O'tkir va surunkali diareyaning simptomatik davolash (kelib chiqishi: allergik, emotsional, dori vositalari, nurlanish; ovqatlanish tartibi va sifat tarkibi o'zgarganda, metabolizm va so'rilish buzilganda).

Infeksion kelib chiqishli diareya bo'lganida yordamchi dori vositasi sifatida.

Ileostomali bemorlarda najasni tartibga solish. 

 

Loperamid kapsulalarini 6 yoshgacha bo‘lgan bolalarda qo‘llash tavsiya etilmaydi.

Loperamid preparatning faol moddasiga va/yoki har qanday komponentiga yuqori sezuvchanligi bo‘lgan bemorlarga kontraindikatsiyalangan.

Loperamid kapsulalari laktaza yetishmovchiligi, laktazani o‘zlashtira olmaslik, glyukoza-galaktoza malabsorbsiyasi holatida kontraindikatsiyalangan.

Loperamid homiladorlikning birinchi trimestrida kontraindikatsiyalangan.

Loperamid emizish davrida qabul qilish tavsiya etilmaydi.

Loperamid asosiy terapiya sifatida quyidagi holatlarda qo‘llanilmasligi kerak:

Loperamid peristaltikaning sekinlashuvi istalmagan hollarda, jumladan ichak tutilishi, megakolon va toksik megakolon kabi jiddiy asoratlar rivojlanish xavfi tufayli, qo‘llanilmasligi kerak.

Loperamidni qabziyat, qorin dam bo‘lishi yoki ichak tutilishi paydo bo‘lishi bilan darhol to‘xtatish kerak.

Extiyotkorlik bilan: loperamid jigar funksiyasi buzilgan bemorlarda presistem metabolizmining sekinlashuvi tufayli extiyotkorlik bilan qo‘llanilishi kerak. 

 

Og'iz orqali, suv bilan popish.

Kattalar va 6 yoshdan katta bolalar:

O'tkir diareya: boshlang'ich doza - kattalar uchun 2 kapsula (4 mg) va bolalar uchun 1 kapsula (2 mg), keyin har bir suyuq najasdan keyin 1 kapsula (2 mg).

Surunkali diareya: boshlang'ich doza - kattalar uchun kuniga 2 kapsula (4 mg) va bolalar uchun 1 kapsula (2 mg); keyinchalik boshlang'ich doza shunday tuzatilishi kerakki, normal najas chiqarish tezligi kuniga 1-2 marta bo'lsin, bu odatda kuniga 1 dan 6 kapsulagacha (2-12 mg) saqlovchi doza bilan erishiladi.

Kattalarda o'tkir va surunkali diareyada maksimal kunlik doza - 8 kapsula (16 mg); bolalarda maksimal kunlik doza tana vazniga qarab hisoblanadi (20 kg bolalar vazniga 3 kapsula), lekin 8 kapsuladan (16 mg) oshmasligi kerak.

Najas normallashganda yoki 12 soatdan ortiq najas bo'lmaganda preparat bekor qilinadi.

Bola yoshidagi qo'llanilishi

Loperamidni 6 yoshgacha bo'lgan bolalarda qo'llash mumkin emas.

Keksalar uchun qo'llanilishi

Keksalar davolashda doza tuzatish talab qilinmaydi.

Buyrak funksiyasi buzilgan bemorlarda qo'llanilishi

Buyrak funksiyasi buzilgan bemorlarni davolashda doza tuzatish talab qilinmaydi.

Jigar funksiyasi buzilgan bemorlarda qo'llanilishi

Jigar yetishmovchiligi bo'lgan bemorlarda farmakokinetik ma'lumotlar yo'qligiga qaramay, bunday bemorlarda Loperamidni ehtiyotkorlik bilan qo'llash kerak, chunki presistem metabolizmi sekinlashadi.

Agar davolashdan so'ng yaxshilanish bo'lmasa yoki simptomlar kuchaysa, yoki yangi simptomlar paydo bo'lsa, shifokorga murojaat qilish zarur. Preparatni faqat ko'rsatma va dozalarda, yo'riqnomada ko'rsatilganidek qo'llang. 

 

Nojo'ya reaksiyalar - bu nojo'ya hodisalar bo'lib, ular uchun loperamid qo'llanilishi bilan sabab-oqibat bog'liqligi mavjud bo'lgan nojo'ya hodisa haqidagi mavjud ma'lumotlarning har tomonlama baholanishi asosida isbotlangan deb hisoblanadi.

Klinik tadqiqotlar ma'lumotlariga ko'ra, o'tkir diareya bilan loperamid qabul qilgan bemorlarning >1%ida kuzatilgan nojo'ya reaksiyalar: bosh og'rig'i, qabziyat, meteorizm, ko'ngil aynishi, qusish.

O'tkir diareya bilan loperamid qabul qilgan bemorlarning <1%ida kuzatilgan nojo'ya reaksiyalar: uyquchanlik, bosh aylanishi, bosh og'rig'i, og'iz qurishi, qorin og'rig'i, ko'ngil aynishi, qusish, qabziyat, qorin sohasida noqulaylik va shish, yuqori qorin sohasida og'riq, toshma.

Surunkali diareya bilan loperamid qabul qilgan bemorlarning >1%ida kuzatilgan nojo'ya reaksiyalar: bosh aylanishi, meteorizm, qabziyat, ko'ngil aynishi.

Surunkali diareya bilan loperamid qabul qilgan bemorlarning <1%ida kuzatilgan nojo'ya reaksiyalar: bosh og'rig'i, qorin og'rig'i, og'iz qurishi, qorin sohasida noqulaylik, dispepsiya.

Spontan xabarlar asosida nojo'ya reaksiyalar quyidagicha tasniflangan: juda tez-tez (>10%), tez-tez (>1%, lekin <10%), tez-tez emas (>0,1%, lekin <1%), kam (>0,01%, lekin <0,1%) va juda kam (<0,01%, shu jumladan yakka xabarlar).

Immun tizimi tomonidan buzilishlar: juda kam: gipersensitivlik reaksiyalari, anafilaktik reaksiyalar, shu jumladan anafilaktik shok, va anafilaktoid reaksiyalar.

Nerv tizimi tomonidan buzilishlar: juda kam: koordinatsiya buzilishi, ongning susayishi, gipertonus, hushdan ketish, uyquchanlik, stupor.

Ko'rish organi tomonidan buzilishlar: juda kam: mioz.

Ovqat hazm qilish tizimi tomonidan buzilishlar: juda kam: ichak tutilishi (shu jumladan paralitik ichak tutilishi), megakolon (shu jumladan toksik megakolon).

Teri va teri osti to'qimalari tomonidan buzilishlar: juda kam: angionevrotik shish, buloz toshma, shu jumladan Stivens-Djonson sindromi, toksik epidermal nekroliz va ko'p shaklli eritema; qichishish, eshakemi.

Buyrak va siydik chiqarish yo'llari tomonidan buzilishlar: juda kam: siydik tutilishi.

Umumiy buzilishlar: juda kam: charchoq.

Agar davolashdan so'ng yaxshilanish bo'lmasa yoki simptomlar kuchaysa, yoki yangi simptomlar paydo bo'lsa, shifokorga murojaat qilish zarur. Preparatni faqat qo'llanma ko'rsatilgan usul va dozada qo'llang. 

 Loperamid preparati bilan diareyani davolash faqat simptomatik xarakterga ega. Diareyaning sababini aniqlash mumkin bo'lgan hollarda, mos ravishda tegishli terapiya o'tkazish zarur.

Diareyali bemorlarda, ayniqsa bolalarda, suyuqlik va elektrolitlar yo'qotilishi mumkin. Bunday hollarda mos ravishda suyuqlik va elektrolitlarni to'ldirish terapiyasini o'tkazish zarur.

Davolash boshlanganidan 2 kun o'tgach ta'sir bo'lmasa, preparatni qabul qilishni to'xtatish, tashxisni aniqlashtirish va diareyaning infeksion kelib chiqishini istisno qilish zarur.

SPID bilan kasallangan, diareyani davolash uchun loperamid qabul qilayotgan bemorlar, qorinda dam bo'lishning birinchi belgilarida preparatni qabul qilishni to'xtatishlari kerak. SPID va virusli yoki bakterial etiologiyali infeksion kolitli bemorlarda loperamid terapiyasi fonida toksik megakolon rivojlanish xavfi yuqori bo'lgan qabziyat holatlari haqida alohida xabarlar bo'lgan.

Loperamidning jigar yetishmovchiligi bo'lgan bemorlardagi farmakokinetikasi haqida ma'lumotlar yo'q, bunday bemorlarda loperamidni ehtiyotkorlik bilan qo'llash zarur, chunki presistem metabolizmi sekinlashganligi sababli nisbiy dozani oshirib yuborish va markaziy asab tizimining toksik shikastlanishi yuzaga kelishi mumkin.

Agar dori vositasi yaroqsiz holga kelgan yoki yaroqlilik muddati tugagan bo'lsa - uni oqova suvga yoki ko'chaga tashlamang. Dori vositasini paketga joylashtiring va chiqindi konteyneriga tashlang. Ushbu choralar atrof-muhitni himoya qilishga yordam beradi.

Avtotransport vositalarini boshqarish va mexanizmlarni boshqarish qobiliyatiga ta'siri

Loperamid preparati bilan davolash davrida transport vositalarini boshqarish va yuqori diqqat va tez psixomotor reaksiyalarni talab qiladigan boshqa potensial xavfli faoliyat turlari bilan shug'ullanishdan saqlanish kerak, chunki preparat bosh aylanishi va boshqa nojo'ya ta'sirlarni chaqirishi mumkin, bu esa ko'rsatilgan qobiliyatlarga ta'sir qilishi mumkin.
 
Homiladorlik va laktatsiya

Homiladorlik davrida qo'llanilishi

Loperamidning teratogen yoki embriotoksik ta'siri borligi haqida ma'lumotlar yo'q. Preparat homiladorlikning birinchi trimestrida qo'llash mumkin emas. Homiladorlik davrida loperamidni shifokor bilan maslahatlashmasdan qo'llash tavsiya etilmaydi. Preparatni faqat onaga bo'lgan davolash foydasi homilaga bo'lgan potensial xavfdan ustun bo'lgan hollarda buyurish mumkin.

Emizish davrida qo'llanilishi

Loperamidning oz miqdori ona sutiga o'tishi mumkin, shuning uchun loperamidni emizish davrida qabul qilish tavsiya etilmaydi. 

 

Doklinik tadqiqotlar ma'lumotlariga ko'ra, loperamid P-glikoprotein substrati hisoblanadi. Loperamid (bir martalik 16 mg doza) va xinin yoki ritonavir, P-glikoprotein ingibitorlari bo'lgan holda birga qo'llanilganda, loperamidning plazmadagi konsentratsiyasi 2-3 barobar oshgan. Loperamidni tavsiya etilgan dozalarda qo'llashda P-glikoprotein ingibitorlari bilan yuqorida ta'riflangan farmakokinetik o'zaro ta'sirning klinik ahamiyati noma'lum.

Loperamid (bir martalik 4 mg doza) va itrakonazol, CYP3A4 izofermenti va P-glikoprotein ingibitori, birga qo'llanilganda, loperamidning plazmadagi konsentratsiyasi 3-4 barobar oshgan. Shu tadqiqotda CYP2C8 izofermenti ingibitori gemfibrozilni qo'llash loperamidning plazmadagi konsentratsiyasini taxminan 2 barobar oshishiga olib kelgan.

Itrakonzol va gemfibrozil kombinatsiyasi qo'llanganda loperamidning plazmadagi cho'qqi konsentratsiyasi 4 barobar, umumiy konsentratsiyasi esa 13 barobar oshgan. Bu oshish markaziy asab tizimiga ta'sir bilan bog'liq bo'lmagan, bu psixomotor testlar (ya'ni, sub'ektiv uyquchanlik bahosi va raqamli belgilarni almashtirish testi) orqali baholangan.

Loperamid (bir martalik 16 mg doza) va ketokonazol, CYP3A4 izofermenti va P-glikoprotein ingibitori, birga qo'llanganda, loperamidning plazmadagi konsentratsiyasi besh barobar oshgan. Bu oshish farmakodinamik ta'sirning kuchayishi bilan bog'liq bo'lmagan, bu qorachiq o'lchami orqali baholangan.

Desmopressinni bir vaqtda peroral qabul qilishda desmopressinning plazmadagi konsentratsiyasi 3 barobar oshgan, ehtimol, me'da-ichak trakti motorikasining sekinlashuvi tufayli.

O'xshash farmakologik xususiyatlarga ega preparatlar loperamid ta'sirini kuchaytirishi, me'da-ichak traktidan o'tish tezligini oshiruvchi preparatlar esa loperamid ta'sirini kamaytirishi mumkin.

Agar siz yuqorida sanab o'tilgan yoki boshqa dori vositalarini (shu jumladan retseptsiz) qabul qilayotgan bo'lsangiz, Loperamid preparatini qo'llashdan oldin shifokor bilan maslahatlashing. 

 

Sintomlar

Doza oshirib yuborilganda (shu jumladan, jigar funksiyasi buzilishi natijasida nisbiy doza oshirib yuborilishi) siydik tutilishi, ichak tutilishi, markaziy asab tizimi (MAT)ning bostirilishi belgilarini paydo bo‘lishi mumkin: stupor, muvofiqlashtirishning buzilishi, uyquchanlik, mioz, mushaklarning gipertoni, nafas olishning bostirilishi. Bolalar loperamidning MATga ta’siriga kattalarga nisbatan ko‘proq sezgir bo‘lishi mumkin.

Terapiyasi

Doza oshirib yuborilishi simptomlari paydo bo‘lsa, antidot sifatida nalokson qo‘llanilishi mumkin. Loperamidning ta’sir davomiyligi naloksonnikidan (1-3 soat) ko‘proq bo‘lgani uchun, naloksonni qayta qo‘llash talab qilinishi mumkin. Shuning uchun, bemorning holatini kamida 48 soat davomida diqqat bilan kuzatish zarur, MATning mumkin bo‘lgan bostirilishi belgilarini o‘z vaqtida aniqlash maqsadida.