1 tabletkada quyidagilar mavjud: faol modda: loratadin 10 mg; yordamchi modda: laktosa monogidrat 71,3 mg, makkajo'xori kraxmali 18 mg, magniy stearati 0,7 mg.

Mavsumiy (pollinoz) va yil davomida davom etuvchi allergik rinitlar va allergik kon'yunktivit – ushbu kasalliklar bilan bog'liq simptomlarni bartaraf etish – aksirish, burun shilliq qavatining qichishishi, rinoreya, ko'zlarda achishish va qichishish hissi, ko'z yoshlanishi. Surunkali idiopatik eshakemi

Loratadinga yoki preparatning boshqa har qanday komponentiga o‘ta sezuvchanlik yoki intolerantlik. 3 yoshgacha bo‘lgan bolalar va tana vazni 30 kg dan kam bo‘lganlar. Emizish davri. Kam uchraydigan irsiy kasalliklari bo‘lgan bemorlarga (galaktozani o‘zlashtira olmaslik, Lapp laktaza yetishmovchiligi yoki glyukoza-galaktoza malabsorbsiyasi).

Og‘iz orqali, ovqat qabul qilish vaqtiga bog‘liq holda. Kattalar, shu jumladan qariyalar va 12 yoshdan katta o‘smirlarga Klaritin® dori vositasini 10 mg (1 tabletka) 1 marta kuniga qabul qilish tavsiya etiladi. Preparatni qariyalar va surunkali buyrak yetishmovchiligi bo‘lgan bemorlarda qo‘llashda doza tuzatish talab qilinmaydi. 3 yoshdan 12 yoshgacha bo‘lgan bolalarga tana vazni 30 kg dan ortiq bo‘lsa – 10 mg (1 tabletka) 1 marta kuniga. Kattalar va bolalarga tana vazni 30 kg dan ortiq bo‘lsa va jigar faoliyati og‘ir buzilgan hollarda boshlang‘ich doza 10 mg (1 tabletka) har ikki kunda bir marta bo‘lishi kerak.

2 dan 12 yoshgacha bo'lgan bolalar ishtirok etgan klinik tadqiqotlarda, Klaritin® dori vositasini plasebo ("bo'sh dori") guruhiga qaraganda ko'proq qabul qilgan bolalarda bosh og'rig'i (2,7 %), nervozlik (2,3 %), charchoq (1 %) kuzatilgan. Kattalar ishtirok etgan klinik tadqiqotlarda nojo'ya hodisalar plasebo qo'llanilgandagi holatlarga qaraganda 2 % bemorlarda, Klaritin® dori vositasini qabul qilganlarda ko'proq uchraydi. Kattalarda Klaritin® dori vositasini plasebo guruhiga qaraganda ko'proq qabul qilganlarda bosh og'rig'i (0,6 %), uyquchanlik (1,2 %), ishtahaning oshishi (0,5 %) va insomniya (0,1 %) kuzatilgan. Jahon sog'liqni saqlash tashkiloti (JSST) ma'lumotlariga ko'ra, nojo'ya ta'sirlar ularning rivojlanish chastotasi bo'yicha quyidagicha tasniflangan: juda tez-tez (≥ 1/10), tez-tez (≥ 1/100 dan < 1/10 gacha), kamdan-kam (≥ 1/1000 dan < 1/100 gacha), juda kam (≥ 1/10000 dan < 1/1000 gacha), juda juda kam (< 1/10000); chastotasi noma'lum – mavjud ma'lumotlarga ko'ra, chastotani aniqlash imkoni bo'lmagan. Nojo'ya hodisalar haqida ma'lumot post-registratsiya davrida kuzatish natijalariga ko'ra taqdim etilgan. Immun tizimidan: juda kam – allergik reaksiyalar (angionevrotik shish, anafilaksi). Nerv tizimidan: juda kam – bosh aylanishi, spazmlar. Yurak-qon tomir tizimidan: juda kam – takikardiya, yurak urishi. Ovqat hazm qilish tizimidan: juda kam – og'izda quruqlik, qayt qilish, gastrit. Jigar va safro chiqarish yo'llaridan: juda kam – jigar funksiyasining buzilishi. Teridan va teri osti to'qimalaridan: juda kam – toshma, alopesiya. Umumiy buzilishlar: juda kam – charchoq.

Farmakokinetika: Loratadin me'da-ichak yo'lidan tez va yaxshi so'riladi. Loratadinning plazmadagi maksimal konsentratsiyasiga (Tmax) erishish vaqti 1-1,5 soat, uning faol metaboliti dezloratadinning esa 1,5-3,7 soatni tashkil etadi. Ovqat qabul qilish loratadin va dezloratadinning maksimal konsentratsiyasiga (Tmax) erishish vaqtini taxminan 1 soatga oshiradi, biroq dori vositasining samaradorligiga ta'sir qilmaydi. Loratadin va dezloratadinning maksimal konsentratsiyasi (Cmax) ovqat qabul qilishga bog'liq emas. Surunkali buyrak kasalliklari bo'lgan bemorlarda loratadin va uning faol metabolitining maksimal konsentratsiyasi (Cmax) va "konsentratsiya-vaqt" ostidagi maydon (AUC) buyrak funksiyasi normal bo'lgan bemorlarga nisbatan oshadi. Loratadin va uning faol metabolitining yarim chiqarilish davri bu holatda sog'lom bemorlarnikidan farq qilmaydi. Spirtli ichimliklar bilan bog'liq jigar shikastlanishi bo'lgan bemorlarda loratadinning Cmax va AUC ko'rsatkichlari jigar funksiyasi normal bo'lgan bemorlarga nisbatan ikki baravar oshadi, shu bilan birga uning faol metabolitining farmakokinetikasi sezilarli darajada o'zgarmaydi. Loratadin yuqori darajada (97-99 %), uning faol metaboliti esa o'rtacha darajada (73-76 %) plazma oqsillari bilan bog'lanadi. Loratadin dezloratadinga sitoxrom P450 3A4 tizimi orqali va kamroq darajada sitoxrom P450 2D6 tizimi orqali metabolizatsiyalanadi. Buyraklar orqali (og'iz orqali qabul qilingan dozaning taxminan 40 %) va ichak orqali (og'iz orqali qabul qilingan dozaning taxminan 42 %) 10 kundan ortiq vaqt davomida, asosan kon'yugatsiyalangan metabolitlar shaklida chiqariladi. Og'iz orqali qabul qilingan dozaning taxminan 27 % dori vositasi qabul qilinganidan keyin 24 soat ichida buyraklar orqali chiqariladi. Faol moddaning 1 % dan kamrog'i dori vositasi qabul qilinganidan keyin 24 soat ichida buyraklar orqali o'zgarmagan holda chiqariladi. Loratadin va uning faol metabolitining biologik mavjudligi doza bog'liq xususiyatga ega. Loratadin va uning faol metabolitining farmakokinetik profillari kattalar va keksalar sog'lom ko'ngillilarda taqqoslanarli bo'lgan. Loratadinning yarim chiqarilish davri 3 dan 20 soatgacha (o'rtacha 8,4 soat), dezloratadinning esa 8,8 dan 92 soatgacha (o'rtacha 28 soat); keksalarda mos ravishda 6,7 dan 37 soatgacha (o'rtacha 18,2 soat) va 11 dan 39 soatgacha (o'rtacha 17,5 soat). Yarim chiqarilish davri spirtli ichimliklar bilan bog'liq jigar shikastlanishida (kasallik og'irligiga qarab) oshadi va surunkali buyrak yetishmovchiligi mavjud bo'lsa o'zgarmaydi. Surunkali buyrak yetishmovchiligi bo'lgan bemorlarda gemodializ o'tkazish loratadin va uning faol metabolitining farmakokinetikasiga ta'sir qilmaydi. Farmakodinamika: Loratadin – Klaritin® dori vositasining faol moddasidir, uch halqali birikma bo'lib, aniq antihistamin ta'sirga ega va periferik N1-gistamin retseptorlarining selektiv blokatori hisoblanadi. Tez va uzoq davom etuvchi antiallergik ta'sirga ega. Ta'sir boshlanishi – Klaritin® dori vositasi og'iz orqali qabul qilingandan keyin 30 daqiqa ichida. Antigistamin ta'sir maksimal darajaga ta'sir boshlanishidan 8-12 soat o'tgach yetadi va 24 soatdan ortiq davom etadi. Loratadin gematoensefalik to'siqdan o'tmaydi va markaziy asab tizimiga ta'sir qilmaydi. Klinik jihatdan ahamiyatli antixolinergik yoki sedativ ta'sir ko'rsatmaydi, ya'ni tavsiya etilgan dozalarda uyquchanlik chaqirmaydi va psixomotor reaksiyalar tezligiga ta'sir qilmaydi. Klaritin® dori vositasini qabul qilish EKGda QT intervalining uzayishiga olib kelmaydi. Uzoq muddatli davolashda hayotiy muhim funksiyalar ko'rsatkichlari, fizik tekshiruv ma'lumotlari, laboratoriya tadqiqotlari yoki elektrokardiografiya natijalarida klinik jihatdan ahamiyatli o'zgarishlar kuzatilmagan. Loratadin N2-gistamin retseptorlariga nisbatan ahamiyatli selektivlikka ega emas. Noradrenalin qayta qabul qilinishini inhibe qilmaydi va yurak-qon tomir tizimi yoki ritm haydovchisi funksiyasiga deyarli ta'sir qilmaydi.

Oziq-ovqat qabul qilinishi Klaritin® dori vositasining samaradorligiga ta'sir qilmaydi. Klaritin® dori vositasi alkogolning markaziy asab tizimiga ta'sirini kuchaytirmaydi. Barcha ma'lum CYP3A4 yoki CYP2D6 ingibitorlari bilan potentsial o'zaro ta'sir bo'lishi mumkin, bu loratadin darajasining qon plazmasida oshishiga va nojo'ya ta'sirlar xavfining ortishiga olib keladi. Loratadinni ketokonazol va eritromitsin (CYP3A4 izofermenti ingibitorlari) yoki simetidin (CYP3A4 va CYP2D6 izofermentlari ingibitori) bilan birga qabul qilganda loratadinning plazmadagi konsentratsiyasi oshishi kuzatilgan, biroq bu oshish klinik jihatdan ahamiyatli bo'lmagan, shu jumladan elektrokardiografiya ma'lumotlariga ko'ra ham. Jigar metabolizmini susaytiruvchi preparatlar bilan bir vaqtda qo'llanganda ehtiyotkorlikka rioya qilish lozim.

Siptomlari: uyquchanlik, taxikardiya, bosh og'rig'i. Dozani oshirib yuborishda darhol shifokorga murojaat qilish kerak. Davolash: simptomatik va yordamchi terapiya. Oshqozonni yuvish, adsorbentlar (maydalangan faollashtirilgan ko'mir suv bilan) qabul qilish mumkin. Loratadin gemodializ yordamida chiqarilmaydi. Shoshilinch yordam ko'rsatilgandan so'ng bemor holatini kuzatishda davom etish zarur.