Detoksikatsion, yallig'lanishga qarshi, desensibilizatsiyalovchi ta'sir ko'rsatadi, galoid preparatlarini (yod) zararsizlantiradi. Mishyak, simob, qo'rg'oshin birikmalari bilan zaharlanganda zaharli bo'lmagan sulfitlar hosil qiladi. Sianidlar bilan zaharlanganda kamroq zaharli rodansulfid birikmalarini hosil qiladi. Kislotali muhitda oltingugurt va oltingugurt angidridini hosil qilib parchalanadi, ular antiparazitar ta'sir ko'rsatadi.

Vena ichiga yuborilgandan so'ng hujayra tashqarisidagi suyuqlikda tarqaladi. Organizmda siydik bilan chiqariladi. Yarim chiqarilish davri 0,65 soatni tashkil etadi. 

 

Ehtiyotkorlik bilan: Buyrak yetishmovchiligi (hosil bo'lgan birikmalarni chiqarilishi sekinlashadi), keksalik yoshi (buyrak funksiyasining buzilishi mumkinligi sababli), 18 yoshgacha bo'lgan bolalar (natriy tiosulfatning pediatrik populyatsiyada xavfsizligi va samaradorligini baholash bo'yicha klinik tadqiqotlar mavjud emas, biroq tibbiy adabiyotlarda natriy tiosulfatning natriy nitrit bilan birga pediatrik bemorlarda sianidlar bilan zaharlanganda qo'llanilishi haqida xabarlar mavjud, shuning uchun pediatrik bemorlar uchun dozalash bo'yicha tavsiyalar antidotning potentsial detoksikatsion ta'sirining nazariy hisob-kitoblariga, hayvonlar ustida o'tkazilgan tajriba ma'lumotlarini ekstrapolyatsiya qilishga, shuningdek, kasallik tarixining oz sonli holatlariga asoslangan).

Sianidlar bilan zaharlanganda natriy nitritni bir vaqtda buyurish tavsiya etiladi, bunda natriy tiosulfat natriy nitritdan keyin yuboriladi.

Sianidlar bilan intoksikatsiyada antidot yuborishda kechikishdan saqlanish kerak (tezda o'limga olib kelishi mumkin). Sianidlar bilan zaharlanish simptomlarining qaytishi mumkinligi sababli bemorni 24-48 soat davomida diqqat bilan kuzatish zarur. Simptomlar qaytalanadigan bo'lsa, natriy tiosulfat yuborishni yarim dozada takrorlash kerak.

Davolash davrida gemoglobin va gematokrit ko'rsatkichini nazorat qilish zarur.

Metgemoglobinemiyasi mavjud bo'lsa, standart pulsoksimetriya usullari va o'lchangan PO2 asosida hisoblangan kislorod bilan to'yinish ko'rsatkichlari ishonchsizdir.

Davolash davrida avtomobil boshqarishda va diqqatni jamlash hamda psixomotor reaksiyalar tezligini talab qiluvchi potentsial xavfli faoliyat turlari bilan shug'ullanishda ehtiyotkorlikka rioya qilish zarur. 

 

Natriy tiosulfatning nitratlar, kaliy permanganat bilan kontaktda bo‘lishiga qat’iyan yo‘l qo‘yilmaydi.

Kimyoviy jihatdan gidroksikobalamin bilan mos kelmaydi, shu sababli ularni bir xil tomir ichiga yuborish moslamasi orqali yuborish mumkin emas.

Natriy tiosulfat va natriy nitritning bir xil tomir ichiga yuborish liniyasi orqali ketma-ket yuborilganda kimyoviy nomutanosiblik haqida xabar berilmagan.

Natriy tiosulfatning boshqa dori vositalari bilan o‘zaro ta’siri bo‘yicha tadqiqotlar o‘tkazilmagan. 

 Natriy tiosulfat bilan dozani oshirib yuborish bo‘yicha ma’lumotlar cheklangan. Insonda kuniga 3 g natriy tiosulfatni 1-2 hafta davomida peroral qabul qilish arterial qonning kislorod bilan to‘yinganlik darajasining 75% dan pastga tushishi bilan kechgan, bu kislorod va gemoglobin dissotsiatsiyasi egri chizig‘ining o‘ngga siljishi bilan bog‘liq bo‘lgan. Natriy tiosulfat yuborilishini to‘xtatgandan so‘ng arterial qonning kislorod bilan to‘yinganlik darajasi boshlang‘ich darajaga 1 hafta o‘tgach tiklangan. 20 ml 20% natriy tiosulfat eritmasining bir martalik yuborilishi qonning kislorod bilan to‘yinganlik ko‘rsatkichlariga ta’sir qilmaganligi haqida xabar berilgan.