1 tabletka quyidagilarni saqlaydi: 

faol modda: ambroksol gidroxloridi - 30 mg; 

yordamchi moddalar: quritilgan makkajo‘xori kraxmali, suvsiz kolloid kremniy dioksidi, laktoza monogidrati, magniy stearati. 

Sekretolitik davolash balg‘amni shakllanishi va ajralib chiqishini (transporti) buzilishi bilan bog‘liq o‘tkir va surunkali bronx-o‘pka kasalliklarida qo‘llanadi. 

30 mg li LOZALVAN® tabletkalari dori preparatini ambroksol gidroxloridga yoki yordamchi moddalaridan birortasiga o‘ta yuqori sezuvchanlik bo‘lgan patsiyentlarga qo‘llash mumkin emas. 

30 mg li LOZALVAN® tabletkalarini 6 yoshgacha bo‘lgan bolalarga buyurish mumkin emas. 

6 yoshgacha bo‘lgan bolalarga LOZALVAN® siropi va/yoki ingalyatsiya uchun LOZALVAN® eritmasini buyurish mumkin. 

6 yoshdan 12 yoshgacha bo‘lgan bolalarga 

Odatda yarim tabletkadan kuniga 2-3 marta (bu kuniga ambroksol gidroxloridini 2-3 x 15 mg ga to‘g‘ri keladi). 

Kattalar va 12 yoshdan katta bolalarga 

Odatda birinchi 2-3 kunlarida 1 tabletkadan kuniga 3 marta (bu kuniga ambroksol gidroxloridini 3 x 30 mg ga to‘g‘ri keladi), so‘ngra 1 tabletkadan kuniga 2 marta (bu kuniga ambroksol gidroxloridini 2 x 30 mg ga to‘g‘ri keladi). 

Kattalar va 12 yoshdan katta bolalar uchun terapevtik ta’siri dozani kuniga ikki marta 

2 tabletkagacha oshirib kuchaytirish mumkin (bu kuniga ambroksol gidroxloridini 120 mg ga to‘g‘ri keladi). 

30 mg li LOZALVAN® tabletkalarini shifokor maslahatisiz 4-5 kundan ortiq qabul qilish kerak emas. 

Agar siz keyingi dozani o‘tkazib yuborsangiz, bu haqda eslashingiz bilanoq uni qabul qilishingiz kerak. Agar keyingi dozani qabul qilish vaqti yaqinlashib qolgan bo‘lsa, o‘tkazib yuborilgan dozani qabul qilmay odatdagidek davom eting. Unutilgan individual dozani to‘ldirish uchun ikki martali dozani qabul qilmang. 

Qo‘llash usuli 

30 mg li LOZALVAN® tabletkalarini ovqat iste’mol qilishdan qat’iy nazar qabul qilish mumkin; tabletkalarni butunligicha va yetarli miqdordagi suyuqlik bilan (masalan, suv yoki mevali sharbat bilan) qabul qilish kerak. 

Dori vositalarini noxush reaksiyalarini rivojlanish tez-tezligini baholash mezonlari: juda tez-tez (≥1/10); tez-tez (≥1/100, ˂1/10 gacha); tez-tez emas (≥1/1000, ˂1/100 gacha), kam hollarda (≥1/10000, ˂1/1000 gacha), juda kam hollarda (˂1/10000), noma’lum (mavjud ma’lumotlar asosida aniqlashni iloji yo‘q). 

Immun tizimi tomonidan buzilishlar 

Kam hollarda o‘ta yuqori sezuvchanlik reaksiyalari. 

Noma’lum:anafilaktik reaksiyalar, shu jumladan anafilaktik shok, angionevrotik shish, qichishish. 

Teri va teri osti biriktiruvchi to‘qimalar tomonidan buzilishlar 

Kam hollarda: toshma, eshakemi. 

Noma’lum: og‘ir darajali teri reaksiyalari (shu jumladan, multiformli eritema, Stivens-Djonson sindromi, toksik epidermal nekroliz, o‘tkir darajali generalizatsiyalangan ekzantematoz pustulez). 

Me’da-ichak yo‘llari tomonidan buzilishlar: 

Kam hollarda: ko‘ngil aynishi 

Tez-tez emas: qusish, diareya, dispepsiya va qorinda og‘riq. 

Juda kam hollarda: so‘lak oqishi 

Nafas olish tizimi, ko‘krak qafasi va ko‘ks oralig‘i a’zolari tomonidan buzilishlar 

Noma’lum: hansirash (allergik reaksiyalarning simptomi sifatida). 

Umumiy buzilishlar va yuborish joyidagi reaksiyalar 

Tez-tez emas: isitmalash, shilliq qavatlar tomonidan reaksiyalar 

Dori vositasining foyda-xavf balansini doimiy monitoringini ta’minlash uchun dori vositasini ro‘yxatdan o‘tkazgandan keyin, shubhali nojo‘ya reaksiyalar haqida xabar berish muhimdir. Sog‘liqni saqlash xodimlariga dori vositalarining nojo‘ya reaksiyalari va dori yetishmovchiligi haqida xabar berish tizimlari orqali har qanday shubhali nojo‘ya reaksiyalar haqida xabar berish tavsiya etiladi. 

Bemorga, agar u biron bir salbiy reaksiyaga duch kelsa, shifokor bilan maslahatlashish tavsiya etiladi. Ushbu tavsiya har qanday mumkin bo‘lgan nojo‘ya reaksiyalarga, shu jumladan preparatni qo‘llash bo‘yicha ko‘rsatmalarda ko‘rsatilmaganlarga nisbatan qo‘llaniladi. Shuningdek, siz nojo‘ya reaksiyalar haqida dori vositalarining nojo‘ya ta’sirlari (harakatlari) haqida ma’lumotlar bazasiga, shu jumladan dori vositalarining yetishmovchiligi to‘g‘risidagi xabarlarga xabar berishingiz mumkin. Noqulay reaksiyalar haqida xabar berish orqali siz preparatning xavfsizligi haqida ko‘proq ma’lumot olishga yordam berasiz. 

Farmakodinamikasi 

Klinik oldi sinovlar LOZALVAN® ning faol moddasi, ambroksol gidroxloridi bronxial shilliqni serozli komponentini ajralishini rag‘batlantiradi. U shuningdek alveolalarda joylashgan pnevtotsitlarning II turi va bronxiolalardagi Klar hujayralariga bilvosita ta’sir qilish natijasida sirt - faol moddaning ajralib chiqarishni oshiradi, hamda  hilpillovchi epiteliyning faolligini rag‘batlantiradi. Ta’riflangan samaralar balg‘amni qovushqoqligini kamayishini va mukotsiliar klirensini yaxshilashini chaqiradi. Mukotsiliar klirensini yaxshilashi klinik farmakologik tadqiqotlarda isbotlangan. 

6 oy davomida 75 mg ta’siri uzaytirilgan LOZALVAN® kapsulalarini qabul qilayotgan O‘SOK bo‘lgan patsiyentlarda davolashning 2-oyining oxiriga kelib platsebo bilan solishtirganda kasallik zo‘riyishini ishonchli kamayishi qayd etilgan. LOZALVAN® guruhidagi patsiyentlarda kasallanish va antibakterial preparatlarni qabul qilish kunlarini ishonchli kamayishi kuzatilgan. Shuningdek LOZALVAN® guruhida platsebo bilan solishtirganda balg‘amni chiqarilishini qiyinlashishi, yo‘tal, hansirash va auskultativ simptomlar kabi baholayotgan simptomlarning statistik ahamiyatli yaxshilanishi kuzatilgan. 

Ambroksol gidroxloridning mahalliy og‘riqsizlantiruvchi samarasi quyonlarning ko‘zini modelida o‘tkazilgan tadqiqotlarda kuzatilgan, ehtimol bu natriy kanallarini bloklovchi preparatlari bilan bog‘liq bo‘lishi mumkin. In vitro sharoitida o‘tkazilgan testlar, preparatni neyronli natriy kanallari qaytar va dozaga bog‘liq bloklashini ko‘rsatgan. In vitro sharoitida ambroksol gidroxloridini yallig‘lanishga qarshi ta’sirga ega ekanligi aniqlangan. In vitro sharoitida o‘tkazilgan testlarda preparat sitokinlarni sirkulyatsiyalanuvchi va mononuklear va polimorfonuklear hujayralardan ajralib chiqishini ahamiyatli darajada kamaytirgan. Tomog‘ida og‘rig‘i bo‘lgan patsiyentlarda o‘tkazilgan klinik tadqiqotlar, 20 mg li shimish uchun tabletka ko‘rinishidagi ambroksol gidroxloridi tomoqdagi og‘riq va qizarishni ahamiyatli darajada kamaytirgani isbotlagan. 

Ushbu farmakologik xususiyatlari klinik samaradorligi tadqiqotlarida olingan qo‘shimcha kuzatishni tasdiqlaydi, bu ambroksolni ingalyatsiyasi yuqori nafas yo‘llari kasalliklarini davolashda ishlatilganda og‘riqlarni tez yaxshilanishini ta’minlaydi. 

Ambroksol gidroxloridi qo‘llanishi amoksitsillin, sefuroksim, eritromitsin va doksitsiklinni balg‘am va bronxial sekretdagi konsentratsiyasini oshiradi. Hozirgi kunda preparatning ushbu samarasini klinik ahamiyati isbotlanmagan. 

Farmakokinetikasi 

So‘rilishi 

Ambroksol gidroxloridini so‘rilishi darhol ajraladigan peroral shaklida tez va terapevtik diapazonda chiziqli bog‘liq holda yetarli darajada to‘liq. Qon plazmasidagi maksimal konsentratsiyasiga darhol ajraladigan dori shaklini ichga qabul qilgandan keyin 1-2,5 soat va ta’siri uzaytirilgan dori shakli qabul qilinganidan keyin 6,5 soat o‘tgach erishiladi. 

30 mg li tabletkalari ichga qabul qilinganidan keyin mutloq biokiraolishligi 79% ni tashkil qiladi.  

Taqsimlanishi 

Ambroksol gidroxloridini qondan to‘qimalarga taqsimlanishi tez va yaqqol amalga oshadi, bunda faol moddaning eng yuqori konsentratsiyalari o‘pkalarda aniqlanadi. Peroral qabul qilinganidan keyin taqsimlanish hajmi 552 l ni tashkil qiladi. 

Terapevtik diapazonda plazmadagi oqsillar bilan bog‘lanishi taxminan 90% ni tashkil qiladi. 

Metabolizmi va chiqarilishi 

Peroral buyurilgan dozaning taxminan 30% tizim oldi metabolizmi natijasida chiqariladi. 

Ambroksol gidroxloridining metabolizmi glyukuron kon’yugatlar yo‘li bilan asosan jigarda va qisman dibromantranil kislotasigacha (taxminan dozaning 10%) parchalanishi amalga oshadi.  

Metabolizmi – jigarda kon’yugatsiya hisobiga, dibromantranil kislotasini (taxminan dozaning 10%), glyukuron kon’yugatlar va bir qancha ikkinchi darajali metabolitlarini hosil qiladi. Odam jigarining mikrosomalarida o‘tkazilgan tadqiqotlar CYP3A4 ambroksol gidroxloridining metabolizmiga javobgar dibromantranil kislotasi (taxminan dozaning 10%) ekanligini ko‘rsatdi. 

3 kun davomida peroral qabul qilgan preparatning dozasini taxminan 6% erkin shaklida aniqlanadi, 26% esa siydikda kon’yugatlar shaklida paydo bo‘ladi.  

Ambroksol gidroxloridining organizmdan yarim chiqarilish davri 10 soatni tashkil qiladi. Umumiy klirensi 660 ml/minut atrofida bo‘ladi, buyrak klirensiga umumiy klirensining taxminan 8% to‘g‘ri keladi. 5 kundan keyin qabul qilingan dozaning taxminan 83% siydik bilan chiqariladi. 

Alohida guruh patsiyentlaridagi farmakokinetikasi 

Jigar funksiyasini buzilishi bo‘lgan patsiyentlarda ambroksol gidroxloridining chiqarilishi pasayadi, bu uning miqdorini qon plazmasida 1,3-2 marta oshishiga olib keladi. Preparatning terapevtik indeksi yuqoriligi tufayli dozaga tuzatish kiritish talab qilinmaydi. 

Ambroksolning farmakokinetikasi yosh va jinsga bog‘liq emas, shuning uchun dozalashni o‘zgartirish talab qilinmaydi. 

Ovqat qabul qilish ambroksol gidroxloridining biokiraolishligiga ta’sir qilmaydi. 

30 mg li LOZALVAN® tabletkalari va yo‘talni susaytiruvchi dori vositalarni bir vaqtda qo‘llash yo‘tal refleksini susaytirishi oqibatida, nafas yo‘llarida balg‘amni xavfli to‘planishini keltirib chiqarishi mumkin. Ushbu majmua xavf va foyda nisbati sinchiklab baholangandan keyin buyurilishi kerak. 

Ambroksolni qabul qilayotgan patsiyentlarda ko‘p shaklli eritema, Stivens-Djonson sindromi, toksik epidermal nekroliz, o‘tkir yoyilgan ekzantematozli pustulyoz kabi og‘ir teri reaksiyalarini rivojlanishi haqida xabarlar olingan. 

Agar kuchayuvchi teri toshmalari (ba’zida shilliq qavatlarini pufaklari va shikastlanishini rivojlanishi bilan bog‘liq bo‘lgan) simptomlari yoki belgilari kuzatilsa, ambroksol bilan davolashni darhol to‘xtatish va shifokorga murojaat qilish kerak. 

30 mg li LOZALVAN® tabletkalari bronxial motorikani va juda ko‘p balg‘am ishlab chiqarilishini buzilishi bo‘lgan patsiyentlarda (masalan, kam hollarda uchraydigan birlamchi siliar diskineziya sindromida ham) balg‘amni to‘planishi xavfi bilan bog‘liq bo‘lganida ehtiyotkorlik bilan qo‘llash kerak. 

Buyrak yoki jigar funksiyasini og‘ir buzilishlarida LOZALVAN® ni faqat shifokor bilan maslahatlashgandan keyin qabul qilish kerak. Shu tufayli, dori vositasi jigarda metabolizmga uchraydi va buyrak bilan chiqariladi, buyrak funksiyasini og‘ir buzilishi holatida jigarda ishlab chiqariladigan ambroksolning metabolitlarini to‘planishi sodir bo‘lishi mumkin. 

Bir tabletka 171 mg laktoza saqlaydi, bu maksimal tavsiya etilgan sutkalik dozada 684 mg laktozani tashkil qiladi. 30 mg li LAZOLVAN® tabletkalari kam uchraydigan nasliy galaktozani o‘zlashtiraolmaslik, laktaza tanqisligi yoki glyukoza-galaktozani yomon o‘zlashtiradigan patsiyentlar qabul qilishlari mumkin emas. 

Homiladorlik va laktatsiya davrida qo‘llanilishi 

Homiladorlik 

Ambroksol gidroxloridi yo‘ldosh to‘sig‘i orqali kiradi. Hayvonlarda o‘tkazilgan tadqiqotlar preparat homiladorlikni kechishiga, embrional/fetal rivojlanish, tug‘ruq yoki postnatal rivojlanishga bevosita va bilvosita salbiy ta’sirini aniqlanmagan. 

Preparatni homiladorlikni 28-haftasidan oshganida qo‘llanishini keng klinik tajribasi, homilaga salbiy ta’sir qilishini hech qanday dalillar aniqlamagan. Shu bilan birga, homiladorlik vaqtida har qanday dori vositalarini qo‘llashga tegishli odatdagi ehtiyotkorlik choralariga rioya qilish tavsiya etiladi. Xususan LAZOLVAN® ni homiladorlik birinchi uch oyligi vaqtida qo‘llash tavsiya qilinmaydi. 

Emizish 

Ambroksol hayvonlarda o‘tkazilgan tadqiqotlarda ko‘rsatilganidek, ko‘krak suti bilan organizmdan chiqariladi. LAZOLVAN® ni emizish davrida qo‘llash tavsiya qilinmaydi. 

Fertillik 

Hayvonlarda o‘tkazilgan tadqiqotlar preparatni fertillikka bevosita yoki bilvosita salbiy ta’sir qilishi aniqlanmagan. 

Avtomobilni boshqarish va mexanizmlar bilan ishlash qobiliyatiga ta’siri 

Preparatni avtomobilni boshqarish va mexanizmlar bilan ishlash qobiliyatiga ta’sir etish hollari noma’lum. Ta’sirini o‘rganish bo‘yicha tegishli tadqiqotlar o‘tkazilmagan. 

Odamda dozani oshirib yuborilishining simptomlari ta’riflanmagan. Doza tasodifan oshirib yuborilganida yoki shifokorning xatolarida dozani oshirib yuborish simptomlari, preparatni tavsiya qilingan dozalarda qabul qilishdagi ma’lum nojo‘ya ta’sirlariga mos keladi va simptomatik davolashni o‘tkazish talab etilishi mumkin. 

30°С dan yuqori bo‘lmagan haroratda saqlansin. 

Bolalar ololmaydigan joyda saqlansin. 

3 yil. 

O‘ramida ko‘rsatilgan yaroqlilik muddati tugaganidan keyin ishlatilmasin.