Arterial gipertenziya (zarur bo'lganda perindopril/indapamid va amlodipin bilan birgalikda davolash).

Amlodipingа va boshqa digidropiridin hosilalariga, indapamidga va boshqa sulfonamid hosilalariga, perindoprilga va boshqa AYeF ingibitorlariga, shuningdek, preparat tarkibiga kiruvchi yordamchi moddalarga yuqori sezuvchanlik. • AYeF ingibitorlarini qabul qilish bilan bog‘liq bo‘lgan angionevrotik shish (Kvinke shishi) anamnezda. • Irsiy/idiopatik angionevrotik shish. • Og‘ir arterial gipotenziya. • Shok, shu jumladan kardiogen shok. • Chap qorincha chiqish yo‘lining obstruksiyasi (masalan, yaqqol aortal stenoz). • O‘tkir miokard infarktusidan keyingi gemodinamik jihatdan beqaror yurak yetishmovchiligi. • Og‘ir jigar yetishmovchiligi, shu jumladan jigar ensefalopatiyasi. • Gipokaliemiya. • Polimorf qorinchali aritmiya «piruet» turini chaqirishi mumkin bo‘lgan dori vositalari bilan bir vaqtda qo‘llash (qarang bo‘lim «Boshqa dori vositalari bilan dori vositalari o‘zaro ta’siri»). • Og‘ir buyrak yetishmovchiligi (KK 30 ml/min dan kam). 8 mg/5 mg/2,5 mg va 8 mg/10 mg/2,5 mg dozalari KK 60 ml/min dan kam bo‘lgan bemorlarga kontrendikatsiyalangan. • Homiladorlik va emizish davri (qarang bo‘lim «Homiladorlik va emizish davri»). • 18 yoshgacha bo‘lgan yosh (samaradorlik va xavfsizlik aniqlanmagan). Yetarli klinik tajriba yo‘qligini hisobga olib, gemodializda bo‘lgan bemorlarda, shuningdek, davolanmagan dekompensatsiyalangan yurak yetishmovchiligi bo‘lgan bemorlarda qo‘llash tavsiya etilmaydi.

Ko-Amlyessa preparatining maksimal sutkalik doza miqdori 8 mg perindopril/10 mg amlodipin/2,5 mg indapamidni tashkil etadi. Keksalar va buyrak funksiyasi buzilgan bemorlar Perindoprilatning chiqarilishi keksalar va buyrak yetishmovchiligi bo‘lgan bemorlarda sekinlashadi. Shuning uchun bunday bemorlarda kreatinin konsentratsiyasi va plazmadagi kaliy miqdorini muntazam nazorat qilish zarur. Og‘ir buyrak yetishmovchiligi bo‘lgan bemorlarda (KK 30 ml/min dan past) Ko-Amlyessa bilan davolash kontraindikatsiyalangan. Og‘ir va o‘rtacha darajadagi buyrak yetishmovchiligi bo‘lgan bemorlarda (kreatinin klirensi 60 ml/min dan past) Ko-Amlyessa preparatining 8mg/5mg/2,5mg va 8mg/10mg/2,5mg dozalarini qo‘llash kontraindikatsiyalangan. Ko-Amlyessa preparati KK 60 ml/min ga teng yoki undan yuqori bo‘lgan bemorlarda qo‘llanilishi mumkin. Bunday bemorlarga perindopril, amlodipin, indapamid dozalari individual tarzda tanlanishi tavsiya etiladi. Plazmadagi amlodipin konsentratsiyasining o‘zgarishi buyrak yetishmovchiligi darajasi bilan bog‘liq emas. Jigar funksiyasi buzilgan bemorlar Preparat og‘ir jigar yetishmovchiligi bo‘lgan bemorlarga kontraindikatsiyalangan. Preparatni o‘rtacha darajadagi jigar funksiyasi buzilgan bemorlarga buyurishda ehtiyotkorlikka rioya qilish lozim, chunki bunday bemorlarda preparat dozalash bo‘yicha tavsiyalar mavjud emas. Pediatriyada qo‘llanilishi Ko-Amlyessa preparatini 18 yoshgacha bo‘lgan bolalar va o‘smirlarga buyurish tavsiya etilmaydi, chunki samaradorligi va xavfsizligi bo‘yicha ma’lumotlar mavjud emas.

bosh aylanishi, bosh og'rig'i, paresteziya, vertigo, uyquchanlik, ko'rish buzilishlari, quloqlarda shovqin, yurak urishini his qilish, gipermiya, arterial gipotenziya (va unga bog'liq ta'sirlar), yo'tal, nafas qisilishi, O'ZQ (qorin og'rig'i, ich qotishi, diareya, disgeziya, qusish, dispepsiya, qusish), qichish, toshma, jumladan makulo-papulyar, spazmlar, oyoq bilagida shish, asteniya, shish va ortiqcha charchoq.