Har bir gramm liniment quyidagilarni o'z ichiga oladi: Faol modda D,L-xloramfenikol (sintomitsin) – 0,05 g. Yordamchi moddalari: kastor yog'i, emulgator №1, sorbin kislotasi, natriy karmelloza, aerosil, tozalangan suv – 1 g gacha.

Yarali jarayonning II bosqichida infeksiyalangan yaralar (yiring, nekrotik to‘qimalar yo‘qligi), uzoq bitmayotgan trofik yaralar, 2-3 darajali kuyishlar.

Individual o‘zlashtira olmaslik, suyak ko‘migi qon hosil qilishining susayishi, o‘tkir intermitent porfiriya, glyukoza-6-fosfatdegidrogenaza yetishmovchiligi, jigar va/yoki buyrak yetishmovchiligi, teri kasalliklari (zamburug‘li zararlanishlar, psoriaz, ekzema), homiladorlik, laktatsiya davri, yangi tug‘ilgan davr (4 haftagacha). Osmotik faollik yo‘qligi sababli (asos yog‘, emulgator) yarali jarayonning birinchi bosqichida (ko‘p yiring ajralishi, to‘qimalarning kuchli shishi, og‘riq va nekrotik to‘qimalar mavjudligi) qo‘llash tavsiya etilmaydi. Ehtiyotkorlik bilan: erta bolalik yoshi, ilgari sitostatik dori vositalari yoki nur terapiyasi olgan bemorlarda.

Tashqi. Yara va kuyishlarni jarrohlik yo‘li bilan ishlov bergandan so‘ng sintomitsin linimenti to‘g‘ridan-to‘g‘ri yarali yuzaga surtiladi, so‘ngra steril doka bog‘lam qo‘yiladi yoki sintomitsin linimenti bog‘lov materialiga surtiladi, so‘ngra yaraga qo‘yiladi. Jarrohlik yo‘li bilan ishlov berilgan yiringli yaralar bo‘shlig‘iga liniment bilan namlangan tamponlar bo‘sh joy qoldirib joylanadi, sintomitsin linimenti bilan namlangan doka turundalar esa fistul yo‘llariga kiritiladi. Yara va kuyishlarni 2-bosqichda davolashda – yaralarning bitish dinamikasiga qarab 1-3 kunda 1 marta.

Allergik reaksiyalar mumkin: teri toshmasi, angionevrotik shish. Qon hosil qiluvchi organlar tomonidan kamdan-kam hollarda – retikulotsitopeniya, leykopeiya, granulositopeniya, trombotsitopeniya, eritropeniya, aplastik anemiya, agranulositoz.

Dorining faol moddası xloramfenikol – keng ta'sir doirasiga ega antibiotik bo‘lib, yarali infeksiya qo‘zg‘atuvchisi va turli yiringli-yallig‘lanish jarayonlari shakllariga nisbatan yuqori antibakterial faollikka ega. Xloramfenikol - bakteriostatik antibiotik, mikroblar hujayrasida oqsil sintezi jarayonini buzadi (yuqori lipofillikka ega bo‘lib, bakteriyalar hujayra membranasi orqali o‘tadi va bakterial ribosomalar 50S subbirligiga qaytar bog‘lanadi, natijada aminokislotalarning o‘sib borayotgan peptid zanjirlariga ko‘chishi sekinlashadi, bu esa peptid bog‘lari va oqsil sintezi shakllanishining buzilishiga olib keladi). Penitsillin, tetratsiklin, sulfanilamidga chidamli ko‘pchilik gram-musbat va gram-manfiy mikroorganizmlar shtammlariga nisbatan faol. Kuygan yaralar va trofik yaralarni tozalash va bitishini tezlashtiradi, epitelizatsiyani tezlashtiradi.

Davolanish jarayonida periferik qon manzarasini tizimli nazorat qilish zarur. Homiladorlik va emizish davrida homilaga nojo‘ya ta’siri aniqlanmagan. Keng yuzalarga qo‘llanganda va bir vaqtning o‘zida etanol qabul qilinganda disulfiramga o‘xshash reaksiyalar (terining giperemiyasi, taxikardiya, ko‘ngil aynishi, qusish, reflektor yo‘tal, tutqanoq) rivojlanishi mumkin. Preparatni bolalar ololmaydigan joyda saqlash va yaroqlilik muddati tugaganidan keyin ishlatmaslik kerak.