Faol modda: Kolxitsin 1,0 mg Yordamchi modda: Laktoza monogidrat 49,0 mg Saxaroza 20,0 mg Akatsiya qiyomi 4,0 mg Magniy stearat 1,0 mg

O'tkir podagra xurujlari; periodik kasallik (oilaviy O'rta yer dengizi isitmasi).

Faol modda yoki har qanday yordamchi moddalarga yuqori sezuvchanlik; laktoza, fruktoza intoleransi, laktaza, saxaraza/izomaltaza yetishmovchiligi, glyukoza-galaktoza malabsorbsiyasi (tarkibida laktoza, saxaroza mavjud); - o‘tkir yurak yetishmovchiligi, jigar va/yoki buyrak yetishmovchiligi, ovqat hazm qilish tizimining og‘ir buzilishlari, suyak ko‘migi gemopoezining yaqqol susayishi; - kolxitsin buyrak yoki jigar zararlanishi bo‘lgan, P-glikoprotein yoki CYP3A4 fermenti ingibitorlarini qabul qilayotgan bemorlarga kontrendikatsiya qilingan; - homiladorlik va emizish davri; - 18 yoshgacha bo‘lgan bolalar yoshi. Ehtiyotkorlik bilan Kolxitsinni ayniqsa buyrak, ovqat hazm qilish tizimi va yurak kasalliklari bo‘lgan, kaxeksiya bilan og‘rigan, qariyalar va zaiflashgan bemorlarga juda ehtiyotkorlik bilan buyurish kerak. Qandli diabeti bo‘lgan bemorlarga buyurilganda, preparat tarkibida saxaroza va laktoza borligini hisobga olish zarur.

Og'iz orqali qabul qilish uchun. Tabletkani butunligicha yutish yoki bir martalik 0,5 mg doza olish uchun belgilanganga ko'ra yarmiga bo'lish mumkin. O'tkir podagra xurujida 1 mg kolxisin (1 tabletka) qabul qilinadi, so'ngra har 1-2 soatda 0,5-1,5 mg dan og'riq kamayguncha qabul qilinadi. Preparatning kunlik umumiy dozasi 8 mg dan oshmasligi kerak. O'tkir podagra xuruji davolash sxemasi bo'yicha qayta buyurish 3 kundan oldin amalga oshirilmasligi kerak. Podagraning o'tkir xurujlarini oldini olish uchun urikozurik vositalar bilan davolashning dastlabki bir necha oyida 0,5 – 1,5 mg har kuni yoki kun ora (odatda) 3 oy davomida qabul qilinadi.

Nojo'ya hodisalar tez-tezligi quyidagicha tasniflanadi: juda tez-tez (>1/10), tez-tez (>1/100 dan < 1/10 gacha), kamdan-kam (>1/1000 dan < 1/100 gacha), kam (>1/10000 dan < 1/1000 gacha), juda kam (< 1/10000), noma'lum (mavjud ma'lumotlar asosida aniqlab bo'lmaydi). Qon hosil bo'lishi va limfa tizimi tomonidan buzilishlar: Kamdan-kam: leyopeniya. Kam: trombotsitoz, burundan qon ketishi, suyak iligi kasalliklari (aplastik yoki gemolitik anemiya, pansitopeniya, neyropeniya, trombotsitopeniya, agranulositoz). Nerv tizimi tomonidan buzilishlar: Juda kam: periferik motor neyropatiya. Ovqat hazm qilish tizimi tomonidan buzilishlar: Tez-tez: ko'ngil aynishi, qusish, diareya, qorin sohasida og'riq. Noma'lum: profuz diareya, ovqat hazm qilish yo'llaridan qon ketish. Jigar va o't yo'llari tomonidan buzilishlar: Noma'lum: gipertansaminazemiya, jigar shikastlanishi. Buyrak va siydik chiqarish yo'llari tomonidan buzilishlar: Noma'lum: buyrak shikastlanishi. Teri va teri osti yog' qavati tomonidan buzilishlar: Kamdan-kam: alopesiya. Kam: allergik toshma, vezikulyoz-bullez toshma, gemorragik toshma, terining qizarishi, shishlar. Noma'lum: allergik toshma. Skelet mushaklari va biriktiruvchi to'qima tomonidan buzilishlar: Kamdan-kam: miotoniya, mushak zaifligi, miopatiya, mushaklarda og'riq, skelet mushaklarining o'tkir nekrozi. Jinsiy a'zolar va sut bezlari tomonidan buzilishlar: Kam: azoospermiya, oligospermiya.

Podagraga qarshi ta'siri kolxitsinning leykotsitlarning yallig‘lanish o‘chog‘iga migratsiyasini kamaytirishi va siydik kislotasi tuzlarining mikrokristallarini fagotsitozini bostirishi bilan bog‘liq. Shuningdek, u antimitotik ta'sirga ega, hujayra bo‘linishini (to‘liq yoki qisman) anafaza va metafaza bosqichida to‘xtatadi, neyrofillarning degranulyatsiyasini oldini oladi. Amiloid tolalarining hosil bo‘lishini kamaytirib, amiloidoz rivojlanishiga to‘sqinlik qiladi. O‘tkir podagrani bartaraf etishda yuqori samaralidir. Davolashning dastlabki 12 soatida holat bemorlarning 75% dan ortig‘ida sezilarli darajada yaxshilanadi. 80% hollarda klinik yaxshilanishdan oldin yoki bir vaqtda me’da-ichak trakti (MITr) tomonidan nojo‘ya reaksiyalar paydo bo‘lishi mumkin. Kunlik 1-2 mg dozada har kuni qabul qilinganda podagra bilan kasallangan bemorlarning 3/4 qismida takroran o‘tkir xurujlar rivojlanish ehtimolini kamaytiradi. Oilaviy O‘rta yer dengizi isitmasi bilan kasallangan bemorlarda o‘tkir xurujlarni oldini oladi (doamin-beta-gidroksilaza faolligini pasaytiradi). Birlamchi AG-amiloidoz bilan kasallangan bemorlarning umr davomiyligini oshiradi. Tizimli sklerodermiyada teriga ijobiy ta’sir ko‘rsatadi (yumshatadi, quruqlikni kamaytiradi).

Kolxitsin qo‘llanilganda tavsiya etilgan dozalashga qat’iy rioya qilish juda muhim. Davolashni diqqatli gematologik va klinik nazorat ostida o‘tkazish zarur. MITr tomonidan yaqqol nojo‘ya ta’sirlar paydo bo‘lsa, doza kamaytirilishi yoki preparat bekor qilinishi kerak. Leykotsitlar soni 3000/mkl dan past va trombotsitlar soni 100000/mkl dan past bo‘lsa, qabul qilish qon manzarasi normallashguncha to‘xtatiladi. Kolxitsinni keksa va zaiflashgan bemorlarga, ayniqsa buyrak, me’da-ichak trakti va yurak kasalliklari bo‘lganlarga ehtiyotkorlik bilan buyurish kerak. Holsizlik, anoreksiya, ko‘ngil aynishi, qusish yoki diareya paydo bo‘lsa, doza kamaytirilishi yoki bekor qilinishi kerak, chunki bu intoksikatsiyaning dastlabki belgisi bo‘lishi mumkin. Klaritromitsin: kolxitsin va klaritromitsin birga qo‘llanilganda, ayniqsa keksa bemorlarda, kolxitsin toksikligi bo‘yicha ro‘yxatdan o‘tkazilgan holatlar haqida xabar berilgan; bu holatlarning ba’zilari buyrak yetishmovchiligi bo‘lgan bemorlarda kuzatilgan. Ushbu bemorlarning ayrimlarida o‘lim holatlari qayd etilgan. Kolxitsinni klaritromitsin bilan birga qabul qilish zarur bo‘lsa, bemor kolxitsin qabul qilishdan kelib chiqadigan toksiklik klinik simptomlari paydo bo‘lishining oldini olish uchun diqqatli nazorat ostida bo‘lishi kerak. Kolxitsin tarkibida laktoza va saxaroza mavjud: galaktoza, fruktoza intoleransi, laktaza yoki saxaraza-izomaltaza yetishmovchiligi, glyukoza-galaktoza malabsorbsiyasi kabi kam uchraydigan genetik kasalliklardan aziyat chekadigan bemorlar ushbu dori vositasini qabul qilmasliklari kerak. Transport vositalarini, mexanizmlarni boshqarish qobiliyatiga ta’siri Preparat transport vositalarini boshqarish va yuqori diqqat va tez psixomotor reaksiyalar talab qiladigan boshqa potensial xavfli faoliyat turlari bilan shug‘ullanish qobiliyatiga ta’sir qilmaydi.

Ushbu dori vositasini podagra davolash uchun tipik preparatlar bilan birga qo‘llanganda yoki laboratoriya testlari bilan o‘zaro ta’siri haqida ma’lumotlar mavjud emas. Kolxitsin CYP3A4 va P-glikoprotein tashuvchi oqsilining substrati hisoblanadi. CYP3A4 yoki P-glikoprotein ingibitorlari mavjud bo‘lsa, kolxitsin qonidagi konsentratsiyasi oshishi mumkin. Kolxitsin va sitoxrom P450 3A4 (CYP3A4) yoki P-glikoprotein (P-gp) ingibitorlarini bir vaqtda qo‘llashda kolxitsinning potentsial toksikligi xavfi mavjud. Kolxitsinni siklosporin, HMG-CoA-reduktaza ingibitorlari (statinlar), fibratlar, ketokonazol, ayrim anti-VICH preparatlari, makrolid antibiotiklar, tsimetidin, verapamil, diltiazem, ranolazin, digoksin, katta miqdorda greyfrut sharbati (1000 ml/kun) va boshqa CYP3A4 yoki P-glikoprotein ingibitorlari, ayniqsa buyrak yetishmovchiligi bo‘lgan bemorlarda, suyak ko‘migi buzilishlari, agranulotsitoz, neyromiopatiya, miopatiyalar yoki rabdomioliz va boshqa nojo‘ya ta’sirlar, shuningdek, kolxitsinning yuqori, hayot uchun xavfli darajasiga olib kelishi mumkin. Kolxitsin va kuchli P-glikoprotein hamda CYP3A4 ingibitorlarini birga qabul qilgan bemorlarda hayot uchun xavfli va o‘limga olib keluvchi dori o‘zaro ta’sirlari qayd etilgan. Agar P-glikoprotein yoki kuchli CYP3A4 ingibitorini qo‘llash zarur bo‘lsa, buyrak yoki jigar funksiyasi normal bo‘lgan bemorlarda kolxitsin dozasini tuzatish talab qilinishi mumkin. Aynan shu izoferment CYP3A bilan metabolizmlanadigan asosiy preparatlar yoki preparatlar sinfiga alprazolam, peroral antikoagulyantlar (masalan, varfarin), astemizol, karbamazepin, tsilostazol, tsizaprid, klaritromitsin, telitromitsin, siklosporin, dizopiramid, ergot alkaloidlari, lovastatin, metilprednizolon, midazolam, omeprazol, pimozid, xinin, rifabutin, rifapentin, sildenafi, simvastatin, takrolimus, terfenadin, triazolam, vinblastin, ritonavir, atazanavir, indinavir, sakvinavir, efavirenz, nevirapin yoki zidovudin kiradi. Boshqa preparatlar, xuddi shunday mexanizm orqali sitoxrom P450 tizimining boshqa izofermentlari orqali o‘zaro ta’sir qiluvchi, fenitoin, teofillin, valproat va fenobarbital hisoblanadi. P-gp ingibitorlari (masalan, amiodaron, verapamil, xinin, ketokonazol, dronedaron, klaritromitsin va tikagrelor) bilan birga qo‘llanganda kolxitsin plazmadagi konsentratsiyasi oshadi. Ketokonazol, ritonavir, verapamil va diltiazemning bir martalik dozasi bilan kolxitsin plazmadagi darajasi oshgani haqida xabar berilgan. P-glikoprotein ingibitorlari yoki kuchli CYP3A4 ingibitorlari. Kolxitsin buyrak yoki jigar funksiyasi buzilgan va P-glikoprotein yoki kuchli CYP3A4 ingibitorlarini qabul qilayotgan bemorlarga kontrendikatsiyalangan. Makrolidlar (masalan, klaritromitsin va eritromitsin), CYP3A4 ingibitorlari kabi, buyrak yoki jigar funksiyasi buzilgan va kolxitsin qabul qilayotgan bemorlarni davolash uchun qo‘llanmasligi kerak. Kolxitsin va eritromitsin/ klaritromitsinni bir vaqtda qo‘llash bunday bemorlarga kontrendikatsiyalangan. Buyrak va jigar funksiyasi normal bo‘lgan bemorlarga P-glikoprotein yoki kuchli CYP3A4 ingibitorini davolash uchun qo‘llash zarur bo‘lsa, kolxitsin dozasini kamaytirish yoki vaqtincha to‘xtatish tavsiya etiladi (qarang «Qo‘llash xususiyatlari» bo‘limi). Statinlar. Statinlarni bir vaqtda qabul qilgan bemorlarda rabdomioliz holatlari haqida xabar berilgan. Bemorlar mushak og‘rig‘i va zaiflik haqida xabar berishlari tavsiya etiladi. Atorvastatin, simvastatin, pravastatin, fluvastatin, gemfibrozil yoki fibratlar (miotoksiklik bilan bog‘liq) va siklosporinni kolxitsin bilan birga qo‘llash miopatiyaga olib kelishi mumkin. Simptomlar odatda bekor qilingandan so‘ng 1 haftadan bir necha oygacha bo‘lgan davrda yo‘qoladi. Kolxitsin vitamin B12 ning so‘rilishini yomonlashtirishi mumkin.

Dozalashni oshirib yuborish va dori vositalari bo‘yicha tavsiyalarga rioya qilmaslik zaharlanishga olib kelishi mumkin, bu kuchli og‘riq bilan kechadi va o‘limga olib kelishi mumkin. Kolxitsin tor terapevtik diapazonga ega va dozani oshirib yuborishda nihoyatda toksik hisoblanadi. Buyrak yoki jigar faoliyati buzilgan bemorlar, me’da-ichak yoki yurak kasalliklari bo‘lgan bemorlar va keksalar toksiklik xavfi yuqori bo‘lgan guruhga kiradi. Kolxitsin bilan dozani oshirib yuborish holatida, hatto erta simptomlar bo‘lmasa ham, bemorlar darhol tibbiy ko‘rikdan o‘tishlari kerak. O‘tkir intoksikatsiya kattalarda taxminan 20 mg (20 tabletka) kolxitsin va bolalarda 5 mg (5 tabletka) qabul qilgandan so‘ng yuzaga kelishi mumkin. Surunkali intoksikatsiya podagra bilan og‘rigan bemorlarda bir necha kun davomida 10 mg yoki undan ortiq doza qabul qilganda yuzaga kelishi mumkin. Kolxitsin mitozni bostirganligi sababli, ko‘proq proliferatsiya tezligiga ega organlar ko‘proq zararlanadi. Simptomlar Kolxitsinning aniq toksik doza miqdori noma’lum. 4 kun davomida 7 mg kolxitsin qabul qilingandan so‘ng o‘lim holatlari qayd etilgan, boshqa bemorlar esa 60 mg dan ortiq doza qabul qilgandan so‘ng tirik qolgan. 150 bemor ishtirokida o‘tkazilgan kolxitsin bilan dozani oshirib yuborish bo‘yicha tahlil shuni ko‘rsatdiki, 0,5 mg/kg dan kam doza qabul qilganlar tirik qolgan va yengil toksiklik (me’da-ichak buzilishlari) kuzatilgan, 0,5 mg dan 0,8 mg/kg gacha doza qabul qilganlarda esa mielosupressiya kabi jiddiy reaksiyalar bo‘lgan. 0,8 mg/kg dan ortiq doza qabul qilganlarda 100% o‘lim qayd etilgan. Kolxitsin bilan o‘tkir zaharlanishning birinchi bosqichi qabul qilingandan so‘ng 24 soat ichida boshlanadi va me’da-ichak buzilishlari, masalan, suvsizlanish, qorin og‘rig‘i, gemorragik gastroenterit, gipovolemiya, diareya, ko‘ngil aynishi va qusish, elektrolit disbalansi, leykotsitoz va og‘ir holatlarda bosimning pasayishi bilan kechadi. Ikkinchi bosqichda, 24 soatdan 72 soatgacha bo‘lgan davrda, hayot uchun xavfli asoratlar, masalan, ko‘p organ yetishmovchiligi, o‘tkir buyrak yetishmovchiligi, ongning chalkashishi, koma, periferik motor va sensor neyropatiya, miokard depressiyasi, pansitopeniya, aritmiya, nafas yetishmovchiligi, koagulopatiya kabi simptomlar kuzatilishi mumkin. O‘lim nafas va yurak-qon tomir yetishmovchiligi natijasida yuzaga kelishi mumkin. Agar bemor tirik qolsa, zararlangan organlarning tiklanishi leykotsitoz va alopetsiyaning qaytishi bilan kechishi mumkin, bu birlamchi dozani oshirib yuborishdan 1 hafta o‘tib boshlanadi. Terapiyasi Antidoti mavjud emas. Kolxitsin bilan dozani oshirib yuborish holatida, dori qabul qilingandan so‘ng 60 daqiqa ichida oshqozonni yuvish va faollashtirilgan ko‘mir qabul qilish tavsiya etiladi. Diareyani davolash shart emas, chunki najas kolxitsinni chiqarib yuborishning asosiy yo‘li hisoblanadi. Kattalarda qusishni chaqirish mumkin, masalan, iliq gipertonik natriy xlorid eritmasi (1 stakan suvga 2-3 choy qoshiq) yoki apomorfin (0,1-0,15 mg/kg tana vazniga) yordamida. 6 yoshgacha bo‘lgan bolalarda qusishni chaqirish uchun 100-200 ml sharbatga 1 osh qoshiq ipekakuana siropi qo‘shiladi, so‘ngra oshqozon yuviladi va faollashtirilgan ko‘mir qayta yoki doimiy qabul qilinadi. Gemodializ samarasiz (tarqalish hajmi katta bo‘lgani uchun). Davolash asosan simptomatik va yordamchi (nafasni nazorat qilish, arterial bosim va qon aylanishini qo‘llab-quvvatlash, suyuqlik va elektrolit muvozanatini tuzatish). Og‘riqni bartaraf etish uchun analgetiklarni ehtiyotkorlik bilan qo‘llash va zarurat tug‘ilganda atropin, shuningdek, benzodiazepinlar, papaverin yoki tanalbin qo‘llanilishi mumkin. Yurak faoliyatini qo‘llab-quvvatlash uchun digoksin buyurilishi mumkin. Antibiotiklar bilan profilaktik davolash tavsiya etiladi. Orqa miya suyuqligi bosimi oshganda deksametazon ko‘rsatilgan. Shuningdek, lumbal punktsiya o‘tkazilishi mumkin. Kislorod respiratori yoki sun’iy nafas oldirish zarurati yuzaga kelishi mumkin. Opiatlarni qo‘llash mumkin emas! Gemodinamik, yurak va nafas ko‘rsatkichlari, shuningdek, qondagi elektrolitlar darajasini diqqat bilan kuzatish va nazorat qilish kerak.