postmarketing tadqiqotlar ma'lumotlariga ko'ra bosh aylanishi, taxikardiya, yurak urishi, qorin og'rig'i, dispepsiya (shu jumladan, ko'ngil aynishi, qusish, diareya), giperbilirubinemiya, "jigar" fermentlari faolligining oshishi, gepatit, allergik reaksiyalar (terida toshma, qichishish, eshakemi, angionevrotik shish, anafilaktik shok), dismenoreya, charchoqlik, mialgiya, gallyutsinatsiyalar, psixomotor gipereaktivlik, uyqusizlik, uyquchanlik.

Ketokonazol, eritromitsin, azitromitsin, fluoksetin va tsimetidin bilan birga qo'llanganda dezloratadin plazmadagi konsentratsiyasida klinik jihatdan ahamiyatli o'zgarishlar aniqlanmagan. Lordestin etanolning psixomotor funksiyaga tormozlovchi ta'sirini kuchaytirmaydi.

Avtotransport boshqarish va mexanizmlarni boshqarish qobiliyatiga ta'siri. Lordestinning tavsiya etilgan dozalarda qo'llanilganda avtotransport boshqarish va mexanizmlarni boshqarish qobiliyatiga ta'siri aniqlanmagan. Biroq, bemorlarda uyquchanlik kuzatilishi mumkinligini hisobga olib, markaziy asab tizimi tomonidan nojo'ya ta'sirlar paydo bo'lsa, ehtiyotkorlik tavsiya etiladi. Preparatni bolalar ololmaydigan joyda saqlash va yaroqlilik muddati o'tgach ishlatmaslik kerak. Ehtiyotkorlik bilan og'ir buyrak yetishmovchiligida. Preparat homiladorlik davrida qo'llash mumkin emas. Dezloratadin ko'krak suti bilan ajralib chiqishi sababli, preparatni laktatsiya (emizish) davrida qo'llash mumkin emas.

Dozani oshirib yuborishda uyquchanlik kuzatiladi. Davolash: oshqozonni yuvish, faollashtirilgan ko'mir, simptomatik terapiya. Preparat gemodializ yo'li bilan chiqarilmaydi. Peritoneal dializ samaradorligi aniqlanmagan.