– loperamid gidroxloridiga yoki preparatning har qanday komponentiga ma'lum yuqori sezuvchanlik;
– 12 yoshgacha bo'lgan bolalar;
– najasda qon bo'lishi va tana haroratining ko'tarilishi bilan tavsiflanadigan o'tkir dizenteriya;
– o'tkir yarali kolit;
– keng ta'sir doirasiga ega antibiotiklarni qo'llash bilan bog'liq psedomembranoz kolit;
– Salmonella, Shigella va Campylobacter oilalariga mansub mikroorganizmlar chaqirgan bakterial enterokolit;
– irsiy fruktoza intoleransi, Lapp-laktaza fermenti yetishmovchiligi, glyukoza-galaktoza malabsorbsiyasi;
– homiladorlikning I trimestri, laktatsiya davri. 

 O‘tkir diareya holatlarida kattalar uchun boshlang‘ich doza: 2 tabletka. 6 yoshdan katta bolalar uchun 1 tabletka, so‘ngra har bir defekatsiya aktidan keyin 1 tabletka (2 mg). Surunkali diareya holatida kattalar uchun boshlang‘ich doza - 2 tabletka (4 mg), bolalar uchun - 1 tabletka (2 mg) har kuni, so‘ngra najasning normal konsistensiyasiga erishilgunga qadar kuniga 1-2 marta qo‘llaniladigan qo‘llab-quvvatlovchi doza belgilanadi. O‘tkir va surunkali diareya holatida maksimal sutkalik doza kattalar uchun 6 tabletkadan (15 mg) oshmasligi, bolalar uchun esa tana vaznining 20 kg ga 3 tabletka (6 mg) dan oshmasligi kerak. Normal defekatsiyaga erishilgandan so‘ng yoki 12 soat davomida defekatsiya bo‘lmasa, preparat qabul qilish to‘xtatiladi. 

 - bosh og‘rig‘i, bosh aylanishi, charchoqlikning oshishi, uyquchanlik yoki uyqusizlik, ongning susayishi/yo‘qolishi, tutqanoq, tremor

- qorinda spazmlar va kolikalar, dispepsiya, ko‘ngil aynishi, qusish, ileus, meteorizm, qabziyat

- og‘iz qurishi

- siyishning ushlanishi

- buloz toshmalar, jumladan Stivens-Djonson sindromi, ko‘p shaklli eritema, toksik epidermal nekroliz

- paralitik ichak tutilishi, toksik megakolonning tez shakllanishi

- anafilaktik shok va anafilaktoid reaksiyalar

-QT intervalining uzayishi, to‘satdan yurak o‘limi, jiddiy qorinchali aritmiyalar 

 Loperamid P-glikoprotein substrati hisoblanadi. Loperamidni (bir martalik 16 mg doza) P-glikoprotein ingibitorlari bo'lgan xinin yoki ritonavir bilan birga qo'llash loperamidning plazmadagi kontsentratsiyasini 2-3 barobar oshirgan. Loperamidni tavsiya etilgan dozalarda qo'llashda P-glikoprotein ingibitorlari bilan ushbu farmakokinetik o'zaro ta'sirning klinik ahamiyati noma'lum.

Loperamidni (bir martalik 4 mg doza) CYP3A4 va P-glikoprotein ingibitori bo'lgan itrakonazol bilan birga qo'llash loperamidning plazmadagi kontsentratsiyasini 3-4 barobar oshirgan. CYP2C8 ingibitori gemfibrozil loperamidning kontsentratsiyasini 2 barobar oshirgan. Itrakonazol va gemfibrozil kombinatsiyasi loperamidning plazmadagi cho'qqi darajasini 4 barobar va preparatning umumiy miqdorini 13 barobar oshirgan. Ushbu oshish psixomotor tadqiqotlar (ya'ni, sub'ektiv uyquchanlik bahosi va raqamlarni belgilar bilan almashtirish testi) ma'lumotlariga ko'ra, markaziy asab tizimiga ta'sir bilan bog'liq bo'lmagan.

Loperamidni (bir martalik 16 mg doza) CYP3A4 va P-glikoprotein ingibitori bo'lgan ketokonazol bilan birga qo'llash loperamidning plazmadagi kontsentratsiyasini 5 barobar oshirgan. Ushbu oshish pupillometriya natijalariga ko'ra farmakodinamik ta'sirlarning kuchayishi bilan bog'liq bo'lmagan.

Ichga qabul qilinadigan desmopressin bilan birga qo'llash desmopressinning plazmadagi kontsentratsiyasini 3 barobar oshirgan, asosan me'da-ichak trakti motorikasining sekinlashuvi hisobiga.

O'xshash farmakologik xususiyatlarga ega preparatlar loperamid ta'sirini kuchaytirishi, ovqatning me'da-ichak traktidan o'tishini tezlashtiruvchi preparatlar esa uning ta'sirini susaytirishi mumkin, deb taxmin qilinadi. 

Diareya davosi simptomatik xarakterga ega. Agar kasallik etiologiyasini aniqlash mumkin bo‘lsa, maxsus davolash o‘tkazilishi kerak. Diareya bilan kasallangan bemorlarda, ayniqsa bolalarda, zaif bemorlarda, keksalarda, degidratatsiya va elektrolitlar disbalansi yuzaga kelishi mumkin. Bunday hollarda eng muhim chora suyuqlik va elektrolitlarni to‘ldirish uchun o‘rnini bosuvchi terapiyani qo‘llash hisoblanadi. Doimiy diareya yanada jiddiy holatlar haqida dalolat berishi mumkinligi sababli, dori vositasini uzoq muddat davomida, diareya sababi o‘rganilmaguncha, qo‘llash tavsiya etilmaydi.

O‘tkir diareyada, agar 48 soat davomida klinik yaxshilanish kuzatilmasa, loperamid gidroxlorid qo‘llashni to‘xtatish va shifokorga murojaat qilish kerak.

OITS sindromiga ega bo‘lgan, diareya uchun Loperamid gidroxlorid «LX» qabul qilayotgan bemorlar, qorinda dam bo‘lishning birinchi belgilarida darhol davolashni to‘xtatishlari kerak. Ayrim hollarda, OITS bilan kasallangan, virusli yoki bakterial kelib chiqishga ega infeksion kolitli bemorlarda loperamid gidroxlorid bilan davolashda toksik megakolon rivojlanish xavfi yuqori bo‘lgan ichak tutilishi holatlari haqida alohida xabarlar mavjud.

Garchi jigar faoliyati buzilgan bemorlarda farmakokinetik ma’lumotlar mavjud bo‘lmasa-da, bunday bemorlarga Loperamid gidroxlorid «LX» birinchi o‘tish metabolizmining sekinlashuvi sababli ehtiyotkorlik bilan qo‘llanilishi kerak. Ushbu dori vositasi jigar faoliyati buzilgan bemorlarga ehtiyotkorlik bilan buyurilishi lozim, chunki u nisbiy dozani oshirib yuborishga olib kelishi mumkin, bu esa markaziy asab tizimining toksik shikastlanishiga sabab bo‘lishi mumkin.

Agar preparat shifokor tomonidan oldindan tashxis qo‘yilgan ichakning irritatsion sindromi bilan bog‘liq diareya xurujlarini nazorat qilish uchun qabul qilinsa va 48 soat davomida klinik yaxshilanish kuzatilmasa, loperamid gidroxlorid qo‘llashni to‘xtatish va shifokorga murojaat qilish kerak. Shuningdek, simptomlar xarakteri o‘zgarsa yoki takrorlanuvchi diareya xurujlari ikki haftadan ortiq davom etsa, shifokorga murojaat qilish lozim.

Dozani oshirib yuborishda yurak faoliyati buzilishi, jumladan QT va QRS komplekslari intervalining uzayishi, loperamidni tibbiy qo‘llanma bo‘yicha tavsiya etilgan dozadan yuqori yoki noto‘g‘ri qo‘llash yoki suiiste’mol qilish (qasdiy yoki tasodifiy) holatida «piruet» (torsades de pointes) tipidagi qorinchalar taxikardiyasi haqida xabarlar olingan. Ba’zi hollarda o‘lim holatlari qayd etilgan (qarang «Dozani oshirib yuborish» bo‘limi). Dozani oshirib yuborish ilgari tashxis qilinmagan Brugada sindromini namoyon qilishi mumkin. Bemorlar tavsiya etilgan preparat dozasini va qabul qilish davomiyligini oshirmasliklari kerak.

Preparatni 12 yoshgacha bo‘lgan bolalarga qo‘llash mumkin emas.

Garchi loperamid gidroxlorid teratogen yoki embriotoksik xususiyatlarga ega ekanligi haqida dalillar bo‘lmasa-da, uni homiladorlik davrida, ayniqsa birinchi trimestrda qo‘llashdan oldin, kutilayotgan terapevtik foyda va potentsial xavf baholanishi kerak.

Loperamid inson ko‘krak sutiga kichik miqdorda o‘tishi mumkin. Shuning uchun, loperamid gidroxloridni emizish davrida qo‘llash tavsiya etilmaydi.

Loperamid gidroxlorid yordamida diareya sindromlarini davolashda charchoq, bosh aylanishi yoki uyquchanlik belgilari paydo bo‘lishi mumkin. Shu sababli, ushbu preparatni transport vositasini boshqarishda yoki mexanizmlar bilan ishlashda ehtiyotkorlik bilan qo‘llash tavsiya etiladi.

Keksalar uchun doza tuzatish talab qilinmaydi.

Buyrak faoliyati buzilgan bemorlar uchun doza tuzatish talab qilinmaydi.

Garchi jigar faoliyati buzilgan bemorlarda preparat ta’sirining farmakokinetik ma’lumotlari mavjud bo‘lmasa-da, bunday bemorlarga loperamid gidroxlorid birinchi o‘tish metabolizmining sekinlashuvi sababli ehtiyotkorlik bilan buyurilishi kerak. 

 Sintomlar: MSSning tormozlanishi (stupor, muvozanatning buzilishi, uyquchanlik, mioz, mushak gipertoniyasi, nafas olishning tormozlanishi), ichak tutilishi.Davolash: antidot sifatida nalokson qo'llaniladi. Loperamidning ta'sir davomiyligi naloksonnikidan uzunroq bo'lganligi sababli, antagonistni qayta yuborish mumkin. Dozalashdan so'ng darhol faollashtirilgan ko'mir yuboriladi va oshqozon yuviladi; zarur bo'lsa, nafas olish funksiyasi qo'llab-quvvatlanadi.