Har bir flakon, eritma tayyorlash uchun kukun, quyidagilarni o'z ichiga oladi:
faol moddalari
Sefoperazon natriy steril,
sefoperazonga ekvivalent | 1000 mg.
Sulbaktam natriy steril,
sulbaktamga ekvivalent | 500 mg.
Erituvchi tarkibi:
In'ektsiya uchun steril suv | 10 ml.

Dori quyidagi sezgir patogenlar tomonidan chaqirilgan infeksion-yallig‘lanish kasalliklarini davolash va oldini olish uchun qo‘llaniladi:
- Yuqori va pastki nafas yo‘llari infeksiyalari;
- Siydik chiqarish yo‘llari infeksiyalari;
- Intraabdominal infeksiyalar (peritonit, xoletsistit, xolangit);
- Septitsemiya;
- Menenjit;
- Terining va yumshoq to‘qimalarning infeksiyalari;
- Suyak va bo‘g‘imlarning infeksiyalari;
- Siydik-jinsiy yo‘llar infeksiyalari (kichik tos a’zolarining yallig‘lanish kasalliklari, endometrit, gonoreya).

Penitsillinlarga, sulbaktamga, tsefoperazonga, shu jumladan boshqa beta-laktam antibiotiklarga yuqori sezuvchanlik.

Yurak-qon tomir tizimi: arterial bosimning pasayishi.
Ovqat hazm qilish trakti: diareya, ko'ngil aynishi, qusish, soxta membranoz kolit.
Allergik reaksiyalar: makulopapulyoz toshma, eshakemi, qichishish, Stivens-Djonson sindromi, anafilaktik shok. Reaksiyalar xavfi allergik reaksiyalar tarixi bo'lgan bemorlarda yuqoriroq.
Qon hosil qiluvchi tizim: neyrofillar sonining kamayishi. Uzoq muddatli davolashda qaytariladigan neyropeniya rivojlanadi, gemoglobin va gematokrit miqdorining kamayishi, o'tkinchi eozinofiliya, leyopeniya, trombotsitopeniya, shuningdek, gipoprothrombinemiya, giperkreatininemiya, anemiya, qon ketishlar kuzatiladi.
Laborator ko'rsatkichlar: "jigar" transaminazalari — aspartataminotransferaza (AST), alaninaminotransferaza (ALT), ishqoriy fosfataza, qon zardobida bilirubin, gematuriya faolligining oshishi. Ba'zi bemorlarda davolash vaqtida soxta musbat Kumbs testi kuzatilgan.
Mahalliy reaksiyalar: mushak ichiga yuborilgandan so'ng o'tkinchi og'riq bo'lishi mumkin. Preparat tomir ichiga kateter yordamida yuborilganda infuziya joyida flebit rivojlanishi mumkin.
Boshqalar: bosh og'rig'i, isitma, titroq, vaskulit.

Sefoperazon — uchinchi avlod sefalosporin bo'lib, sezgir mikroorganizmlarga ularning faol ko'payishi davrida hujayra devorining mukopeptid biosintezini bostirish yo'li bilan ta'sir qiladi. Sulbaktam klinik ahamiyatli antibakterial faollikka ega emas (istisno Neisseriaceae va Acinetobacter), u ko'pgina asosiy beta-laktamazalarning qaytmas ingibitori bo'lib, ular beta-laktam antibiotiklarga chidamli mikroorganizmlar tomonidan ishlab chiqariladi. Sulbaktam, shuningdek, ba'zi penitsillin bilan bog'lovchi oqsillar bilan bog'lanadi, shuning uchun sefoperazon va sulbaktam kombinatsiyasi ko'pincha faqat sefoperazonga nisbatan sezgir shtammlarga nisbatan yanada kuchliroq ta'sir ko'rsatadi.

Sulbaktam va sefoperazon kombinatsiyasi sefoperazonga sezgir barcha mikroorganizmlarga nisbatan faol. Bundan tashqari, u turli mikroorganizmlarga, birinchi navbatda: Haemophilus influenzae, Bacteroides spp., Staphylococcus spp., Acinetobacter calcoaceticus, Enterobacter aerogenes, Escherichia coli, Proteus mirabilis, Klebsiella pneumoniae, Morganella morganii, Citrobacter freundii, Enterobacter cloacae, Citrobacter diversus ga nisbatan sinergizmga ega.

Klinik ahamiyatga ega mikroorganizmlarning keng doirasiga nisbatan in vitro faol.

Gram-musbat mikroorganizmlar: Staphylococcus aureus (penitsillinaza ishlab chiqaruvchi va ishlab chiqarmaydigan), Staphylococcus epidermidis, Streptococcus pneumoniae, Streptococcus pyogenes (A guruhi beta-gemolitik streptokokk), Streptococcus agalactiae (B guruhi beta-gemolitik streptokokk), boshqa ko'plab beta-gemolitik streptokokk shtammlari, Streptococcus faecalis.

Gram-manfiy mikroorganizmlar: Klebsiella spp., Enterobacter spp., Citrobacter spp., Proteus vulgaris, Providencia rettgeri, Providencia spp., Serratia spp. (shu jumladan S. marcescens), Salmonella spp., Shigella spp., Pseudomonas aeruginosa, Neisseria gonorrhoeae, Neisseria meningitidis; Bordetella pertussis, Yersinia enterocolitica.

Anaerob mikroorganizmlar: Bacteroides fragilis, Fusobacterium spp., Peptococcus spp., Peptostreptococcus spp., Veillonella spp., Clostridium spp., Eubacterium spp., Lactobacillus spp.

Allergik reaksiyalar paydo bo‘lsa, preparatni bekor qilish va adekvat terapiya tayinlash zarur.
Tsefoperazon bilan davolashda kamdan-kam hollarda vitamin K yetishmovchiligi rivojlanadi. Uning sababi, ehtimol, bu vitaminni sintez qiluvchi ichakning normal mikroflorasining bostirilishi hisoblanadi. Xavf guruhiga to‘liq bo‘lmagan ovqatlanishni oladigan, malabsorbsiya (masalan, mukovistsidozda) bilan og‘rigan va uzoq muddat davomida tomir ichiga sun’iy ovqatlanishda bo‘lgan bemorlar kiradi. Bunday hollarda, shuningdek, antikoagulyantlar qabul qilayotgan bemorlarda protrombin vaqtini nazorat qilish va ko‘rsatmalar mavjud bo‘lsa, vitamin K tayinlash zarur.
Uzoq muddatli davolashda sezgir bo‘lmagan mikroorganizmlarning ortiqcha o‘sishi mumkin. Bemorlarni davolash davomida diqqat bilan kuzatish zarur.
Uzoq muddatli terapiyada ichki organlar funksiyasini, shu jumladan buyrak, jigar va gemopoez tizimini davriy nazorat qilish tavsiya etiladi. Bu, ayniqsa, yangi tug‘ilgan, avvalo muddatidan oldin tug‘ilgan va kichik yoshdagi bolalarni davolashda muhimdir.
Aminoglikozidlarni bir vaqtda qo‘llashda buyrak funksiyasini nazorat qilish zarur.
Jigar yo‘llarining yaqqol obstruksiyasi, og‘ir jigar yetishmovchiligida doza o‘zgartirilishi va tsefoperazon konsentratsiyasini zardobda nazorat qilish zarur (maksimal sutkalik doza — 2 g).
Muddatidan oldin tug‘ilgan yangi tug‘ilganlarni davolash mumkin bo‘lgan foyda potentsial xavfdan ustun bo‘lsa amalga oshiriladi.
Laboratoriya testlari natijalariga ta’siri: Benedikt yoki Feling eritmasi qo‘llanilganda siydikda glyukozaga soxta musbat reaksiya kuzatilishi mumkin. Kumbs testi ham soxta musbat bo‘lishi mumkin.
 
Avtomobil va murakkab mexanizmlarni boshqarish qobiliyatiga ta’siri
Preparat transport vositalarini boshqarish va mexanizmlarga xizmat ko‘rsatish qobiliyatiga ta’sir qilmaydi.