LEVOFAST preparati preparatga sezgir mikroorganizmlar keltirib chiqargan infeksion-yallig‘lanish kasalliklarida qo‘llaniladi: -quyi nafas yo‘llari (surunkali bronxitning zo‘rayishi, statsionardan tashqari pnevmoniya); -siydik chiqarish yo‘llari va buyraklar (jumladan, o‘tkir pielonefrit); -jinsiy a’zolar (jumladan, surunkali bakterial prostatit); -terining va yumshoq to‘qimalarning (yiringlagan ateromalar, abstsess, furunkullar); -intraabdominal infeksiyalar; -o‘tkir bakterial sinusit; -sil (dori vositalariga chidamli shakllarini kompleks davolashda). 

 Levofloksasin – keng ta'sir doirasiga ega bo‘lgan ftorxinolonlar guruhiga mansub antibiotik bo‘lib, faol modda sifatida ofloksasinning chapga aylanuvchi izomerini o‘z ichiga oladi. DNK-girazani (topoizomeraza II) va topoizomeraza IV ni bloklaydi, DNK ning superspiralizatsiyasi va uzilishlarining tiklanishini buzadi, DNK sintezini bostiradi, sitoplazma, hujayra devori va membranalarida chuqur morfologik o‘zgarishlarni chaqiradi. In vitro va in vivo sharoitlarda ko‘pchilik mikroorganizmlar shtammlariga nisbatan samarali. Preparatga sezgir mikroorganizmlar: - aerob gram-musbat mikroorganizmlar Corynebacterium diphtheriae, Enterococcus spp. (shu jumladan Enterococcus faecalis), Listeria monocytogenes, Staphylococcus spp. (koagulaza manfiy metitsillin sezgir/o‘rtacha sezgir shtammlar), shu jumladan Staphylococcus aureus (metitsillin sezgir shtammlar), Staphylococcus epidermidis (metitsillin sezgir shtammlar), Staphylococcus spp. (leykotoksin saqlovchi); Streptococcus spp. C va G guruhlari, Streptococcus agalactiae, Streptococcus pneumoniae (penitsillin sezgir/o‘rtacha sezgir/rezistent shtammlar), Streptococcus pyogenes, Streptococcus viridans guruhi (penitsillin sezgir/rezistent shtammlar); - aerob gram-manfiy mikroorganizmlar Acinetobacter spp. (shu jumladan Acinetobacter baumannii), Actinobacillus actinomycetemcomitans, Citrobacter freundii, Eikenella corrodens, Enterobacter aerogenes, Enterobacter agglomerans, Enterobacter spp. (shu jumladan Enterobacter cloacae), Escherichia coli, Gardnerella vaginalis, Haemophilus ducreyi, Haemophilus influenzae (ampitsillin sezgir/rezistent shtammlar), Haemophilus parainfluenzae, Helicobacter pylori, Klebsiella spp. (shu jumladan Klebsiella oxytoca, Klebsiella pneumoniae), Moraxella catarrhalis (beta-laktamaza ishlab chiqaruvchi va ishlab chiqarmaydigan shtammlar), Morganella morganii, Neisseria gonorrhoeae (penitsillinaza ishlab chiqaruvchi va ishlab chiqarmaydigan shtammlar), Neisseria meningitidis, Pasteurella spp. (shu jumladan Pasteurella canis, Pasteurella dagmatis, Pasteurella multocida), Proteus mirabilis, Proteus vulgaris, Providencia spp. (shu jumladan Providencia rettgeri, Providencia stuartii), Pseudomonas spp. (shu jumladan Pseudomonas aeruginosa), Serratia spp. (shu jumladan Serratia marcescens), Salmonella spp.; - anaerob mikroorganizmlar Bacteroides fragilis, Bifidobacterium spp., Clostridium perfringens, Fusobacterium spp., Peptostreptococcus spp., Propionibacterium spp., Veilonella spp.; - boshqa mikroorganizmlar Bartonella spp., Chlamydia pneumoniae, Chlamydia psittaci, Chlamydia trachomatis, Legionella pneumophila, Mycobacterium spp. (shu jumladan Mycobacterium leprae, Mycobacterium tuberculosis, Mycoplasma hominis), Mycoplasma pneumoniae, Rickettsia spp., Ureaplasma urealyticum. O‘rtacha sezgir mikroorganizmlar (minimal bostiruvchi konsentratsiya 4 mg/l dan yuqori) - aerob gram-musbat mikroorganizmlar Corynebacterium urealyticum, Corynebacterium xerosis, Enterococcus faecium, Staphylococcus epidermidis (metitsillinrezistent shtammlar), Staphylococcus haemolyticus (metitsillinrezistent shtammlar); - aerob gram-manfiy mikroorganizmlar Burkholderia cepacia, Campilobacter jejuni, Campilobacter coli; - anaerob mikroorganizmlar Bacteroides thetaiotaomicron, Bacteroides vulgatus, Bacteroides ovatus, Prevotella spp., Porphyromonas spp.. Rezistent mikroorganizmlar (minimal bostiruvchi konsentratsiya 8 mg/l dan yuqori) - aerob gram-musbat mikroorganizmlar Corynebacterium jeikeium, Staphylococcus aureus (metitsillinrezistent shtammlar), boshqa Staphylococcus spp. (koagulaza manfiy metitsillinrezistent shtammlar); - aerob gram-manfiy mikroorganizmlar Alcaligenes xylosoxidans; - boshqa mikroorganizmlar Mycobacterium avium.

Og‘iz orqali qabul qilinganda levofloksasin tez va deyarli to‘liq so‘riladi (ovqat qabul qilish so‘rilish tezligi va to‘liqligiga deyarli ta’sir qilmaydi). Biologik o‘zlashtirilishi – 99%. Plazmadagi maksimal konsentratsiyaga (TCmax) erishish vaqti – 1-2 soat. 500 mg qabul qilinganda plazmadagi maksimal konsentratsiya (Cmax) 5,2 mkg/ml ni tashkil etadi. Plazma oqsillari bilan bog‘lanishi taxminan 30-40%. Levofloksasinning o‘rtacha kumulyatsiyasi preparatni 500 mg dan kuniga 2 marta qabul qilishning uchinchi kunidayoq kuzatiladi. Organ va to‘qimalarga yaxshi kirib boradi: o‘pka, bronxlar shilliq qavati, balg‘am, siydik-jinsiy tizim organlari, polimorfonuklear leykotsitlar, alveolyar makrofaglar. 500 mg preparatni peroral qabul qilgandan so‘ng bronxlar shilliq qavati va epitelial qoplama suyuqligidagi Cmax mos ravishda 8,3 mkg/g va 10,8 mkg/ml; levofloksasinning pufak suyuqligidagi Cmax – 4,0-6,7 mkg/ml, TCmax bu holda – 2-4 soat. 500 mg preparatni peroral qabul qilgandan so‘ng o‘pka to‘qimalaridagi Cmax – 11,3 mkg/g, TCmax – 4-6 soat. Levofloksasin orqa miya suyuqligiga kam miqdorda o‘tadi. 500 mg/kun levofloksasin peroral qabul qilinganda davolashning uchinchi kunida prostata to‘qimalarida preparatni qabul qilgandan so‘ng 2, 6 va 24 soatda Cmax mos ravishda 8,7 mkg/g, 8,2 mkg/g va 2,0 mkg/g. Prostata/plazma konsentratsiyasi nisbati o‘rtacha – 1,84. 500 mg preparatni qabul qilgandan so‘ng 8-12 soatda siydikdagi o‘rtacha Cmax – 200 mg/l. Jigarda preparatning kichik qismi oksidlanadi va/yoki dezatsetillanadi. Yarim chiqarilish davri (T1/2) – 6-8 soat. Organizmda asosan buyraklar orqali (qabul qilingan dozaning taxminan 85%) glomerulyar filtrlatsiya va kanalchalar sekretsiyasi yo‘li bilan chiqariladi. Og‘iz orqali qabul qilingan levofloksasinning 4% 72 soat davomida ichak orqali chiqariladi. Buyrak faoliyati buzilganda va buyrak klirensi kamayganda T1/2 oshadi. Klinik sinovlar davomida erkaklar va ayollarda preparatning farmakokinetikasida farq aniqlanmagan. 

 Xinolonlar va o‘z navbatida tutqanoq tayyorgarlik darajasini pasaytirishga qodir bo‘lgan moddalar bir vaqtda qo‘llanilganda tutqanoq tayyorgarlik darajasining sezilarli pasayishi haqida xabarlar mavjud. Bu, shuningdek, xinolonlar, teofillin, fenbufen yoki unga o‘xshash nosteroid yallig‘lanishga qarshi vositalarni bir vaqtda qo‘llashga ham taalluqlidir. Levfloksasinning ta’sirini ichak motorikasini susaytiruvchi dori vositalari, sukralfat, magniy yoki alyuminiy saqlovchi antatsid vositalar, temir va rux tuzlari kamaytiradi. Glyukokortikosteroidlarni qabul qilish paytida paylarning yorilishi xavfi oshadi. Levfloksasin varfarinning antikoagulyant faolligini kuchaytiradi. Levfloksasinning chiqarilishi (buyrak klirensi) tsimetidin va probenetsid ta’sirida biroz sekinlashadi, bu levfloksasinning buyraklarda kanalikulyar sekretsiyasining bloklanishi mumkinligi bilan bog‘liq. Ushbu o‘zaro ta’sir, avvalo, buyrak funksiyasi buzilgan bemorlar uchun klinik ahamiyatga ega ekanligini ta’kidlash lozim. Levfloksasin siklosporinning yarim chiqarilish davrini oshiradi. Levfloksasin va gipoglikemik vositalarni bir vaqtda qo‘llash qon plazmasida glyukoza konsentratsiyasining o‘zgarishiga (gipoglikemiya va giperglikemiya) olib keladi. 

 LEVOFAST kamida 2 soat oldin yoki 2 soat o'tgach temir, sink tuzlari, antatsidlar va sukralfat preparatlarini qabul qilish kerak. LEVOFAST bilan davolanish vaqtida teri qoplamalarining shikastlanishini (fotosensibilizatsiya) oldini olish uchun quyosh va sun'iy UF nurlanishidan saqlanish zarur. Tendinit, soxta membranli kolit, allergik reaksiyalar belgilari paydo bo'lsa, LEVOFAST darhol bekor qilinadi. Bosh miya zararlanishi (insult, og'ir travma) bo'lgan bemorlarda tutqanoq rivojlanishi mumkinligini, glyukoza-6-fosfatdegidrogenaza yetishmovchiligida esa gemoliz rivojlanish xavfi borligini inobatga olish kerak. LEVOFAST va varfarin birga qo'llanilganda protrombin va boshqa koagulyatsiya ko'rsatkichlarini diqqat bilan nazorat qilish zarur. LEVOFAST va gipoglikemik preparatlar birga qo'llanilganda plazmadagi glyukoza kontsentratsiyasini diqqat bilan nazorat qilish tavsiya etiladi. Avtotransport va boshqa murakkab mexanik vositalarni boshqarish qobiliyatiga ta'siri LEVOFAST bilan davolanish davrida avtotransport boshqarishda va yuqori diqqat va tez psixomotor reaksiyalar talab qiladigan boshqa potensial xavfli faoliyat turlari bilan shug'ullanishda ehtiyotkorlikka rioya qilish zarur. Preparatni bolalar uchun yetib bo'lmaydigan joyda saqlash va yaroqlilik muddati o'tgach ishlatmaslik kerak. 

 Siptomlari: ongning chalkashligi, bosh aylanishi, ong buzilishi, tutqanoqlar, ko'ngil aynishi, qusish va shilliq qavatlarning eroziyali shikastlanishlari mumkin. Tadqiqotlar shuni ko'rsatdiki, levofloksasin o'rtacha terapevtik dozadan yuqori dozada qo'llanganda QT intervali uzayishi mumkin. Davolash: zarurat tug'ilganda simptomatik terapiya o'tkaziladi. Levofloksasin gemodializ, peritoneal dializ va doimiy peritoneal dializda chiqarilmaydi. Maxsus antidoti yo'q.