Har bir plyonka qobig‘i bilan qoplangan tabletkada quyidagilar mavjud:

faol modda: memantin gidroxlorid 10 mg;

yordamchi modda: silitsiylashtirilgan mikrokristallik tsellyuloza (SMCC50), silitsiylashtirilgan mikrokristallik tsellyuloza (SMCC90), kroskarmelloza natriy, talk, magniy stearat, Opadry yellow 03B22227.

Adamantan hosilasidir, kimyoviy tuzilishi va farmakologik xususiyatlari bo‘yicha amantadinga yaqin. N-metil-D-aspartat (NMDA) retseptorlarining (shu jumladan qora modda) raqobatsiz antagonisti hisoblanadi, natijada dopamin yetishmovchiligi fonida rivojlanadigan kortikal glyutamat neyronlarining neostriatumga haddan tashqari stimulyatsion ta’sirini kamaytiradi. Neyronlarga kalsiy ionlarining kirib borishini kamaytirib, ularning destruksiyalanish ehtimolini pasaytiradi. Nootrop, serebrovazodilatatsion, antigipoksik va psixostimulyatsion ta’sirga ega. Asosan qattiqlik (rigidlik va bradikineziya)ga ko‘proq ta’sir qiladi. Susaygan xotira, diqqatni jamlashni yaxshilaydi, charchoq va depressiya simptomlarini kamaytiradi. Farmakokinetikasi: Absorbsiya – Memantin me’da-ichak traktidan tez va to‘liq so‘riladi, mutlaq biologik o‘zlashtirilishi taxminan 100%. Qon plazmasida Cmax ga erishish vaqti – 3-8 soat. Taqqoslash – 20 mg qabul qilinganda memantin plazmadagi konsentratsiyasi 70-150 ng/ml. Vd taxminan 10 l/kg ni tashkil qiladi. Qon plazmasi oqsillari bilan bog‘lanishi – 45%. Biotransformatsiya – Memantinning taxminan 80% asl preparat ko‘rinishida bo‘ladi. Insonda asosiy metabolitlari N-3,5-dimetilgludantan, 4- va 6-gidroksimemantin izomerlar aralashmasi va 1-nitrozo-3,5-dimetil-adamantan hisoblanadi. Ushbu metabolitlarning hech biri farmakologik faollikka ega emas. Chiqarilishi – Buyraklar orqali chiqariladi. Eliminatsiya bir fazali, T1/2 60-100 soatni tashkil qiladi; klirensi 170 ml/min/1,73 m2, preparat qisman buyrak kanallari orqali sekretsiyalanadi. Siydikning ishqoriy reaksiyasida preparatning chiqarilishi sekinlashadi.

Memantinni boshqa NMDA retseptorlar antagonisti (masalan, amantadin, ketamin, dekstrometorfan) bilan birga buyurishdan saqlanish kerak, chunki nojo‘ya reaksiyalar asosan markaziy asab tizimi darajasida ko‘proq va kuchliroq yuzaga kelishi mumkin.
Jigar funksiyasi buzilishida qo‘llanilishi: Og‘ir jigar yetishmovchiligida qo‘llash mumkin emas. Yengil va o‘rtacha jigar yetishmovchiligi bo‘lgan bemorlarda (Child-Pugh bo‘yicha A va B sinf) dozalash tartibini o‘zgartirish talab etilmaydi.
Buyrak funksiyasi buzilishida qo‘llanilishi: Og‘ir buyrak yetishmovchiligida (KK 5-29 ml/min) qo‘llash mumkin emas.
Buyrak funksiyasi buzilganda preparat dozasini kamaytirish kerak.

Keksalarda qo‘llanilishi - Keksalarda (65 yoshdan katta) doza tuzatish talab etilmaydi.