Oqdan to krem ranggacha turli intensivlikdagi siqilgan tabletka shaklidagi kukun yoki liofilizatsiyalangan g'ovak massa. Yuzasida quruq qobiqning mavjudligiga yo'l qo'yiladi.

1 flakon tarkibida: 64 ED gialuronidaza (yirik shoxli qoramol urug'idan olingan).

Bo'g'im kontrakturalari. Ankilozlovchi spondiloartrit. Dyupyuytren kontrakturasi (boshlang'ich bosqich). Teri chandiqli o'zgarishlari turli kelib chiqishda. Gematomalar (tashkil topish bosqichida). Sklerodermiya. Oftalmologik amaliyotda (keratitlar, retinopatiyalar). O'pka sil kasalligida o'pka yallig'lanishining produktiv xususiyati. Nerv to'rlari va periferik nervlarning travmatik shikastlanishlari. Revmatoyid artrit.

Ta'sir qiluvchi modda yuqori sezuvchanlik. Yomon sifatli yangi o'smalar. O'tkir infeksion-yallig'lanish jarayonlari. O'pka qon ketishi va qon tupurish. Estrogenlarni qo'llash. Gematomalarning o'tkir bosqichi. O'pka yetishmovchiligi bilan kechuvchi sil.

«Lidaza-Biofarma» preparatini teri ostiga, teridagi chandiqli o‘zgarishlar ostiga, mushak ichiga, ingalyatsiya ko‘rinishida, shuningdek, elektroforez yoki shilliq qavatlarga aplikatsiya usullari bilan yuboriladi. Oftalmologik amaliyotda preparatni subkon’yunktival va retrobulbar yo‘l bilan yuborish mumkin. In’yeksiyalar uchun flakon tarkibini 1 ml 0,9% natriy xlorid eritmasida yoki 1 ml 0,5% novokain eritmasida eritish kerak. Kontrakturalar, turli kelib chiqishdagi chandiqlar, gematomalar, ankilozlovchi spondiloartritda zararlangan joy yaqiniga yoki chandiqli to‘qima ostiga kattalarga 64 ED dozasida teri ostiga yuboriladi. In’yeksiyalar har kuni yoki kun ora qilinadi. Davolash kursi – 6-10-15 in’yeksiya. Periferik nervlarning nerv to‘rlarining travmatik shikastlanishlarida kattalarga 64 ED dozasida novokain eritmasida teri ostiga kun ora yuboriladi. Davolash kursi (12-15 in’yeksiya) zarur bo‘lsa, takrorlanadi. Revmatoyid artritda preparat elektroforez usuli bilan qo‘llaniladi: kattalar uchun 64 ED preparat 30 ml distillangan suvda eritiladi, 4-5 tomchi 0,1 N xlorid kislota eritmasi qo‘shiladi va ikkita bo‘g‘imga bo‘lingan elektrod (anod) orqali yuboriladi. Muolaja davomiyligi – 20-30 daqiqa, davolash kursi = 10-15 seans. O‘pka sil kasalligida yallig‘lanishning produktiv xususiyatida preparat kompleks terapiyada antibiotiklar va boshqa antibakterial vositalarning zararlangan o‘choqda konsentratsiyasini oshirish maqsadida in’yeksiya va ingalyatsiya ko‘rinishida buyuriladi. Ingalyatsiyalar uchun flakon tarkibi 5 ml 0,9% natriy xlorid eritmasida eritiladi. Ingalyatsiyalar har kuni 1 marta (5 ml eritma, 64 ED ni o‘z ichiga oladi) buyuriladi. Kurs uchun 20-25 ingalyatsiya kerak. Takroriy kurslar – zaruratga ko‘ra 1,5-2 oyli interval bilan. Keratitlarda zararlangan ro‘da qismlarining yanada nozik chandiqlanishi uchun preparat eritmasi (1 flakon preparat tarkibi 20 ml 0,9% natriy xlorid eritmasida yoki 20 ml 0,5% novokain eritmasida eritiladi) antibiotiklar, sulfanilamidlar bilan bir vaqtda ko‘zga tomiziladi. Retinopatiyalarda ham chakka sohasiga teri ostiga 0,5 ml eritma (1 flakon preparat tarkibi 20 ml 0,9% natriy xlorid eritmasida yoki 20 ml 0,5% novokain eritmasida eritiladi) yuboriladi. Davolash kursi 10-15 in’yeksiyani tashkil etadi. Bolalar. Preparatni bolalarda qo‘llash samaradorligi va xavfsizligi bo‘yicha ma’lumotlar mavjud emas, shuning uchun preparat pediatriya amaliyotida qo‘llanilmasligi kerak.

Umumiy organizm reaksiyalari: holsizlik, tana haroratining ko‘tarilishi, titroq, terlash. Nerv tizimi tomonidan: bosh aylanishi, bosh og‘rig‘i. Yurak-qon tomir tizimi tomonidan: arterial gipotenziya, taxikardiya. Nafas olish organlari tomonidan: nafas olishning qiyinlashuvi, nafas qisishi. Allergik reaksiyalar, jumladan giperemiya, teri toshmasi, qichishish, eshakemi, angionevrotik shish. Mahalliy reaksiyalar: mushak ichiga, teri ostiga yuborilganda toshma, giperemiya, eritema, qichishish, qizarish, shish, og‘riq, inʼeksiya joyida issiqlik hissi paydo bo‘lishi mumkin, oftalmologik amaliyotda subkonʼyunktival, retrobulbar qo‘llash usulida – qovoqlarning shishi, giperemiya, orbital soha, yuz terisi, skleraning giperemiyasi.

Gialuronidaza - bu ferment bo'lib, uning o'ziga xos substrati gialuron kislotasidir. Oxirgisi mukopolisaxarid bo'lib, uning tarkibiga atsetilglyukozamin va glyukuron kislotasi kiradi. Gialuron kislotasi yuqori yopishqoqlikka ega; biologik vazifasi - biriktiruvchi to'qima oraliq moddasini "sementlash". Preparatning effekti bo'g'imlarning harakatchanligini yaxshilash, chandiqlarni yumshatish, kontrakturalarni kamaytirish va yo'qotish, gematomalarni so'rilishidan iborat. Ta'siri patologik jarayonlarning boshlang'ich bosqichida eng yaqqol namoyon bo'ladi. Gialuronidaza ("tarqalish omili") gialuron kislotasini glyukozamin va glyukuron kislotasigacha parchalanishini chaqiradi va shu bilan to'qimalar o'tkazuvchanligini oshiradi hamda oraliq suyuqliklarning harakatini yaxshilaydi. Gialuronidaza effekti qaytar - konsentratsiyaning kamayishi gialuron kislotasining yopishqoqligini tiklaydi.