Dumaloq, ikki tomoni qavariq, plyonka qobiq bilan qoplangan, oq yoki biroz sarg‘ish rangdagi tabletkalar.

1 tabletkada quyidagilar mavjud: faol modda: nimodipin - 30 mg; yordamchi modda: mikrokristallik tsellyuloza, povidon K30, krosprovidon, makkajo'xori kraxmali, magniy stearati.

Anevrizmatik subaraxnoidal qon quyilishidan keyingi ishemik nevrologik buzilishlarning oldini olish. Miya qon aylanishining o‘tkir buzilishlari. Miya qon aylanishining surunkali buzilishlari: xotira yomonlashuvi, diqqatni jamlash buzilishlari. Kattalar yoshidagi bemorlarda yaqqol miya buzilishlari bilan kechuvchi psixo-emotsional labilitet. Migren xurujlarining oldini olish. Insultdan keyingi holatlar. Kognitiv buzilishlar, shu jumladan, tutqanoq sindromlarida.

preparatning har qanday komponentiga yuqori sezuvchanlik; jigar faoliyatining og'ir buzilishlari (masalan, jigar sirrozi); rifampitsin yoki antiepileptik preparatlar (fenobarbital, fenitoin, karbamazepin) bilan bir vaqtda buyurish; homiladorlik; laktatsiya davri; 18 yoshgacha bo'lgan yosh. Ehtiyotkorlik bilan: arterial gipotenziyada (sistolik arterial bosim 100 mm simob ustunidan kam); og'ir buyrak faoliyati buzilgan (glomerulyar filtrlatsiya 20 ml/min dan kam) birga patologiyali keksa bemorlarda; og'ir yurak yetishmovchiligi bo'lgan, bosh miya funksiyalari buzilishini davolash uchun Nitopomig SD qabul qilayotgan keksa yoshdagi bemorlar muntazam tekshiruvdan o'tishlari kerak.

Kattalar: tavsiya etilgan doza - har 4 soatda ikki tabletka (to‘liq sutkalik doza 360 mg), tabletkalarni butun holda, oz miqdorda suyuqlik bilan ichish kerak. Tabletkalarni qabul qilish subaraxnoidal qon ketishining boshlanishidan to‘rt kun o‘tgach boshlanadi va 21 kun davomida davom ettirilishi kerak. Jarrohlik aralashuvi bo‘lsa, buyurish davom ettirilishi kerak (dozalash yuqoridagidek), davolash muddati 21 kun. Nojo‘ya reaksiyalar rivojlangan bemorlarda doza zaruratga ko‘ra kamaytirilishi yoki davolash bekor qilinishi mumkin. Jigar funksiyasining og‘ir buzilishlari, ayniqsa jigar sirrozi, birinchi o‘tish effekti pasayishi va metabolik klirens kamayishi tufayli nimodipinning biofoydalanishini oshirishi mumkin. Bunday bemorlarda ta’sirlar va nojo‘ya ta’sirlar, masalan, arterial bosimning pasayishi aniqlanishi mumkin. Bunday hollarda doza kamaytirilishi kerak (arterial bosim pasayish darajasiga qarab) yoki zarurat tug‘ilganda, nifedipin bilan davolash to‘xtatilishi kerak. SUR 3A4 ingibitorlari bilan birga qo‘llanganda doza moslashtirilishi zarur. Buyurilishi: tabletkalarni ovqatdan qat’i nazar, butun holda, oz miqdorda suyuqlik bilan yutish kerak. Qabul qilish oralig‘i kamida 4 soat bo‘lishi kerak. Greypfrut sharbatini iste’mol qilishdan saqlanish zarur. Miya qon aylanishining surunkali buzilishlari: 1 tabletkadan kuniga 3 marta 1-3 oy davomida. Migren xurujlarini oldini olish uchun: 1 tabletkadan kuniga 3 marta. Insultdan keyingi holat: 1 tabletkadan kuniga 3 marta. Qariyalar: ushbu toifadagi bemorlarda dozalashni o‘zgartirish bo‘yicha maxsus talablar yo‘q. Bolalar: pediatrik dozalash aniqlanmagan.

Yurak-qon tomir tizimi tomonidan: arterial gipotenziya, taxikardiya, periferik shishlar, yuzning giperemiyasi, issiqlik yoki harorat hissi mumkin. Ovqat hazm qilish tizimi tomonidan: ko‘ngil aynishi, dispeptik simptomlar, qon plazmasida transaminazalar konsentratsiyasining o‘tkinchi oshishi. Markaziy asab tizimi tomonidan: bosh aylanishi, bosh og‘rig‘i, holsizlik; ayrim hollarda - uyqu buzilishi, psixomotor faollikning oshishi, tajovuzkorlik, giperkinezlar, depressiya. Qon yaratilish tizimi tomonidan: trombotsitopeniya. Modda almashinuvi jarayonlari tomonidan: terlashning kuchayishi.

Selektiv II sinf kalsiy kanallari blokatori, digidropiridin hosilasi. L tipidagi kalsiy kanallari bilan tanlab o‘zaro ta’sir qiladi va kalsiy ionlarining transmembrana kirib kelishini bloklaydi. Asosan bosh miya tomirlariga tomir kengaytiruvchi ta’sir ko‘rsatadi. Turli tomir toraytiruvchi biologik faol moddalar chaqirgan tomir spazmini oldini oladi yoki bartaraf etadi. Bosh miya qon ta’minoti yetarli bo‘lmagan sohalarda (normal qon ta’minotiga ega sohalarga nisbatan) perfuziyaning yanada yaqqol oshishini chaqiradi. Subaraxnoidal qon quyilishida miya qon aylanishini yaxshilaydi. Miya neyronlarining funksional holatini barqarorlashtiradi. Xotira va diqqatni jamlash qobiliyatini yaxshilaydi. Tizimli arterial bosimga sezilarli ta’sir ko‘rsatmaydi. Farmakokinetikasi Og‘iz orqali qabul qilinganda me’da-ichak yo‘llaridan tez so‘riladi, plazmadagi maksimal konsentratsiyaga 1 soat ichida erishiladi. Jigar orqali “birinchi o‘tish”da intensiv metabolizmga uchraydi. Biokiraolish past. Plazma oqsillari bilan bog‘lanishi 95% ni tashkil etadi. Yarmiy hayot davri dastlabki 1-2 soat, yakuniy 8-9 soat. Buyraklar orqali (o‘zgarmagan holda 1% dan kam) va ichak orqali chiqariladi.

Simptomlar: arterial bosimning aniq pasayishi, taxikardiya yoki bradikardiya, qusish, epigastral sohada og'riq, markaziy asab tizimi faoliyati buzilishi simptomlari. Dozani oshirib yuborishda preparatni qabul qilishni darhol to'xtatish kerak. Davolash: simptomatik. Birinchi yordamga oshqozonni yuvish va faollashtirilgan ko'mir qabul qilish kiradi. Agar arterial bosim sezilarli darajada pasaysa, vena ichiga dopamin yoki norepinefrin yuborish kerak. Nimodipinning aniq antidotlari noma'lum.

Keksa yoshdagi, ko'p hamroh kasalliklari, og'ir buyrak yetishmovchiligi (glomerulyar filtrlatsiya 20 ml/min dan kam) va og'ir yurak-qon tomir kasalliklari bo'lgan bemorlarga nimodipin buyurilishi ayniqsa ehtiyotkorlik bilan asoslanishi kerak. Davolash davomida va undan keyin bunday bemorlar muntazam shifokor nazoratida bo'lishlari kerak. Jigar faoliyati buzilgan bemorlarda birlamchi metabolizm intensivligi pasayishi va metabolik inaktivatsiya sekinlashuvi tufayli nimodipin biofoydalanishi oshishi mumkin, bu esa preparatning asosiy va nojo'ya ta'sirlarini, xususan, uning gipotonik ta'sirini kuchaytirishi mumkin. Bunday hollarda preparat dozasini arterial bosim pasayish darajasiga qarab kamaytirish, zarur bo'lsa, nimodipin qabulini to'xtatish kerak. Homiladorlik va laktatsiya davri Homilador ayollarda yetarli nazoratli tadqiqotlar o'tkazilmagan. Hayvonlarda og'iz orqali qabul qilinganda reproduktiv toksiklik tadqiqotlari teratogen ta'sir ko'rsatmagan, biroq tadqiqot davomida reproduktiv toksiklik aniqlangan. Nimodipin va uning metabolitlari, ko'rsatilganidek, inson sutida mavjud bo'lgan. Emizikli onalarga ushbu dori vositasini qabul qilganda emizmaslik tavsiya etiladi. In vitro sharoitida kalsiy antagonistlarining spermatozoid boshida qaytariluvchi biokimyoviy o'zgarishlarni chaqirish qobiliyati namoyon bo'lgan, bu esa spermatozoid funksiyasining pasayishiga olib kelishi mumkin. Bolalar Pediatrik dozalash aniqlanmagan. Avtotransport boshqarish va mexanizmlarni boshqarish qobiliyatiga ta'siri Nimodipin qabul qilish arterial bosim pasayishi va bosh aylanishi ehtimoli tufayli transport vositalari va mexanizmlarni boshqarish qobiliyatini buzishi mumkin.

Nitopomig SD sitoxrom P450 ZA4 tizimi fermentlari ishtirokida metabolizatsiyalanadi, shuning uchun jigar fermentlari faolligini induktsiyalovchi yoki ingibitsiyalovchi preparatlar nimodipin plazmadagi konsentratsiyasiga ta'sir ko'rsatishi mumkin. Boshqa sekin kalsiy kanallari blokatorlarini qo'llash tajribasidan kelib chiqib, jigar fermentlari faolligini induktsiyalovchi rifampitsin nimodipin metabolizmini tezlashtirishi mumkinligi kutiladi. Rifampitsin va nimodipin bir vaqtda qo'llanganda, oxirgisining samaradorligi kamayishi mumkin. Sitoxrom P450 ZA4 ferment tizimini induktsiyalovchi antiepileptik preparatlar (fenobarbital, fenitoin va karbamazepin) nimodipinning biologik mavjudligini sezilarli darajada kamaytiradi, shuning uchun ularni birga qo'llash mumkin emas. P450 ZA4 ferment tizimi faolligini oshiruvchi preparatlar nimodipin plazmadagi konsentratsiyasini oshirishi mumkin: makrolidlar (masalan, eritromitsin). Tuzilishi jihatidan o'xshash azitromitsin bunday xususiyatlarga ega emas; OIV-proteaza ingibitorlari (masalan, ritonavir); azol antifungallari (masalan, ketokonazol); antidepresantlar nefazodon va fluoksetin (birga qo'llanganda nimodipin plazmadagi konsentratsiyasi 50% gacha oshadi); kvinopristin/dalfopristin; simetidin; valproat kislotasi. Bunday preparatlar bilan birga qo'llanganda nimodipin dozasini kamaytirish va arterial bosimni monitoring qilish kerak. Nimodipinni antidepresant nortriptilin bilan uzoq muddat qo'llash nimodipin plazmadagi konsentratsiyasining biroz kamayishiga olib keladi; nortriptilin konsentratsiyasi o'zgarmaydi. Nimodipin quyidagi preparatlar bilan birga qo'llanganda arterial bosimni pasaytirishi mumkin: diuretiklar; beta-adrenoblokatorlar; APF ingibitorlari; AT-1 retseptor blokatorlari; boshqa kalsiy antagonistlari; alfa-adrenoblokatorlar; metildopa; fosfodiesteraza ingibitorlari. Nimodipin ushbu guruh preparatlari bilan birga qo'llanganda arterial bosimni diqqat bilan nazorat qilish talab etiladi. Galoperidol bilan uzoq muddatli davolanishda bo'lgan bemorlarda nimodipin va galoperidol o'rtasida dori-darmon o'zaro ta'siri aniqlanmagan. Zidovudin va nimodipin bir vaqtda vena ichiga yuborilganda, zidovudin uchun AUC sezilarli darajada oshadi va nimodipin qo'llash samaradorligi kamayadi. Greypfrut sharbati digidropiridinlarning oksidlanish metabolizmini susaytiradi. Greypfrut sharbati va nimodipinni birga qo'llashdan saqlanish kerak, chunki bu nimodipin plazmadagi konsentratsiyasining oshishiga olib kelishi mumkin. Chiqarilish shakli Har bir konturli yacheykali o'ramda 10 tadan tabletka. 1, 2, 3, 6 va 10 konturli yacheykali o'ramlar karton qutiga, foydalanish bo'yicha yo'riqnoma bilan birga joylanadi.