Immun tizimi tomonidan buzilishlar
Juda kam (< 0,01 %) allergik reaktsiyalar, shu jumladan teri reaktsiyalari;
Oshqozon-ichak trakti tomonidan buzilishlar
Qayta aloqa ma'lumotlariga ko'ra, paydo bo'lish tezligini baholash mumkin emas) diareya, qorin og'rig'i, qusish, ko'ngil aynishi, gaz to'planishi.

Ehtiyotkorlik bilan o‘rta darajadagi buyrak yetishmovchiligida, chunki gipermagniemiya rivojlanish xavfi mavjud. 
Qo‘llash mumkin bo‘lmagan kombinatsiyalar

Levodopa bilan birga qo‘llanganda levodopa faolligi piridoksin tomonidan inhibe qilinadi (agar ushbu preparatni qabul qilish periferik dekarboksilaza aromatik L-aminokislotalar ingibitorlari bilan birga bo‘lmasa). Har qanday miqdordagi piridoksinni qabul qilishdan saqlanish kerak, agar levodopa periferik dekarboksilaza aromatik L-aminokislotalar ingibitorlari bilan birga qabul qilinmasa.
Tavsiya etilmaydigan kombinatsiyalar

Fosfatlar yoki kalsiy tuzlarini o‘z ichiga olgan preparatlarni bir vaqtda qo‘llash ichakda magniy so‘rilishini yomonlashtirishi mumkin.
E'tiborga olish kerak bo‘lgan kombinatsiyalar

Tetrasiklinlarni og‘iz orqali buyurishda tetrasiklin va Magnetabni og‘iz orqali qabul qilish orasida kamida uch soatlik interval saqlash kerak, chunki magniy preparatlari tetrasiklinlarning so‘rilishini kamaytiradi. 

 Belgilar
Buyrak funksiyasi normal bo‘lsa, magniy bilan dozani oshirib yuborish odatda toksik reaksiyalarga olib kelmaydi. Biroq, buyrak yetishmovchiligida magniy bilan zaharlanish rivojlanishi mumkin. Dozani oshirib yuborish belgilari, ularning og‘irligi qondagi magniy konsentratsiyasiga bog‘liq: arterial bosimning pasayishi; ko‘ngil aynishi, qusish; markaziy asab tizimi faoliyatining susayishi, reflekslarning pasayishi; elektrokardiogrammada o‘zgarishlar; nafas olishning susayishi, koma, yurak to‘xtashi va nafas olish falaji; anurik sindrom.

Davolash

Regidratatsiya, majburiy diurez. Buyrak yetishmovchiligida gemodializ yoki peritoneal dializ zarur.

Ehtiyot choralari
Agar magniy yetishmovchiligi og‘ir darajada bo‘lsa yoki malabsorbsiyali sindrom bo‘lsa, davolash magniy preparatlarini tomir ichiga yuborishdan boshlanadi.

Agar kalsiy yetishmovchiligi ham bo‘lsa, kalsiy preparatlari yoki kalsiy o‘z ichiga olgan oziq-ovqat qo‘shimchalarini qabul qilishdan oldin magniy yetishmovchiligini bartaraf etish tavsiya etiladi.

Ich suruvchi vositalar, spirtli ichimliklar tez-tez iste'mol qilinsa, jismoniy va ruhiy zo‘riqishlar kuchli bo‘lsa, magniyga ehtiyoj ortadi, bu organizmda magniy yetishmovchiligi rivojlanishiga olib kelishi mumkin.

Piridoksin yuqori dozalarda (kuniga 200 mg dan ortiq) uzoq muddat (bir necha oy yoki ba'zi hollarda - yillar davomida) qo‘llanilganda, sensor aksonal neyropatiya rivojlanishi mumkin, bu quyidagi belgilar bilan namoyon bo‘ladi: uvishish, proprioseptiv sezuvchanlikning buzilishi, distal qismlarda tremor va asta-sekin rivojlanadigan sensor ataksiya (harakatlarni muvofiqlashtirishning buzilishi). Ushbu buzilishlar odatda qaytar va vitamin B6 qabul qilish to‘xtatilgandan so‘ng o‘tib ketadi. 

 Homiladorlik va laktatsiya davrida qo'llanilishi

Homiladorlik
Dorining etarli miqdordagi homilador ayollarda klinik qo'llanilishi homila rivojlanishida nuqsonlar yoki fetotoksik ta'sir ko'rsatishini aniqlamadi.
Magnetab preparatini homiladorlik davrida faqat zaruriyat tug‘ilganda, shifokor tavsiyasiga ko‘ra qo‘llash mumkin.

Emizish davri
Magniy ko‘krak sutiga o‘tadi. Laktatsiya va emizish davrida preparatni qo‘llashdan saqlanish kerak.

Bolalar yoshida qo‘llanilishi
6 yoshgacha bo‘lgan bolalarda qo‘llash mumkin emas (kontraindikatsiya).

Transport vositalarini boshqarish va boshqa potensial xavfli faoliyat turlari bilan shug‘ullanish qobiliyatiga ta’siri
Avtomobil boshqarish va mexanizmlar bilan ishlash qobiliyatiga ta’sir qilmaydi.