Kyurazit quyidagi holatlarda qo‘llaniladi: - yuqori nafas yo‘llari infeksiyalari: bakterial faringit/tonzillit, sinusit va o‘rta otit; - pastki nafas yo‘llari infeksiyalari: statsionardan tashqari pnevmoniya, bronxit, surunkali obstruktiv o‘pka kasalligining zo‘rayishi; - teri va yumshoq to‘qimalar infeksiyalari: migratsion eritema (Laym kasalligining birinchi bosqichi), ro‘jisli yallig‘lanish, impetigo va ikkilamchi piodermiya; - venerik kasalliklar: negonokokkli va gonokokkli uretrit va servitsit; jinsiy a’zolarning yara kasalliklari (shankr) - Oshqozon va o‘n ikki barmoqli ichak yarasi, Helicobacter pylori infeksiyasi bilan bog‘liq.

Kyurazit azitromitsin, eritromitsin va boshqa har qanday makrolidlar yoki ketolidlarga ma’lum bo‘lgan yuqori sezuvchanligi bo‘lgan bemorlarga kontrendikatsiya qilingan.

Kattalar Infeksiya / Tavsiya etilgan doza / davolash davomiyligi O‘tkir bakterial bronxit, surunkali obstruktiv o‘pka kasalligining zo‘rayishi (yengil yoki o‘rtacha og‘irlikda) - 500 mg bir martalik doza sifatida uch kun davomida. Statsionardan tashqari pnevmoniya, faringit/tonzillit, bronxit va teri hamda teri tuzilmasining asoratsiz infeksiyalari - 500 mg bir marta birinchi kuni, keyin 2-kundan 5-kungacha har kuni 250 mg. O‘tkir bakterial sinusit - 500 mg bir martalik doza sifatida uch kun davomida. Jinsiy a’zolarning yaralari (yumshoq shankr) - 1 g bir martalik doza sifatida. Negonokokkli uretrit va servitsit - 1 g bir martalik doza sifatida. Gonokokkli uretrit va servitsit - 1 g bir martalik doza sifatida.

Kyurazit (azitromitsin) makrolid antibiotiklar guruhi – azalidlar vakili hisoblanadi. Preparat keng ta'sir doirasiga ega. Azitromitsinning ta'sir mexanizmi – bakteriyalarda oqsil sintezini 50S-ribosomal bo'linmasi bilan bog'lanish orqali ingibitsiyalash. Azitromitsin keng doiradagi gram-musbat va gram-manfiy bakteriyalarga nisbatan faol. Gram-musbat kokklar: Streptococcus pneumoniae, Streptococcus pyogenes (A guruhi β-gemolitik streptokokklar), Staphylococcus aureus, Staphylococcus epidermidis. Gram-musbat tayoqchalar: Clostridium perfringens (eritromitsinga nisbatan faolroq); Corynebacterium diphtheriae; Listeria monocytogenes; Bacillus anthracis, Propionobacterium acnes, Nocardia spp. (ba'zi shtammlar). Gram-manfiy mikroorganizmlar: Legionella pneumophila, Campylobacter jejuni va Bordetella pertussis, Haemophilus influenzae (eritromitsin va klaritromitsinga nisbatan faolroq), Haemophilus ducrei, Neisseria gonorrhoeae, Neisseria meningitides, Pasteurella multocida, Borrelia spp., ba'zi Brucella spp. shtammlari, Flavobacterium spp. Escherichia coli ning ko'pchilik shtammlari, Salmonella spp. (S. enterica) turlari, Shigella spp. va Aeromonas spp., Bacteroides fragilis. Mikoplazmalar: Mycoplasma pneumoniae va hominis, Ureaplasma urealyticum; Chlamydia trachomatis, C. pneumoniae; spiroxetalar (Treponema pallidum); Ba'zi gram-manfiy anaeroblar, ba'zi Actinomyces spp. shtammlari, Mycobacterium scrofulaceum va M. kansasii. Eritromitsinga chidamli stafilokokklar, enterokokklar va streptokokklarning ko'pchilik shtammlari, metitsillinga chidamli S. aureus shtammlari azitromitsinga ham chidamli. Pseudomonas aeruginosa, ba'zi Klebsiella spp., Enterobacter spp., Citrobacter spp., Proteus spp., Providencia spp., Morganella spp., Serracia spp. azitromitsinga chidamli.

Dozani oshirib yuborish xiralashgan ko‘rish va qayta infeksiya ehtimolini keltirib chiqarishi mumkin. Agar sizda qayta infeksiya belgilari paydo bo‘lsa, bu haqda shifokorga xabar bering.