Bitta tabletkada quyidagilar mavjud: faol modda – nistatin – 55,500 mg (250 000 ED) yoki 111,000 mg (500 000 ED); yordamchi moddalari: laktosa monogidrat (sut shakari), magniy gidroksikarbonat (magniy karbonat asosiy), gipromelloza (oksipropilmetilsellyuloza), kalsiy stearat monogidrat, kartoshka kraxmali; oq qobiq tarkibi: laktosa monogidrat (sut shakari), gipromelloza (oksipropilmetilsellyuloza), titan dioksid E171, polisorbat-80 (tvin-80), talk, vanilin, xinolinniy sariq bo'yoq E104, tropeolin O bo'yoq.

Preparat kattalarga qo'llash uchun ko'rsatilgan. - teri va ichki organlar shilliq qavatlarining kandidazi - antibiotiklar bilan uzoq muddatli davolashda, ayniqsa ozib ketgan va zaiflashgan bemorlarda zamburug'li asoratlarning profilaktikasi

- faol modda yoki yordamchi moddalardan biror biriga yuqori sezuvchanlik - fruktozani o‘zlashtira olmaslik bilan bog‘liq irsiy kasalliklar, Lapp-laktaza fermenti yetishmovchiligi, glyukoza-galaktoza malabsorbsiyasi - jigar faoliyati buzilishi, pankreatit - me’da va o‘n ikki barmoqli ichak yara kasalligi - homiladorlik - 18 yoshgacha bo‘lgan bolalar yoshi

Kattalarga 111,0 mg (500 000 ED) dan kuniga 3-4 marta yoki 55,5 mg (250 000 ED) dan kuniga 6-8 marta buyuriladi. Generalizatsiyalashgan kandidazda sutkalik doza 6 000 000 ED gacha oshirilishi mumkin. Qo'llash usuli va yo'li Ovqat qabul qilishdan qat'i nazar, og'iz orqali. Davolash davomiyligi Davolash kursining davomiyligi – 10-14 kun. Zaruriyat tug'ilganda, bir haftadan so'ng kurs takrorlanishi mumkin.

— nistatinni yuqori dozalarda qo‘llash ba’zan diareya, ko‘ngil aynishi, qusish, qorin og‘rig‘ini keltirib chiqarishi mumkin — toshma, shu jumladan eshakemi, teri qichishishi – kamdan-kam hollarda; Stivens-Djonson sindromi – juda kam hollarda; gipersensitivlik va angiodistrofiya – tez-tezligi noma’lum — titroq, gipertermiya — allergik reaksiyalar Nojo‘ya ta’sirlar yuzaga kelganda doza kamaytirilishi yoki preparat bekor qilinishi lozim.

Nistatin preparatlari og'iz orqali qabul qilish uchun tizimli mikozlarni davolashda qo'llanilmasligi kerak. Qinning zamburug'li kasalliklarida jinsiy sherikni bir vaqtda davolash tavsiya etiladi. Pediatriyada qo'llanilishi Preparat 18 yoshgacha bo'lgan bolalarga kontraindikatsiyalangan. Homiladorlik va laktatsiya davrida qo'llanilishi Homiladorlikda preparat kontraindikatsiyalangan. Nistatinning ko'krak suti orqali o'tishi haqida ma'lumotlar yo'q. Nistatin me'da-ichak traktidan juda kam miqdorda so'rilsa ham, laktatsiya davrida preparatni qabul qilishda ehtiyotkorlikka rioya qilish kerak. Preparatning transport vositalarini boshqarish yoki potentsial xavfli mexanizmlar bilan ishlash qobiliyatiga ta'sir qilish xususiyatlari Preparatni qo'llash transport vositalarini boshqarish va diqqatni yuqori jamlash hamda psixomotor reaksiyalar tezligini talab qiluvchi boshqa potentsial xavfli faoliyat turlari bilan shug'ullanish qobiliyatiga ta'sir qilmaydi.

Farmakokinetika Preparat me’da-ichak yo‘llaridan yomon so‘riladi. Og‘iz orqali qabul qilingan preparatning asosiy qismi najas bilan chiqariladi. Nistatin kumulyativ xususiyatlarga ega emas. Farmakodinamika Polienli zamburug‘larga qarshi antibiotik, Candida turidagi drojyeo‘xshash zamburug‘larga nisbatan yuqori faollikka ega. Antibiotik tuzilmasida zamburug‘larning sitoplazmatik membranasining sterol tuzilmalariga yuqori tropizmlik ko‘rsatadigan qo‘sh bog‘lar mavjud bo‘lib, bu preparat molekulasining hujayra membranasiga joylashishiga va ko‘plab kanallar hosil bo‘lishiga yordam beradi, ular orqali elektrolitlarning nazoratsiz transporti amalga oshiriladi, hujayra ichidagi osmolyalikning oshishi uning nobud bo‘lishiga olib keladi. Rezistentlik juda sekin rivojlanadi.

Nistatin klotrimazol bilan bir vaqtda qo‘llanilganda, oxirgisining faolligi pasayadi.

Hozirgi vaqtda preparat bilan dozani oshirib yuborish holatlari haqida xabar berilmagan. Chunki nistatin me’da-ichak yo‘llaridan juda kam miqdorda so‘riladi, preparat bilan dozani oshirib yuborish yoki uni tasodifan qabul qilish tizimli toksiklikka olib kelmaydi. Ma’lumotlarga ko‘ra, nistatinning kunlik 5 000 000 ED dan ortiq peroral qabul qilinishi ko‘ngil aynishi va ovqat hazm qilish tizimi buzilishiga sabab bo‘lgan.