1 tabletkada quyidagilar mavjud: faol modda: fonturacetam – 50,00 mg yoki 100,00 mg; yordamchi modda: povidon K-17, mikrokristallik sellyuloza, natriy karboksi-metilkrakhmal, magniy stearat.

Markaziy asab tizimining turli genezli kasalliklari, ayniqsa, miya almashinuv jarayonlarining buzilishi, intoksikatsiya (xususan, travmadan keyingi holatlarda) bilan bog‘liq bo‘lgan, intellektual-mnestik funksiyalarning yomonlashuvi, harakat faolligining pasayishi bilan kechadigan holatlar; • Nevrotik holatlar, sustlik, tez charchash, psixomotor faollikning pasayishi, diqqatning buzilishi, xotiraning yomonlashuvi bilan namoyon bo‘ladigan holatlar; • O‘qish jarayonining buzilishi; • Psixoorganik sindromlar, intellektual-mnestik buzilishlar va apatiko-abulik hodisalar, shuningdek, shizofreniyada sust-apatiya holatlari bilan namoyon bo‘ladigan holatlar; • Tutqanoq holatlari; • Semizlik (alimentar-konstitutsional genezli); • Gipoksiyani oldini olish, stressga chidamlilikni oshirish, kasbiy faoliyatning ekstremal sharoitlarida organizmning funksional holatini korreksiya qilish, charchoqlik rivojlanishini oldini olish va aqliy hamda jismoniy ish qobiliyatini oshirish, sutkalik bioritmni korreksiya qilish, "uyqu-bedorlik" siklining inversiyasi; • Surunkali alkogolizm (intellektual-mnestik buzilishlarni kamaytirish maqsadida).

Fonturacetamga yoki preparat tarkibidagi har qanday yordamchi moddalarga yuqori sezuvchanlik. Homiladorlik va emizish davri. 18 yoshgacha bo'lgan yosh (fonturacetamni ushbu yosh populyatsiyasida samaradorligi va xavfsizligi bo'yicha klinik ma'lumotlar yo'qligi sababli).

Og‘iz orqali. Ovqatdan so‘ng darhol qabul qilinadi. Doza va davolash davomiyligini shifokor belgilashi kerak. Dozalar bemorning holatiga qarab o‘zgaradi. O‘rtacha bir martalik doza 150 mg (100 dan 250 mg gacha); o‘rtacha sutkalik doza – 250 mg (200 dan 300 mg gacha). Nanotropil® novo preparatining maksimal sutkalik doza miqdori 750 mg ni tashkil etadi. Sutkalik dozani 100 mg gacha bo‘lsa, bir marta ertalab qabul qilish tavsiya etiladi, 100 mg dan ortiq bo‘lsa, 2 marta bo‘lib qabul qilinadi. Davolash davomiyligi 2 haftadan 3 oygacha, o‘rtacha 30 kun. Zaruriyat tug‘ilganda kurs 1 oydan so‘ng takrorlanishi mumkin. Ish qobiliyatini oshirish uchun – 100-200 mg bir marta ertalab, 2 hafta davomida (sportchilar uchun – 3 kun). Alimentar-konstitutsional semizlikda preparat bilan davolash tavsiya etilgan davomiyligi 30-60 kun, doza 100-200 mg 1 marta sutkada (ertalab). Preparatni 15:00 dan kech qabul qilish tavsiya etilmaydi.

Uyqusizlik (preparatni 15:00 dan kech qabul qilganda). Ba’zi bemorlarda qabul qilishning dastlabki 1-3 kunida psixomotor qo‘zg‘alish, teri qoplamlarining giperemiyasi, issiqlik hissi, arterial bosimning oshishi mumkin.

Nootrop preparat, aniq ifodalangan antiamnestik ta'sirga ega, xotirani konsolidatsiya qilishga yordam beradi, o‘rganish jarayonini osonlashtiradi, miya to‘qimalarining toksik ta'sirlarga chidamliligini oshiradi, antikonvulsant ta'sirga ega. Metabolik jarayonlarga ijobiy ta'sir ko‘rsatadi, oksidlanish-qaytarilish jarayonlarini stimulyatsiya qiladi, glyukozani utilizatsiya qilish hisobiga organizmning energetik potensialini oshiradi. Miya to‘qimalarida noradrenalin, dofamin va serotonin miqdorini oshiradi, GABA miqdoriga ta'sir qilmaydi, GABA va GABAB retseptorlari bilan bog‘lanmaydi, miya bioelektrik faolligiga sezilarli ta'sir ko‘rsatmaydi. Nafas olish va yurak-qon tomir tizimiga ta'sir qilmaydi, aniq ifodalangan diuretik ta'sirga ega emas, kursli qo‘llashda anoreksigen faollikka ega. Stimulyatsion ta'siri harakat reaksiyalariga, jismoniy ish qobiliyatining oshishiga, shuningdek, etanol va geksobarbitalning uyqu keltiruvchi ta'sirining kamayishiga o‘rtacha ifodalangan ta'sir ko‘rsatish qobiliyatida namoyon bo‘ladi. Psixostimulyatsion ta'sir ideator sohada ustunlik qiladi. Adaptogen ta'siri organizmning haddan tashqari psixik va jismoniy yuklamalar, charchoq, gipokineziya va immobilizatsiya, past harorat sharoitida stressga chidamliligini oshirishda namoyon bo‘ladi. Preparat qabul qilinganda ko‘rishning yaxshilanishi, ya'ni o‘tkirligi, yorqinligi va ko‘rish maydonlarining kengayishi kuzatiladi. Pastki oyoq-qo‘llarning qon bilan ta'minlanishini yaxshilaydi. Antigen kiritilishiga javoban antitanachalar ishlab chiqarilishini stimulyatsiya qiladi, bu immunostimulyatsion xossalarga ega ekanligini ko‘rsatadi, biroq shu bilan birga, darhol tipdagi gipersensitivlik rivojlanishiga yordam bermaydi va begona oqsil kiritilishi natijasida yuzaga kelgan terining allergik yallig‘lanish reaksiyasini o‘zgartirmaydi. Kursli qo‘llashda dori vositasiga qaramlik, tolerantlik, "bekor qilish sindromi" rivojlanmaydi. Ta'siri bir martalik dozada namoyon bo‘ladi, bu preparatni ekstremal sharoitlarda qo‘llashda muhimdir. Absorbsiya: Tez so‘riladi. Og‘iz orqali qabul qilinganda mutlaq biokiraolishligi 100 % ni tashkil etadi. Taqsimlanishi: Turli organ va to‘qimalarga kiradi, gematoensefalik to‘siqdan oson o‘tadi. Qonda maksimal konsentratsiyaga (Tmax) 1 soatda erishiladi. Metabolizm: Organizmda metabolizmga uchramaydi. Chiqarilishi: Yarim chiqarilish davri (T1/2) – 3-5 soat. O‘zgarmagan holda chiqariladi: taxminan 40 % buyraklar orqali va 60 % safro va ter bilan.

Haddan tashqari psixoemotsional holsizlik, stress va charchoq, surunkali uyqusizlik fonida, preparatning bir martalik qabul qilinishi birinchi sutkada keskin uyquga ehtiyojni keltirib chiqarishi mumkin. Bunday bemorlarga ambulator sharoitda preparatni kursli qabul qilishni ish kunlaridan tashqari boshlash tavsiya etiladi.

Fonturacetam markaziy asab tizimini stimulyatsiya qiluvchi preparatlar va nootrop preparatlarning ta'sirini kuchaytirishi mumkin. Fonturacetam neyroleptiklarning kataleptik ta'siriga aniq antagonizm ko'rsatadi, shuningdek, etanol va geksobarbitalning uyqu keltiruvchi ta'sirini susaytiradi.

Dozani oshirib yuborish holatlari qayd etilmagan. Davolash: simptomatik terapiya.