvchanlik. Homiladorlik va emizish davri. 3 yoshgacha bo‘lgan bolalar yoshi. Noofen 100 va Noofen 500 kukuni tarkibida shirinlashtiruvchi aspartam mavjud. Uni fenilketonuriyali bemorlarga qo‘llash mumkin emas.
-
Qo'llash usuli
Paket ichidagisi yarim stakan qaynatilgan suvda eritiladi va ovqatdan oldin ichga qabul qilinadi. Astenik va xavotirli-nevrotik holatlarda kattalar uchun – 500 mg (1 paket Noofen 500) kuniga 1-3 marta. Zarur bo‘lsa, sutkalik doza 2,5 g (5 paket) gacha oshirilishi mumkin. Davolash kursi – 2-3 hafta. Zarur bo‘lsa, kurs 4-6 haftagacha uzaytirilishi mumkin. Menyer kasalligi va vestibulyar analizator funksiyasining buzilishi bilan bog‘liq turli genezli bosh aylanishlar, vestibulyar analizator funksiyasining infeksion genezi va Menyer kasalligining zo‘rayish davrida 500 mg dan kuniga 4 marta 5-7 kun davomida, vestibulyar buzilishlar og‘irligi kamayganda – 500 mg preparatdan kuniga 2-3 marta 5-7 kun davomida, so‘ngra – 500 mg dan kuniga 1 marta yana 5 kun davomida. Kasallik nisbatan yengil kechganida 500 mg dan kuniga 1 marta 5-7 kun davomida, so‘ngra davolashni Noofen 100 mg paketini kuniga 2-3 marta 7-10 kun davomida qabul qilish bilan davom ettirish kerak. Vestibulyar analizator funksiyasining tomir va travmatik genezli buzilishlarida 500 mg dan kuniga 1-2 marta 12 kun davomida. Kinetozlarni (ko‘ngil aynishi) oldini olish uchun 500 mg bir marta taxminiy tebranish boshlanishidan bir soat oldin yoki dengiz kasalligining birinchi belgilari paydo bo‘lishida buyuriladi. Belgilarning yaqqol namoyon bo‘lishida (qusish va boshqalar) preparatni qabul qilish samarasiz. Alkogol abstinent sindromini bartaraf etishda yordamchi vosita sifatida dastlabki kunlarda 500 mg dan kuniga 2-3 marta va 500 mg tunda, keyinchalik sutkalik doza asta-sekin odatdagiga kamaytiriladi. Klimakterik buzilishlar fonida ifodalangan vertebral og‘riq sindromini kompleks davolashda dastlabki ikki hafta davomida 500 mg dan kuniga 2 marta, keyingi ikki hafta – 500 mg dan har kuni. Og‘riq sindromi va klimakterik buzilishlar o‘rtacha darajada bo‘lsa, Noofen 500 ni 500 mg dan har kuni 4 hafta davomida qo‘llash tavsiya etiladi. Preparatga o‘rganib qolish va qaramlik kuzatilmaydi, "bekor qilish sindromi" yo‘q. Noofen 100 ichga qabul qilish uchun eritma tayyorlash uchun kukun Paket ichidagisi yarim stakan qaynatilgan suvda eritiladi va ovqatdan oldin ichga qabul qilinadi. 3-4 yoshli bolalarga 100 mg (1 paket) kuniga 2 marta, 5-6 yoshli bolalarga 100 mg kuniga 2-3 marta, 7-10 yoshli bolalarga 100 mg kuniga 3-4 marta, 11-14 yoshli bolalarga 200 mg (2 paket) kuniga 2-3 marta buyuriladi. 14 yoshdan katta bolalarga – kattalar uchun dozalari (Noofen 500 kukuni yoki Noofen preparatining boshqa dori shakllarini qo‘llash tavsiya etiladi). 3-6 yoshli bolalar uchun eng yuqori bir martalik doza – 100 mg, 7-10 yoshda – 200 mg, 11-14 yoshda – 300 mg. Preparatga o‘rganib qolish va qaramlik kuzatilmaydi, "bekor qilish sindromi" yo‘q.
-
Nojo´ya ta´sirlar
Boshqa dori vositalari kabi, Noofen ham nojo‘ya ta’sirlarni keltirib chiqarishi mumkin, garchi ular barcha bemorlarda namoyon bo‘lmasligi mumkin. Noofen odatda yaxshi o‘zlashtiriladi. Nerv tizimi tomonidan buzilishlar – uyquchanlik* (davolash boshida). Ovqat hazm qilish tizimi tomonidan buzilishlar – ko‘ngil aynishi* (davolash boshida). Terining va teri osti to‘qimalarining buzilishlari – kamdan-kam hollarda allergik reaksiyalar (terida toshma, qichishish). Jigar va o‘t yo‘llari tomonidan buzilishlar – yuqori dozalarda uzoq muddat qo‘llanganda gepatotoksiklik*. * namoyon bo‘lish tez-tezligi noma’lum (mavjud ma’lumotlar asosida aniqlash mumkin emas). Agar Sizda ushbu yo‘riqnomada ko‘rsatilmagan biron-bir nojo‘ya ta’sirlar paydo bo‘lsa yoki ko‘rsatilgan nojo‘ya ta’sirlardan biri ayniqsa kuchli namoyon bo‘lsa, shifokorga murojaat qilishingizni so‘raymiz.
-
Chiqarish shakli
Noofen 500 og‘iz orqali qabul qilish uchun eritma tayyorlash uchun kukun. Birlamchi qadoq – laminatdan tayyorlangan paketdagi kukun; Ikki lamchi qadoq – 5 ta laminat paket va qo‘llanma bilan birga karton qutida. Noofen 100 og‘iz orqali qabul qilish uchun eritma tayyorlash uchun kukun. Birlamchi qadoq – laminatdan tayyorlangan paketdagi kukun; Ikki lamchi qadoq – 15 ta laminat paket va qo‘llanma bilan birga karton qutida.
-
Farmakologik xususiyatlari
Noofen psixometabolik stimulyatorlarga kiradi, bosh miya nerv hujayralarida metabolik jarayonlarga ijobiy ta’sir ko‘rsatadi.
-
Dorilarning o'zaro ta'siri
Noofen psixotrop preparatlar bilan birga qo‘llanishi mumkin, bunda Noofen va birga qo‘llanilayotgan dori vositalarining dozalari kamaytiriladi. Noofen uyqu dori vositalari, neyroleptiklar va antiparkinson preparatlarining ta’sirini kuchaytiradi va uzaytiradi.
-
Maxsus ko'rsatmalar
O‘tkir-eroziv va yara kasalliklari bo‘lgan bemorlarda ehtiyotkorlik bilan qo‘llash kerak. Preparatning tirnash xususiyati beruvchi ta’siridan himoya qilish uchun bu bemorlarga kichikroq dozalarda buyuriladi. Uzoq muddat qo‘llanganda periferik qon ko‘rsatkichlari va jigar funksiyasi ko‘rsatkichlarini nazorat qilish zarur. Buyrak va/yoki jigar yetishmovchiligi bo‘lgan bemorlarda uzoq muddat qo‘llanganda jigar va/yoki buyrak funksiyasi ko‘rsatkichlarini nazorat qilish zarur. Transport vositalarini boshqarish qobiliyatiga ta’siri Preparatni qo‘llashda uyquchanlik yoki markaziy asab tizimi tomonidan boshqa buzilishlar kuzatilgan bemorlar davolanish davrida transport vositalarini boshqarishda yoki mexanizmlarga xizmat ko‘rsatishda ehtiyotkorlikka rioya qilishlari kerak. Preparatni yaroqlilik muddati tugagandan so‘ng qo‘llash mumkin emas va uni bolalar uchun yetib bo‘lmaydigan joyda saqlash kerak. Homiladorlik va emizish davrida qo‘llash mumkin emas.
-
Dozani oshirib yuborilishi
Doza oshirib yuborish holatlari haqida ma’lumot yo‘q. Preparat kam zaharli. Belgilari: uyquchanlik, ko‘ngil aynishi, qusish, bosh aylanishi. Yuqori dozalarda uzoq muddat qo‘llanganda eozinofiliya, arterial gipotenziya, jigar yog‘li distrofiyasi (7 g dan ortiq qabul qilinganda), buyrak funksiyasi buzilishi rivojlanishi mumkin. Davolash: me’da yuvish, faollashtirilgan ko‘mir qabul qilish, simptomatik va yordamchi davolash. Maxsus antidot noma’lum.
-
Saqlash shartlari
Quruq joyda 25ºS dan yuqori bo'lmagan haroratda saqlansin.
-
Eng yaxshi sanadan oldin
2 yil
Dorilar
Dorixona kosmetikasi
Ona va bola
Tibbiy mahsulotlar
Gigiena va parvarish
Vitaminlar va BFQ
Qo'shimcha mahsulotlar
