Bitta qobiq bilan qoplangan tabletkada quyidagilar mavjud
Faol modda: 500 mg levofloksasin (gemigidrat shaklida);
Yordamchi moddalari: mikrokristallik sellüloza, krosprovidon, gidroksipropilmetilsellyuloza, magniy stearati, stearin kislotasi, talk, kremniy dioksidi, qobiq uchun kukun.

Doriga sezgir mikroorganizmlar keltirib chiqargan infeksion-yallig‘lanish kasalliklari
• - pastki nafas yo‘llari infeksiyalari (surunkali bronxit, pnevmoniya);
• - LOR-organlar infeksiyalari (sinusit, o‘rta otit),
• - siydik chiqarish yo‘llari va buyraklar infeksiyalari (jumladan, o‘tkir pielonefrit),
• - jinsiy a’zolar infeksiyalari (jumladan, urogenital xlamidioz),
• - teri va yumshoq to‘qimalar infeksiyalari (yiringlagan ateromalar, abstsess, furunkullar).

Fluorxinolonlar guruhiga mansub keng ta'sir doirasiga ega antimikrob bakterisid preparat. DNK-girazani (topoizomeraza II) va topoizomeraza IV ni bloklaydi, DNK sintezini ingibitsiya qiladi, sitoplazma, hujayra devori va membranalarida chuqur morfologik o‘zgarishlarni chaqiradi. Levofloksasin ko‘pchilik mikroorganizmlar shtammlariga nisbatan in vitro va in vivo sharoitida faol.
In vitro Sezgir mikroorganizmlar (MPK ≤ 2 mg/l)
Aerob gram-musbat mikroorganizmlar Corynebacterium diphtheriae, Corynebacterium striatum, Enterococcus faecalis, Enterococcus spp, Listeria monocytogenes, Staphylococcus koaguloza-manfiy methi-S/I (metitsillin sezgir/umuman sezgir), Staphylococcus aureus methi-S, Staphylococcus epidermidis methi-S, Staphylococcus spp (CNS), Streptococci C va G guruhi, Streptococcus agalactiae, Streptococcus pneumoniae peni S/I/R (penitsillin sezgir/umuman sezgir/rezistent), Streptococcus pyogenes, Viridans streptococci peni-S/R.
Aerob gram-manfiy mikroorganizmlar Acinetobacter baumannii, Acinetobacter spp., Actinobacillus actinimycetemcomitans, Citrobacter freundii, Eikenella corrodens, Enterobacter aerogenes, Enterobacter agglomerans, Enterobacter cloacae, Enterobacter spp, Escherichia coli, Gardnerella vaginalis, Haemophilus ducreyi, Haemophilus influenzae ampi-S/R (ampitsillin sezgir/rezistent), Haemophilus parainfluenzae, Helicobacter pylori, Klebsiella oxytoca, Klebsiella pneumoniae, Klebsiella spp, Moraxela catarrhalis β+/β-, Morganella morganii, Neisseria gonorrhoeae non PPNG/PPNG, Neisseria meningitidis, Pasteurella canis, Pasteurella dagmatis, Pasteurella multocida, Pasteurella spp, Proteus mirabilis, Proteus vulgaris, Providencia rettgeri, Providencia stuartii, Providencia spp, Pseudomonas aeruginosa (Pseudomonas aeruginosa sababli kasalxona infeksiyalari kombinatsiyalangan davolashni talab qilishi mumkin), Pseudomonas spp, Salmonella spp, Serratia marcescens, Serratia spp.
Anaerob mikroorganizmlar Bacteroides fragilis, Bifidobacterium spp, Clostridium perfringens, Fusobacterium spp, Peptostreptococcus, Propionibacterium spp, Veillonella spp.
Boshqa mikroorganizmlar Bartonella spp, Chlamydia pneumoniae, Chlamydia psittaci, Chlamydia trachomatis, Legionella pneumophila, Legionella spp, Mycobacterium spp, Mycobacterium leprae, Mycobacterium tuberculosis, Mycoplasma hominis, Mycoplasma pneumoniae, Rickettsia spp, Ureaplasma urealyticum.
O‘rtacha sezgir mikroorganizmlar (MPK ≥ 4 mg/l)
Aerob gram-musbat mikroorganizmlar Corynebacterium urealyticum, Corynebacterium xerosis, Enterococcus faecium, Staphylococcus epidermidis methi-R (metitsillin-rezistent), Staphylococcus haemolyticus methi-R.
Aerob gram-manfiy mikroorganizmlar Burkholderia cepacia, Campylobacter jejuni/coli.
Anaerob mikroorganizmlar Bacteroides thetaiotaomicron, Bacteroides vulgatus, Bacteroides ovatus, Prevotella spp, Porphyromonas spp.
Rezistent mikroorganizmlar (MPK ≥ 8 mg/l) Aerob gram-musbat mikroorganizmlar Corynebacterium jeikeium, Staphylococcus aureus methi-R, Staphylococcus koaguloza-manfiy methi-R. Aerob gram-manfiy mikroorganizmlar Alcaligenes xylosoxidans. Boshqa mikroorganizmlar Mycobacterium avium.
Og‘iz orqali qabul qilingandan so‘ng levofloksasin tez va deyarli to‘liq oshqozon-ichak yo‘llaridan so‘riladi. Qon plazmasida Smax 1-2 soatda erishiladi. Plazma oqsillari bilan bog‘lanishi - 30-40%. Organ va to‘qimalarga yaxshi kiradi: o‘pka, bronxlar shilliq qavati, balg‘am, siydik-tanovul tizimi organlari, jinsiy organlar, polimorfonuklear leykotsitlar, alveolyar makrofaglar. T1/2 6-8 soatni tashkil etadi. Asosan buyraklar orqali organizmdan chiqariladi. Levofloksasinning 5% dan kamrog‘i metabolitlar ko‘rinishida chiqariladi.

Levofloksasinni ehtiyotkorlik bilan qariyalar (buyrak funksiyasining birga kamayishi ehtimoli yuqori)da qo‘llash tavsiya etiladi. Levofloksasin bilan davolash davomida preparatni tana harorati normallashganidan keyin kamida 48–78 soat davomida qabul qilish tavsiya etiladi. Davolash davomida teri qoplamalarining shikastlanishini (fotosensibilizatsiya) oldini olish uchun quyosh va sun’iy ultrabinafsha nurlanishidan saqlanish zarur. Tendinit belgilarining paydo bo‘lishida levofloksasin darhol bekor qilinadi. Glyukokortikosteroidlarni qo‘llashda paylarning uzilishi yoki tendinit rivojlanish xavfi oshadi. Bosh miya zararlanishi (insult, og‘ir jarohat) bo‘lgan bemorlarda tutqanoq rivojlanishi mumkinligini, glyukoza-6-fosfatdegidrogenaza yetishmovchiligida esa gemoliz rivojlanish xavfi borligini inobatga olish kerak. Preparat qandli diabetli bemorlarda qo‘llanganda, levofloksasin gipoglikemiyani chaqirishi mumkinligini, bu esa ishtahaning oshishi, titroq, asabiylik bilan namoyon bo‘lishini inobatga olish kerak. Pnevmokokk sababli og‘ir pnevmoniyada levofloksasin yetarli samarali bo‘lmasligi mumkin. Og‘ir allergik reaksiyalardan oldin ba’zan yengil teri ko‘rinishlari bo‘lishi mumkin. Biroq, bu reaksiyalar allaqachon birinchi dozadan keyin – levofloksasin qabul qilingandan bir necha daqiqa yoki soat o‘tib rivojlanishi mumkin.
Levofloksasin bilan davolash davomida bemorga og‘ir, uzoq davom etuvchi diareya, qon aralash yoki aralashmasiz bo‘lsa, shifokorga xabar berish zarurligi haqida ma’lumot berish kerak. Diareya paydo bo‘lishining sababi antibiotikoterapiya vaqtida rivojlanadigan enterokolit bo‘lishi mumkin. Psevdomembranoz kolitdan shubhalanganda levofloksasin darhol bekor qilinadi va mos davolash boshlanadi. Bunday hollarda ichak motorikasini susaytiruvchi dori vositalarini qo‘llash mumkin emas. Avtotransport boshqarish va mexanizmlarni boshqarish qobiliyatiga ta’siri Levofloksasin diqqatni jamlash qobiliyati va psixomotor reaksiyalar tezligini pasaytiradi, bu preparatni qo‘llash zarur bo‘lganda inobatga olinishi kerak. Preparat amal qilish muddati tugaganidan keyin qo‘llanmasligi va bolalar uchun yaroqsiz joyda saqlanishi kerak.

Preparat homiladorlik va laktatsiya davrida qo‘llash uchun kontraindikatsiyalangan.