Dorilarning o'zaro ta'siri
Atenolol, ranitidin, kalsiy saqlovchi qo‘shimchalar, teofillin, siklosporin, peroral kontratseptiv vositalar, glibenklamid, itrakonazol, digoksin, morfin, probenetsid (moksifloksasin bilan klinik ahamiyatli o‘zaro ta’sir yo‘qligi tasdiqlangan) bilan birga qo‘llanganda doza tuzatish talab qilinmaydi.
QT intervalini uzaytiruvchi preparatlar
Moksifloksasin va boshqa QT intervalini uzaytiruvchi preparatlarning qo‘shma ta’siri natijasida QT intervalining uzayishi mumkinligini hisobga olish kerak. Moksifloksasin va QT intervalini uzaytiruvchi preparatlarni birga qo‘llash natijasida qorinchalik aritmiya, shu jumladan polimorf qorinchalik taxikardiya (torsade de pointes) rivojlanish xavfi oshadi. Moksifloksasinni quyidagi QT intervalini uzaytiruvchi preparatlar bilan birga qo‘llash mumkin emas:
IA sinf antiaritmik preparatlar (xinidin, gidroxinidin, dizopiramid va boshqalar);
III sinf antiaritmik preparatlar (amiodaron, sotalol, dofetilid, ibutilid va boshqalar);
neyroleptiklar (fenotiazin, pimozid, sertindol, galoperidol, sultoprid va boshqalar);
tritsiklik antidepressantlar;
antimikrob preparatlar (sparfloksasin, eritromitsin (vena ichiga), pentamidin, bezgakga qarshi preparatlar, ayniqsa galofantrin, sakvinavir);
antigistamin preparatlar (terfenadin, astemizol, mizolastin);
boshqalar (tsizaprid, vinkamin (vena ichiga), bepridil, difemanil).
Antatsid vositalar, polivitaminlar va minerallar. Moksifloksasinni antatsid vositalar, polivitaminlar va minerallar bilan birga qabul qilish moksifloksasin so‘rilishining buzilishiga olib kelishi mumkin, chunki bu preparatlardagi ko‘p valentli kationlar bilan xelat komplekslari hosil bo‘ladi. Natijada, moksifloksasinning qon plazmasidagi konsentratsiyasi istalgan darajadan ancha past bo‘lishi mumkin. Shu sababli, antatsid preparatlar, antiretrovirus preparatlar (masalan, didanozin) va magniy yoki alyuminiy saqlovchi boshqa preparatlar, sukralfat va temir yoki sink saqlovchi boshqa preparatlar moksifloksasinni og‘iz orqali qabul qilishdan kamida 4 soat oldin yoki 4 soatdan keyin qo‘llanilishi kerak.
Varfarin. Varfarin bilan birga qo‘llanganda protrombin vaqti va qon ivishining boshqa ko‘rsatkichlari o‘zgarmaydi.
MNO qiymatining o‘zgarishi. Antikoagulyantlarni antibiotiklar, shu jumladan moksifloksasin bilan birga olgan bemorlarda antikoagulyant preparatlarning antikoagulyatsion faolligi oshishi holatlari kuzatilgan. Xavf omillari sifatida infeksion kasallik (va unga hamroh yallig‘lanish jarayoni), yosh va bemorning umumiy holati hisoblanadi. Moksifloksasin va varfarin o‘rtasida o‘zaro ta’sir aniqlanmagan bo‘lsa-da, ushbu preparatlarni birga olgan bemorlarda MNO monitoringi va zarur bo‘lsa, bilvosita antikoagulyantlar dozasini tuzatish talab qilinadi.
Digoksin. Moksifloksasin va digoksin bir-birining farmakokinetik parametrlariga sezilarli ta’sir ko‘rsatmaydi. Moksifloksasinning takroriy dozalarini qo‘llashda digoksinning maksimal konsentratsiyasi taxminan 30% ga oshgan, shu bilan birga «konsentratsiya-vaqt» egri chizig‘i ostidagi maydon (AUC) va digoksinning minimal konsentratsiyasi o‘zgarmagan.
Faollashtirilgan ko‘mir. Faollashtirilgan ko‘mir va moksifloksasinni bir vaqtda og‘iz orqali 400 mg dozada qo‘llashda preparatning tizimli biologik mavjudligi uning so‘rilishini to‘sib, 80% dan ortiqqa kamayadi. Dozani oshirib yuborishda faollashtirilgan ko‘mirni so‘rilishning dastlabki bosqichida qo‘llash tizimli ta’sirning yanada oshishining oldini oladi.
Moksifloksasinni qon zardobida kaliy miqdorini kamaytiruvchi preparatlar (masalan, ilgak va tiazid diuretiklari, ich suruvchi vositalar, kortikosteroidlar, amfoteritsin V) yoki klinik ahamiyatli bradikardiya chaqirishi mumkin bo‘lgan preparatlar qabul qilayotgan bemorlarga ehtiyotkorlik bilan qo‘llash kerak.
Dorilar
Dorixona kosmetikasi
Ona va bola
Tibbiy mahsulotlar
Gigiena va parvarish
Vitaminlar va BFQ
Qo'shimcha mahsulotlar
