Bitta tabletkada quyidagilar mavjud: faol modda - spiramitsin 731,707 mg (3 000 000 ME), yordamchi moddalari: mikrokristallik tsellyuloza (PH 302), kolloid kremniy anhidrid, natriy kraxmal glikolyat (A turi), tozalangan talk, magniy stearat, gipromelloza (E-5), dietilftalat, propilenglikol, titan dioksid (E171)

Preparatga sezgir mikroorganizmlar chaqirgan infeksion-yallig‘lanish kasalliklari - sinusit, tonzillit - o‘tkir statsionardan tashqari pnevmoniya, shu jumladan atipik pnevmoniya, surunkali bronxitning zo‘rayishi - parodontit - ro‘ja, ikkilamchi infeksiyalangan dermatozlar, abstsess - osteomiyelit, artrit - prostatit, uretrit - jinsiy yo‘l bilan yuqadigan kasalliklar (shu jumladan genital xlamidioz) - homilador ayollarda toksoplazmoz

- spiramitsin va preparatning boshqa komponentlariga yuqori sezuvchanlik - glyukozo-6-fosfatdegidrogenaza fermenti yetishmovchiligi - 6 yoshgacha bo‘lgan bolalar yoshi - laktatsiya davri

Makromitsin 3,0 mln ME dozalari milligramm (mg) yoki xalqaro birliklarda (ME) ifodalanishi mumkin. 1 mg spiramitsin taxminan 3000 ME ga teng. Kattalar va o‘smirlar uchun: Og‘iz orqali, ovqatdan oldin, 1-2 g (3,0-6,0 mln. ME) kuniga ikki marta; yoki 0,5-1,0 g (1,5-3,0 mln. ME) kuniga uch marta. Infeksiya og‘ir kechganida doza 2,0-2,5 g (6,0 mln. ME – 7,5 mln. ME) kuniga ikki marta oshirilishi mumkin. Davolash davomiyligi 7-10 kun. Tabletkalarni butun holda, bir stakan suv bilan ichish kerak. Bolalar uchun (tana vazni 20 kg va undan ortiq bo‘lsa): doza tana vazniga 150-300 ming ME/kg sutkada hisoblanadi, 2 yoki 3 qabulga bo‘linadi. Bolalarda maksimal sutkalik doza 300 ming ME/kg tana vazniga sutkada.

- oshqozonda og'riq, ko'ngil aynishi, qusish, diareya - teri toshmasi, eshakemi, qichishish Kam hollarda: - o'tkinchi paresteziyalar Juda kam hollarda: - soxta membranoz kolit, yarali ezofagit va o'tkir kolit - jigar funksional testlarining o'zgarishi va xolestatik gepatit rivojlanishi - EKGda QT intervalining uzayishi mumkin - angionevrotik shish, anafilaktik shok - o'tkir generalizatsiyalashgan ekzantematoz pustulez - gemolitik anemiya holatlari

Makromitsin 3,0 mln ME bakteriostatik ta'sir ko‘rsatadi, hujayra ichidagi oqsil sintezini buzadi. Odatda sezgir mikroorganizmlar: minimal bostiruvchi konsentratsiya (MBK)<=1 mg/l (90% dan ortiq shtammlar sezgir hisoblanadi) - streptokokklar, metitsillinga sezgir stafilokokklar, enterokokklar, Rhodococcus equi, Branhamella catarrhalis, Bordetella pertussis, Helicobacter pylori, Campylobacter jejuni, Legionella spp., Corynebacterium diphtheriae, Moraxella spp., Mycoplasma pneumoniae, Coxiella spp., Chlamydia spp., Treponema pallidum, Borrelia burgdorferi, Leptospira spp., Propionibacterium acnes, Actinomyces spp., Eubacterium spp., Porphyromonas spp., Mobiluncus spp., Bacteroides spp., Peptostreptococcus spp., Prevotella spp. O‘rtacha sezgir mikroorganizmlar: antibiotik o‘rtacha faol; antibiotikning yallig‘lanish o‘chog‘idagi konsentratsiyasi MBKdan yuqori bo‘lsa, ijobiy natijalar kuzatilishi mumkin: Neisseria gonorrhoeae, Ureaplasma urealyticum, Clostridium perfringens. Barqaror mikroorganizmlar (MBK>4 mg/l): kamida 50% shtammlar barqaror - metitsillin-rezistent stafilokokklar, Enterobacter spp., Pseudomonas spp., Acinetobacter spp., Nocardia spp., Fusobacterium spp., Haemophilus spp., Mycoplasma hominis.

Eritromitsindan farqli o‘laroq, taqqoslanayotgan makrolid, Makromitsin jigar sitoxrom P-450 izofermentlari bilan bog‘lanmaydi va siklosporin yoki teofillin bilan o‘zaro ta’sir qilmaydi. Levodopa va karbidopa: Makromitsin bilan bir vaqtda qo‘llanilishi ushbu preparatlarning yarim chiqarilish davrining oshishiga olib kelishi mumkin, bu ularning so‘rilishini bostirish va natijada ichak peristaltikasining o‘zgarishi bilan bog‘liq. MNO (xalqaro normallashtirilgan nisbat) disbalansi bilan bog‘liq maxsus muammolar Antibiotiklar bilan davolanayotgan bemorlarda og‘iz orqali qabul qilinadigan antikoagulyant vositaning faolligining oshishi bilan bog‘liq ko‘plab holatlar haqida xabar berilgan. Infeksiya yoki yallig‘lanishning og‘irligi, bemorning yoshi va umumiy sog‘lig‘i holati, ehtimol, xavf omillari hisoblanadi. Ushbu sharoitlarda, infeksiyaning o‘zi yoki uning davolanishi MNO disbalansida qanday darajada rol o‘ynashini aniqlash qiyin ko‘rinadi. Biroq, ayrim antibiotiklar sinflari bunga ko‘proq aloqador, xususan: ftorxinolonlar, makrolidlar, tsiklinlar, kotrimoksazol va ayrim tsefalosporinlar. Preparatni ergot alkaloidlari va og‘iz orqali qabul qilinadigan kontratseptivlar bilan ehtiyotkorlik bilan qo‘llash kerak.

Agar davolash boshida bemorlarda umumlashgan eritema va pustulalar, isitma holati bilan birga yuzaga kelsa, o'tkir umumlashgan ekzantematoz pustulezdan shubhalanish kerak. Bunday reaksiya yuzaga kelganda davolashni darhol to'xtatish zarur, va keyingi davolash spiramitsin bilan monoterapiya yoki kombinatsiyada kontrendikatsiyalangan. Bolalar 6 yoshgacha bo'lgan bolalarni davolash uchun tabletkalardan foydalanish tasodifiy bo'g'ilib qolish xavfi tufayli kontrendikatsiyalangan. Antibiotiklarni, shu jumladan Makromitsin, allergiya simptomlari bo'lgan bemorlarga ehtiyotkorlik bilan buyurish kerak. Davolash kursini takrorlash zarur bo'lsa, ushbu preparatga chidamsiz flora o'sishi natijasida yuzaga keladigan superinfeksiya ehtimolini hisobga olish kerak. Superinfeksiya yuzaga kelganda preparatni yuborishni to'xtatish va tegishli choralarni ko'rish kerak. Makromitsin safro yo'llari obstruksiyasi yoki jigar yetishmovchiligi bo'lgan bemorlarga ehtiyotkorlik bilan buyuriladi. Jigar funksiyasi buzilgan bemorlarda preparatni qo'llash davrida jigar funksiyasi ko'rsatkichlarini nazorat qilish kerak. Buyrak funksiyasi buzilgan bemorlarda Makromitsinning buyrak orqali chiqarilishi kamligi sababli doza o'zgartirilishi talab etilmaydi. Makromitsinning orqa miya suyuqligidagi darajasi qon plazmasidagidan ancha past va terapevtik ta'sir uchun yetarli emas. Shu sababli, Makromitsin meningitli bemorlarni davolash uchun qo'llanilmaydi. Glyukoza-6-fosfat-degidrogenaza yetishmovchiligi bo'lgan bemorlarda juda kam hollarda gemolitik anemiya holatlari haqida xabar berilgan. Shu sababli, ushbu bemorlarni davolash uchun spiramitsindan foydalanish tavsiya etilmaydi. Homiladorlik va laktatsiya davri Makromitsin homilador ayollarda toksoplazmozning transplatsentar o'tish xavfini kamaytirish uchun qo'llaniladi. Makromitsin teratogen ta'sirga ega emas. Laktatsiya davrida preparatni qo'llash tavsiya etilmaydi yoki davolash davrida emizishni to'xtatish kerak. Dori vositasining transport vositasini va potensial xavfli mexanizmlarni boshqarish qobiliyatiga ta'siri Makromitsinning bemorning avtomobil haydash va harakatlanuvchi mexanizmlarni boshqarish qobiliyatiga ta'siri haqida xabarlar yo'q.

Siptomlari: qorin sohasida noqulaylik, ko'ngil aynishi, diareya, nojo'ya ta'sirlarning kuchayishi. Davolash: simptomatik. Maxsus antidot mavjud emas.