1000 ml infuzion eritmada quyidagilar mavjud: faol moddalari: L-prolin – 2,90 g, L-serin – 2,90 g, L-alanin – 5,33 g, L-izoleytsin – 0,87 g, L-leytsin – 1,18 g, N-atsetil L-sistein – 0,22 g, L-tirozin – 0,165 g, L-glyutamin kislotasi – 2,28 g, L-fenilalanin – 1,03 g, L-arginin gidroxlorid – 3,50 g, L-lizin gidroxlorid – 1,74 g, L-valin – 0,95 g, L-treonin – 1,12 g, L-gistidin gidroxlorid – 0,98 g, L-triptofan – 0,43 g, L-metionin – 1,12 g, L-glitsin – 3,23 g, yordamchi moddalari: sorbit – 50,0 g, natriy gidrosulfit – 0,50 g, inyektsiya uchun suv – 1000 ml gacha.

Quyidagilarda parenteral oqsilli ovqatlantirish: gipoproteinemiya va turli kelib chiqishli suyuqlik yo‘qotishlarida; taomni odatdagidek qabul qilishning imkoni bo‘lmaganda yoki keskin cheklanganda, operatsiyadan oldin yoki keyingi davrda; yirik chuqur kuyishlarda (ayniqsa, kuydan so‘nggi ozishda); yaralanishlar, sinishlar, yiringli jarayonlar, sepsisda; tomir ichki yallig‘lanish kasalliklari, kaxeksiya, zaharlanishlarda; yomon sifatli OVJ o‘smalari, doimiy isitma holatlarida; oqsil distrofiyasi, gipotrofiya, OVJ nuqsonlari bo‘lgan bolalarda. Agar operatsiyadan keyingi davrda metabolik va reparativ jarayonlarni yaxshilash zarurati bo‘lsa. Oqsilga bo‘lgan ehtiyoj yoki sarfning oshishi, shuningdek, ovqat hazm qilish, so‘rilish va chiqarilish jarayonida oqsil almashinuvi buzilishi natijasida yuzaga keladigan oqsil yetishmovchiligini to‘ldirish yoki bartaraf etish.

hayot uchun xavfli bo'lgan beqaror qon aylanishi (shok); gipoksiya - hujayralarning kislorod bilan yetarli ta'minlanmasligi; o‘ta og‘ir jigar va buyrak yetishmovchiligi; yurak yetishmovchiligining dekompensatsiya bosqichi; aminokislotalar almashinuvining buzilishi; metabolik atsidoz; bosh miya jarohatining o‘tkir davri; Preparatni koma yoki bosh miya funksiyalarining buzilishi natijasida komatoz holatga olib kelishi mumkin bo‘lgan bemorlarda qo‘llash taqiqlanadi.

Preparat tomir ichiga tomchilab, sekin, bemorning holatini diqqat bilan kuzatgan holda yuboriladi. Dozalash bemorning klinik holati, aminokislotalar va suyuqlikka bo‘lgan ehtiyoji, tana massasi va katabolizm darajasiga qarab belgilanadi. Kattalar: 0,6 dan 1,0 g gacha aminokislotalar (kuniga tana vazniga 20 ml eritmagacha). Katabolik holatlarda - 1,3-2 g aminokislotalar (kuniga tana vazniga 40 ml eritmagacha). 2-18 yoshli bolalar: 1,0-2,0 g aminokislotalar (kuniga tana vazniga 40 ml eritmagacha). Maksimal sutkalik doza - 2,0 g aminokislotalar/tana vazniga. Infuziyaning maksimal tezligi: 2 ml/tana vazniga soatiga, bu 0,1 g aminokislotalar/tana vazniga soatiga teng. Kattalarda parenteral ovqatlantirishda kiritilgan umumiy suyuqlik miqdori kuniga tana vazniga 40 ml dan oshmasligi kerak. Preparat bemor to‘liq enteral yoki peroral ovqatlantirishga o‘tkazilgunga qadar qo‘llaniladi.

Odatda yaxshi ko‘tariladi. Yakka-yakka hollarda – ko‘ngil aynishi, qusish, sovqotish, flebit (ayniqsa tez yuborilganda). Preparat tarkibida natriy bisulfit mavjudligi tufayli yakka-yakka hollarda (ayniqsa bronxial astma bilan kasallangan bemorlarda) giperergik reaksiyalar, qusish, diareya, dispnoe, bronxial astma xurujlari, hushyorlikning buzilishi, shok bo‘lishi mumkin. Bundan tashqari, preparatning boshqa komponenti – triptofan bilan natriy bisulfitning o‘zaro ta’siri mahsulotlari qon plazmasida bilirubin miqdorini va jigar fermentlari faolligini oshirishi mumkin.

Melkam - parenteral oziqlantirish uchun L-aminokislotalar infuzion eritmasi. Aminokislotalar - bu oqsillar sintezi uchun zarur bo‘lgan komponentlardir. Preparatda mavjud bo‘lgan aminokislotalar L-shaklda bo‘lib, ularning oqsillar biosintezida bevosita ishtirok etishini ta’minlaydi. Aminokislotalarni o‘z ichiga olgan eritmalar parenteral oziqlantirish uchun energiya tashuvchilari, elektrolitlar va suyuqliklar bilan birga qo‘llaniladi, organizm holatini qo‘llab-quvvatlash yoki yaxshilash yoki tana massasining yo‘qolishini minimallashtirish uchun. Patologik holatlarda ekzogen aminokislotalar kiritilmaganida, qon plazmasida aminokislotalar to‘plamining tipik yaqqol o‘zgarishi rivojlanadi, bu alohida aminokislotalarning mutlaq konsentratsiyasi va ularning qon plazmasidagi foiz nisbati bo‘yicha namoyon bo‘ladi. 1 litr Melkam eritmasida 29,96 g aminokislota, umumiy azot - 6 g mavjud. Melkam tarkibida sakkizta muhim aminokislotalar, shuningdek, shartli almashtiriladigan L-arginin va L-gistidin mavjud. L-arginin ammiakni siydikka aylantirishga yordam beradi, jigar oqsillarining katabolizmi natijasida hosil bo‘ladigan toksik ammiak ionlarini bog‘laydi. L-aminokislotalar anabolik jarayonlarda (oqsillar sintezi) ishtirok etadi, katabolik jarayonlarni sekinlashtiradi, reparatsiya jarayonlarini tezlashtiradi, organizmning ekstra- va intrasellulyar suyuqliklarining gomestazini tartibga soluvchi bufer tizimining bir qismi hisoblanadi. Sorbit energiya tashuvchisi bo‘lib, jigar hujayralarida fruktoza-6-fosfatga fosforillanadi. Sorbit aminokislotalar uchun glyukozaga nisbatan yaxshiroq erituvchi hisoblanadi, chunki u aldegid va keton guruhlarini o‘z ichiga olmaydi, natijada aminokislotalarning aminoguruhi bilan birikib, aminokislotalarning ta’sirini kamaytiradigan komplekslar hosil qilmaydi.

Faqat shikastlanmagan flakonlardagi shaffof eritmalarni ishlatish kerak. Flakon ochilgandan so‘ng preparatni darhol ishlatish zarur! Hech qanday holatda ochilgan flakoni saqlamang! Preparat faqat statsionar sharoitida qo‘llaniladi. Yuqori mikroblar bilan ifloslanish xavfi tufayli aminokislotalar saqlovchi eritmalarni boshqa dori vositalari bilan aralashtirish tavsiya etilmaydi. Zardobning yuqori osmolarligida ehtiyotkorlik bilan qo‘llash kerak. Jigar va buyrak yetishmovchiligida dozalash tartibini tuzatish talab etiladi. Qonning suv va elektrolit muvozanatini, qondagi glyukoza konsentratsiyasini va kislota-ishqor muvozanatini nazorat qilish zarur. To‘liq parenteral ovqatlantirishni o‘tkazish uchun bir vaqtning o‘zida energiya manbalari, elektrolitlar, vitaminlar va mikroelementlar qo‘shilishi kerak. Homiladorlik va laktatsiya davri Ko‘rsatmalar bo‘yicha homiladorlik va laktatsiya davrida qo‘llash mumkin. Preparatni bolalar ololmaydigan joyda saqlash va yaroqlilik muddati tugaganidan keyin ishlatmaslik kerak.