- Klin­damitsin, linkomitsin yoki preparatning boshqa komponentlariga yuqori sezuvchanlik

- Kron kasalligi, yarali kolit, antibiotiklar qoʻllanilishi bilan bogʻliq kolit anamnezda.

Infeksiyalar va invaziyalar: tez-tez – vaginal kandidoz; kamdan-kam – zamburug‘li infeksiyalar, pielonefritlar, vaginit/vaginal infeksiyalar, kandidoz.

Immun tizimi tomonidan buzilishlar: juda noyob – allergik reaksiyalar (terida toshma, eshakemi, umumiy shish).

Nerv tizimi tomonidan buzilishlar: kamdan-kam – bosh og‘rig‘i.

Ovqat hazm qilish tizimi tomonidan buzilishlar: kamdan-kam – qorin sohasida spazmlar, diareya, ko‘ngil aynishi, qorin sohasida lokal og‘riqlar, qusish; juda noyob – soxta membranoz kolit.

Teri va teri osti to‘qimalari tomonidan buzilishlar: kamdan-kam – teri qichishishi, toshma.

Buyrak va siydik chiqarish yo‘llari tomonidan buzilishlar: kamdan-kam – dizuriya.

Reproduktiv tizim va sut bezlari tomonidan buzilishlar: tez-tez – vulvovaginal buzilishlar, vaginal og‘riqlar; kamdan-kam – hayz ko‘rish siklining buzilishi, vaginal ajralmalar.

Umumiy buzilishlar va yuborish joyidagi reaksiyalar: kamdan-kam – yuborish joyida og‘riq va qichishish, tana haroratining ko‘tarilishi, umumiy og‘riqlar, lokal shish.

In vitro sharoitida klindamitsin va eritromitsin o‘rtasida antagonizm namoyon bo‘ldi. Shuning uchun, ushbu antagonizmning mumkin bo‘lgan klinik ahamiyati tufayli, ushbu preparatlar bir vaqtda qo‘llanilmasligi kerak.

Klindamitsin periferik ta’sirli miorelaksantlarning ta’sirini kuchaytirishi mumkin.

Aniqlanishicha, klindamitsin nerv-mushak uzatishini buzadi, boshqa nerv-mushak blokatorlarining ta’sirini kuchaytirishi mumkin. Shuning uchun, ushbu guruh preparatlarini qabul qilayotgan bemorlarda preparatni ehtiyotkorlik bilan qo‘llash kerak.

Klindamitsinni vitamin K antagonistlari (masalan, varfarin, atsenokumarol va fluindion) bilan birga qabul qilgan bemorlarda qon ivish ko‘rsatkichlari (PV/MNO) va/yoki qon ketish holatlari oshgani haqida xabar berilgan. Shuning uchun, vitamin K antagonistlarini bir vaqtda qabul qilayotgan bemorlarda qon ivish ko‘rsatkichlarini tez-tez nazorat qilish kerak.

Vaginal qo‘llash uchun boshqa preparatlar bilan birga qo‘llash tavsiya etilmaydi.

Preparatning katta miqdori tasodifan ichga qabul qilinganda, terapevtik dozada peroral klindamitsin qabul qilgandan keyin yuzaga keladigan tizimli ta’sirlar paydo bo‘lishi mumkin.