Detoksikatsion, yallig‘lanishga qarshi, desensibilizatsiyalovchi ta’sir ko‘rsatadi, galogen preparatlarini (yod) zararsizlantiradi. Mishyak, simob, qo‘rg‘oshin birikmalari bilan zaharlanganda zaharli bo‘lmagan sulfitlar hosil qiladi. Sianidlar bilan zaharlanganda kamroq zaharli rodon kislotali birikmalar hosil qiladi. Kislotali muhitda oltingugurt va oltingugurt angidrid hosil bo‘lishi bilan parchalanadi, ular antiparazitar ta’sir ko‘rsatadi.

Vena ichiga yuborilgandan so‘ng hujayra tashqarisidagi suyuqlikda tarqaladi. Organizmda siydik bilan chiqariladi. Yarim chiqarilish davri 0,65 soatni tashkil etadi.
 

 Sianidlar bilan zaharlanganda natriy tiosulfat va natriy nitritni bir vaqtda buyurish tavsiya etiladi. Tibbiy qo‘llash uchun dori vositasining transport vositalarini, mexanizmlarni boshqarish qobiliyatiga mumkin bo‘lgan ta’siri haqida ma’lumotlar. Davolanish davrida avtomobil boshqarishda va diqqatni jamlash hamda psixomotor reaksiyalar tezligini talab qiluvchi potensial xavfli faoliyat turlari bilan shug‘ullanishda ehtiyotkorlikka rioya qilish zarur. Preparatni yaroqlilik muddati tugaganidan so‘ng qo‘llash mumkin emas va uni bolalar uchun yaroqsiz joyda saqlash kerak. Homiladorlik va laktatsiya davrida preparat faqat hayotiy ko‘rsatmalar bo‘yicha qo‘llaniladi." 
 

Homilador ayollarda yetarli va qat’iy nazorat qilinadigan tadqiqotlar mavjud emas. Natriy tiosulfatni homiladorlik davrida qo‘llash onaga bo‘lgan potentsial foyda homilaga bo‘lgan potentsial xavfdan ustun bo‘lsa mumkin. O‘tkazilgan epidemiologik tadqiqotlarda homiladorlik davrida natriy tiosulfat qabul qilgan onalardan tug‘ilgan bolalarda tug‘ma anomaliyalar qayd etilmagan.

Natriy tiosulfat ona sutiga o‘tadimi noma’lum. Natriy tiosulfat faqat hayot uchun xavfli holatlarda yuboriladiganligi sababli, emizish uni qo‘llashga qarshi ko‘rsatma emas. Ko‘plab preparatlar ona sutiga o‘tishi sababli, natriy tiosulfatni emizuvchi ayollarda qo‘llashda ehtiyotkorlikka rioya qilish zarur. Natriy tiosulfat yuborilgandan so‘ng emizishni xavfsiz tiklash vaqti bo‘yicha hech qanday ma’lumotlar mavjud emas. 

 

Natriy tiosulfatni nitratlar, kaliy permanganat bilan kontaktda bo‘lishiga qat’iyan yo‘l qo‘yilmaydi.

Kimyoviy jihatdan gidroksikobalamin bilan mos kelmaydi, shuning uchun ularni bir xil vena ichiga yuborish moslamasi orqali yuborish mumkin emas.

Natriy tiosulfat va natriy nitritni bir xil vena ichiga yuborish liniyasi orqali ketma-ket yuborilganda kimyoviy nomutanosiblik haqida xabar berilmagan.

Natriy tiosulfatning boshqa dori vositalari bilan o‘zaro ta’siri bo‘yicha tadqiqotlar o‘tkazilmagan. 

 Natriy tiosulfat bilan dozani oshirib yuborish bo‘yicha ma’lumotlar cheklangan. Insonda kuniga 3 g natriy tiosulfatni 1-2 hafta davomida peroral qabul qilish arterial qonning kislorod bilan to‘yinganlik darajasining 75% dan pastga tushishi bilan kechgan, bu kislorod va gemoglobin dissotsiatsiyasi egri chizig‘ining o‘ngga siljishi bilan bog‘liq bo‘lgan. Natriy tiosulfat yuborilishini to‘xtatgandan so‘ng 1 hafta o‘tgach arterial qonning kislorod bilan to‘yinganlik darajasi boshlang‘ich darajaga qaytgan. 20 ml 20% natriy tiosulfat eritmasining bir martalik yuborilishi qonning kislorod bilan to‘yinganlik ko‘rsatkichlariga ta’sir qilmaganligi haqida xabar berilgan.