Eritma - 1 ml: Faol modda - Etilmetilgidroksipiridina suksinati - 50 mg. Yordamchi modda: In'ektsiya uchun suv 1 ml gacha.

O'tkir miya qon aylanishi buzilishlari (kompleks davolash tarkibida); disirkulyator ensefalopatiya; vegetativ-tomir distoniyasi; nevrotik va nevrozga o'xshash holatlarda tashvishli holatlar; turli genezli yengil kognitiv buzilishlar (psixoorganik va astenik sindrom, bosh miya jarohatlarining oqibatlari, ateroskleroz, senil va atrofik jarayonlar, neyroinfeksiyalar va intoksikatsiyalar); yoshi katta shaxslarda xotira buzilishlari va intellektual yetishmovchilik; ekstremal (stressli) omillar ta'siri; alkogolizmda abstinent sindrom nevrozga o'xshash va vegetativ-tomir buzilishlar ustun bo'lgan hollarda; antipsixotik dori vositalari bilan o'tkir intoksikatsiya.

O‘tkir jigar va/yoki buyrak yetishmovchiligi, preparatga individual yuqori sezuvchanlik. Bola yoshi, homiladorlik, emizish davri – ushbu toifadagi bemorlarda preparat ta’siri yetarlicha o‘rganilmagani sababli.

Meksiprim® mushak ichiga yoki tomir ichiga (struyno yoki kapelno) buyuriladi. Dozalar individual tanlanadi. Infuzion usulda yuborishda preparat natriy xlorid fiziologik eritmasida suyultiriladi. Davolash 50-100 mg dozadan kuniga 1-3 marta boshlanadi, doza asta-sekin terapevtik effektga erishilgunga qadar oshiriladi. Struyno Meksiprim® 5-7 daqiqa davomida sekin yuboriladi, kapelno - 40-60 tomchi daqiqada tezlikda. Maksimal sutkalik doza 800 mg dan oshmaydi. O'tkir miya qon aylanishi buzilishlarida Meksiprim® kompleks davolashda dastlabki 2-4 kun davomida tomir ichiga kapelno 200-300 mg 1 marta kuniga, so'ng mushak ichiga 100 mg 3 marta kuniga yuboriladi. Davolash davomiyligi 10-14 kun. Disirkulyator ensefalopatiyaning dekompensatsiya bosqichida Meksiprim® tomir ichiga struyno yoki kapelno 100 mg 2-3 marta kuniga 14 kun davomida buyuriladi. So'ng preparat mushak ichiga 100 mg 2-3 marta kuniga keyingi 2 hafta davomida yuboriladi. Disirkulyator ensefalopatiya kursli profilaktikasi uchun preparat mushak ichiga 100 mg 2 marta kuniga 10-14 kun davomida yuboriladi. Yoshi katta bemorlarda yengil kognitiv buzilishlar va tashvishli buzilishlarda preparat mushak ichiga sutkalik 100-300 mg dozada 14-30 kun davomida qo'llaniladi. Alkogolli abstinent sindromda Meksiprim® 100-200 mg dozada mushak ichiga 2-3 marta kuniga yoki tomir ichiga kapelno 1-2 marta kuniga 5-7 kun davomida yuboriladi. Antipsixotik vositalar bilan o'tkir intoksikatsiyada preparat tomir ichiga 50-300 mg dozada kuniga 7-14 kun davomida yuboriladi.

Kamdan-kam - ko'ngil aynishi, og'iz bo'shlig'i shilliq qavatining qurishi, uyquchanlik, allergik reaksiyalar.

Meksiprim® geteroaromatik antioksidantlarga kiradi. Keng farmakologik faollik spektriga ega: organizmning stressga chidamliligini oshiradi, uyquchanlik va miorelaksant ta’sirisiz anksiolitik ta’sir ko‘rsatadi; nootrop xususiyatlarga ega, qarish va turli patogen omillar ta’sirida yuzaga keladigan o‘rganish va xotira buzilishlarini oldini oladi va kamaytiradi; antikonvulsant ta’sir ko‘rsatadi; antioksidant va antigipoksik xususiyatlarga ega; diqqat va ish qobiliyatini oshiradi; alkogolning toksik ta’sirini kamaytiradi. Preparat miya to‘qimalarining metabolizmini va ularning qon ta’minotini yaxshilaydi, mikrotsirkulyatsiyani va qonni reologik xususiyatlarini yaxshilaydi, trombotsitlarning agregatsiyasini kamaytiradi. Qon hujayralari (eritrotsitlar va trombotsitlar) membrana tuzilmalarini barqarorlashtiradi. Gipolipidemik ta’sirga ega, umumiy xolesterin va past zichlikdagi lipoproteidlar miqdorini kamaytiradi. Meksiprim®ning ta’sir mexanizmi uning antioksidant va membranoprotektor ta’siri bilan bog‘liq. U lipidlarning peroksid oksidlanishini ingibitsiya qiladi, superoksiddismutaza faolligini oshiradi, lipid-oqsil nisbatini oshiradi, membrana yopishqoqligini kamaytiradi, uning suyuqligini oshiradi. Membranaga bog‘langan fermentlar (kalsiyga bog‘liq bo‘lmagan fosfodiesteraza, adenilattsiklaza, atsetilxolinesteraza), retseptor komplekslari (benzodiazepin, GAMK, atsetilxolin) faolligini modulyatsiya qiladi, bu ularning ligandlar bilan bog‘lanish qobiliyatini kuchaytiradi, biomembranalarning strukturaviy-funksional tashkilotini saqlashga, neyromediatorlar transportiga va sinaptik uzatishni yaxshilashga yordam beradi. Meksiprim® bosh miya dopamin miqdorini oshiradi. Gipoksiya sharoitida ATF va kreatinfosfat miqdorini oshirgan holda, Krebs siklida oksidlovchi jarayonlarning tormozlanish darajasini kamaytirish va aerob glikolizning kompensator faollashuvini kuchaytiradi, mitoxondriyalarning energiya sintezlovchi funksiyalarini faollashtiradi, hujayra membranalarini barqarorlashtiradi.

Davolash davrida avtotransport boshqarishda va yuqori diqqat va tez psixomotor reaksiyalar talab qiladigan boshqa potensial xavfli faoliyat turlari bilan shug‘ullanishda ehtiyotkorlikka rioya qilish zarur.

Siptomlari: uyqu buzilishi (uyqusizlik, ba’zi hollarda – uyquchanlik). Davolash: odatda talab qilinmaydi – simptomlar bir sutka ichida mustaqil ravishda yo‘qoladi. Og‘ir hollarda uyqusizlikda uyqu dori vositalarini qabul qilish tavsiya etiladi.

Meksiprim® psixotrop preparatlar bilan mos keladi; benzodiazepin anksiolitiklari, antiparkinsonik vositalar va karbamazepinning ta’sirini kuchaytiradi. Etil spirti toksik ta’sirini kamaytiradi.