1 ml eritma tarkibida: faol modda: levokarnitin - 300 mg; yordamchi moddalari: limon kislotasi monogidrat 1,2 mg, metilparagidroksibenzoat 0,5 mg, propilparagidroksibenzoat 0,2 mg, tozalangan suv 1 ml gacha.

Preparat kompleks davolash tarkibida qo'llaniladi: intensiv jismoniy yuklamalar va psixoemotsional yuklamalar: ish qobiliyatini, bardoshlilikni oshirish, charchoqlikni kamaytirish uchun, shu jumladan, keksalarda; kasalliklar va jarrohlik aralashuvlaridan, shikastlanishlardan keyingi reabilitatsiya davrida, shu jumladan, to'qimalar regeneratsiyasini tezlashtirish uchun; sekretor funksiyasi pasaygan surunkali gastrit va surunkali pankreatitning kompleks davolashida; terining kasalliklari (psoriaz, seborey ekzema, o'choqli sklerodermiya va diskoid qizil volchanka)ning kompleks davolashida; yengil darajadagi gipertireozda; bosh miya tomir, toksik va travmatik shikastlanishlarida nevrologik namoyonlar; nerv anoreksiya sindromi; karnitin yetishmovchiligi yoki uning oshgan yo'qotilishi bilan kechadigan kasalliklar (miopatiya, kardiomiopatiya, mitoxondrial kasalliklar, mitoxondrial yetishmovchilik bilan kechadigan irsiy kasalliklar)da uning yetishmovchiligini to'ldirish uchun kompleks davolash tarkibida; pediatriya amaliyotida (3 yoshgacha bo'lgan bolalarni shifokor nazorati ostida davolash): muddatidan oldin tug'ilgan chaqaloqlarni parvarish qilishda, tug'ruq jarohati yoki asfiksiya o'tkazgan yangi tug'ilgan chaqaloqlarda; sust so'rish refleksi va tana vaznining past o'sishi bo'lgan bolalarda; mushak tonusi pasaygan, harakat va psixik funksiyalari yetarli rivojlanmagan bolalarda, shuningdek, ushbu buzilishlarning oldini olish maqsadida "xavf guruhi" bolalarida, o'sishning orqada qolishi va tana vaznining yetishmasligi bo'lgan 16 yoshgacha bo'lgan bolalar va o'smirlarda; kattalarda sport tibbiyotida va intensiv mashg'ulotlarda (mashg'ulot jarayonida aerob samaradorlikni oshirishda): tezlik-va kuch ko'rsatkichlarini va harakatlarni muvofiqlashtirishni yaxshilash, mushak massasini oshirish va tana yog' massasini kamaytirish, mashg'ulotdan keyingi sindromning oldini olish (jismoniy yuklamalardan keyin tiklanish jarayonlarini tezlashtirish), shikastlanishlarda mushaklarning regeneratsiyasini tezlashtirish maqsadida.

levokarnitinga yuqori sezuvchanlik; homiladorlik, emizish davri; 18 yoshgacha (og‘iz orqali qabul qilish uchun). Ehtiyotkorlik bilan: qandli diabetda.

Preparat kompleks davolash tarkibida qo'llaniladi. Og'iz orqali ovqatdan 30 daqiqa oldin, qo'shimcha ravishda suyuqlik bilan suyultirib qabul qilinadi. Uzoq davom etadigan jismoniy va psixoemotsional zo'riqishlarda: 0,75 g (1/2 o'lchov qoshiq yoki 2,5 ml) kuniga 3 marta, 2,25 g (1,5 o'lchov qoshiq yoki 7,5 ml) kuniga 2-3 marta. Nerv anoreksiyasida, shuningdek, kasalliklar va jarrohlik aralashuvlaridan va jarohatlardan keyingi reabilitatsiya davrida: 1,5 g (1 o'lchov qoshiq yoki 5 ml) kuniga 2 marta. Davolash kursi 1-2 oy davomida. Surunkali gastrit va surunkali pankreatitning sekretor funksiyasi pasayganida kompleks davolashda: 0,375 g (1/4 o'lchov qoshiq yoki 1,25 ml) kuniga 2 marta. Davolash kursi 1-1,5 oy davomida. Terining kasalliklarini davolash uchun: 0,75 g (1/2 o'lchov qoshiq yoki 2,5 ml). Davolash kursi 2-4 hafta davomida. Yengil darajadagi gipertireozda: 0,25 g (13 tomchi) kuniga 2-3 marta. Davolash kursi 20 kun. Davolash kursi 1-2 oylik tanaffusdan so'ng takrorlanadi yoki 3 oy davomida tanaffussiz buyuriladi. Bosh miyaning tomirli, toksik va travmatik shikastlanishlarida: 0,75 g (1/2 o'lchov qoshiq yoki 2,5 ml) sutkada. Davolash kursi 3-5 kun davomida. Zarur bo'lsa, 12-14 kundan so'ng takroriy kurs buyuriladi. Karnitin yetishmovchiligi bilan kechadigan kasalliklarda (birlamchi va ikkilamchi karnitin yetishmovchiligi): tana vazniga 50-100 mg/kg (2-5 tomchi/kg) kuniga 2-3 marta. Davolash kursi 3-4 oy davomida. Bolalarga shirin taomlarga (kissel, kompot, sharbatlar) qo'shimcha sifatida buyuriladi. 3 yoshgacha bo'lgan bolalarda doza davolovchi shifokor tomonidan belgilanadi. 3 dan 6 yoshgacha bir martalik doza 0,1 g (5 tomchi) kuniga 2-3 marta, sutkalik doza 0,2-0,3 g (11-16 tomchi). Davolash kursi 1 oy. 6 dan 12 yoshgacha bo'lgan bolalarga bir martalik doza 0,2-0,3 g (11-16 tomchi) kuniga 2-3 marta, sutkalik doza 0,4-0,9 g (22-48 tomchi). Davolash kursi kamida 1 oy. O'sishning kechikishi holatida: 0,25 g (13 tomchi) kuniga 2-3 marta. Davolash kursi - 20 kun. Davolash kursi 1-2 oylik tanaffusdan so'ng takrorlanadi yoki 3 oy davomida tanaffussiz buyuriladi. Sport tibbiyotida va intensiv mashg'ulotlarda: 2,5 g 1-3 marta kuniga (sutkalik doza 2,5-7,5 g); davolash maqsadida qo'llanilganda - 70-100 mg/kg/sut (5-7,5 g/sut). Qabul qilish kurslari: musobaqa oldi davrda 3-4 hafta. Mashg'ulot davrida 6-8 haftagacha.

Nerv tizimi tomonidan: juda kam hollarda miastenik buzilishlar (uremiya bo'lgan bemorlarda). Ovqat hazm qilish tizimi tomonidan: juda kam hollarda gastralgiya, dispepsiya. Teri va teri osti to'qimalari tomonidan: juda kam hollarda toshma, allergik dermatit. Mahalliy reaksiyalar: tez v/i yuborishda (80 tomchi/min va undan ko'p) vena bo'ylab og'riq paydo bo'lishi mumkin, yuborish tezligi pasaytirilganda o'tib ketadi.

Farmakodinamikasi L-karnitin tabiiy modda bo‘lib, B guruhi vitaminlariga o‘xshash. Modda almashinuvi jarayonlarida ishtirok etadi, uzun zanjirli yog‘ kislotalarini (palmitin va boshqalar) sitoplazmadan mitoxondriyaga tashuvchi sifatida, bu yerda ushbu kislotalar (3-oksidlanish jarayoniga uchrab, adenozin trifosfat kislotasi va atsetil-KoA hosil bo‘ladi. Oqsil va yog‘ almashinuvini yaxshilaydi, me’da va ichak shirasi sekretsiyasi va fermentativ faolligini oshiradi, ovqat hazm bo‘lishini yaxshilaydi, ortiqcha tana vaznini kamaytiradi va mushaklardagi yog‘ miqdorini kamaytiradi. Jismoniy yuklamalarga chidamlilikni oshiradi, ketokislotalar va anaerob glikoliz hosil bo‘lishini susaytiradi, laktatatsidoz darajasini kamaytiradi, glikogenni tejamkor sarflashga yordam beradi va uning zaxirasini jigar va mushaklarda oshiradi. Anabolik va lipolitik ta’sir ko‘rsatadi. Gipertireozda oshgan asosiy almashinuvni normallashtiradi: tireoid gormonlarining ta’siriga periferik (bilvosita) antagonist bo‘lib, qalqonsimon bez funksiyasining to‘g‘ridan-to‘g‘ri ingibitori emas. Modda almashinuvini va to‘qimalarning energiya ta’minotini yaxshilaydi. Farmakokinetikasi Ichakda yaxshi so‘riladi, qon plazmasidagi konsentratsiyasi 3 soatda maksimal darajaga yetadi va 9 soat davomida terapevtik diapazonda saqlanadi. Jigarga, miokardga oson o‘tadi, mushaklarga sekinroq kiradi. Buyraklar orqali, asosan atsilli efirlar ko‘rinishida chiqariladi.

Bir vaqtda qo‘llanganda anaboliklar levokarnitin ta’sirini kuchaytiradi. Bir vaqtda GKS qo‘llanganda levokarnitinning to‘qimalarda (jigar bundan mustasno) to‘planishiga yordam beradi.

Levokarnitin qo‘llanilganda qandli diabet bilan kasallangan, insulin yoki og‘iz orqali gipoglikemik preparatlar qabul qilayotgan bemorlarda glyukoza o‘zlashtirilishining oshishi gipoglikemiyaga olib kelishi mumkin. Shu sababli, ushbu toifadagi bemorlarda levokarnitin bilan davolash vaqtida qon glyukozasi miqdorini doimiy nazorat qilish va gipoglikemik preparatlar dozasini zudlik bilan tuzatish zarur. Buyrak funksiyasi og‘ir buzilgan bemorlarda levokarnitinni yuqori dozalarda uzoq muddat qo‘llash natijasida potentsial toksik metabolitlar, dimetilamin va trimetilamin-oksid konsentratsiyasining oshishi mumkin, chunki ushbu metabolitlar odatda siydik bilan chiqariladi. Bunday hollarda siydik, nafas va ter ajralmalari yoqimsiz hidga ega bo‘ladi. Homiladorlik va laktatsiya davri Homiladorlik va laktatsiya (emizish) davrida qo‘llash mumkin emas. Laktatsiya davrida qo‘llash zarur bo‘lsa, emizishni to‘xtatish masalasini hal qilish kerak. Buyrak funksiyasi buzilishida qo‘llanilishi Buyrak funksiyasi og‘ir buzilgan bemorlarda levokarnitinni yuqori dozalarda uzoq muddat qo‘llash natijasida potentsial toksik metabolitlar, trimetilamin va trimetilamin-oksid konsentratsiyasining oshishi mumkin. Bolalar 18 yoshgacha bo‘lgan bolalar va o‘smirlarda og‘iz orqali qabul qilinadigan dori shaklini qo‘llash mumkin emas. Keksalar uchun qo‘llanilishi Keksalarda ko‘rsatmalar bo‘yicha, tavsiya etilgan dozalarda va dori shakllarida qo‘llash mumkin.