Qo‘llash uchun: asabiy qo‘zg‘aluvchanlik oshganida, umumiy ahvolni yaxshilaydi. Yengil tinchlantiruvchi xususiyatga ega.

Gipotoniya holatlari, bradikardiya, ekstrasistoliya kabi ritm buzilishlari, ayrim o'simliklarga individual toqat qilmaslik.

Og‘iz orqali, chaynalmay, suv bilan ichiladi. Kattalar va 12 yoshdan katta bolalarga 1-2 tabletkadan kuniga 3 marta ovqatdan 5-10 daqiqa oldin, boshlang‘ich uyqusizlikda esa uxlashdan 1-1,5 soat oldin 1 tabletka. Davolash kursi 10 kundan 30 kungacha. Zaruriyat tug‘ilganda davolash kursini 10-15 kundan so‘ng takrorlash mumkin.

Allergik reaktsiyalar mumkin. Agar allergik reaktsiya belgilari paydo bo'lsa, preparatni qabul qilishni to'xtatish kerak.

Valeriana dorivor - tinchlantiruvchi, yurak-qon tomir tizimi va me’da-ichak trakti faoliyatini yaxshilovchi ta’sirga ega. Markaziy asab tizimi qo‘zg‘aluvchanligini kamaytirib va silliq mushak spazmlarini bo‘shashtirib, valeriana qon tomirlarini kengaytirishga yordam beradi, bosimni pasaytiradi. Boyarishnik - yurakka rag‘batlantiruvchi ta’sir ko‘rsatadi va shu bilan birga yurak mushaklarining qo‘zg‘aluvchanligini kamaytiradi. Shuningdek, qonda xolesterin darajasini pasaytiradi, arterial bosimni tushiradi. Oddiy pustirnik - yurak ritmini normallashtiradi, spazmolitik va sedativ, yengil diuretik ta’sirga ega. Yurak qisqarishlari kuchini oshiradi, arterial bosimni pasaytiradi, shuningdek, ovqat hazm qilishni yaxshilaydi va hayz davrini tartibga soladi. Oddiy mingbarg - yurak ritmini pasaytiradi, arterial bosimni tushiradi. U, ayniqsa, yurak tomirlarini kengaytirish xususiyatiga ega. Melissa dorivor - aniq tinchlantiruvchi, spazmolitik va yengil uyqu keltiruvchi xususiyatga ega. Melissa antiaritmik faollik ko‘rsatadi va yurak ritmining turli buzilishlarida muvaffaqiyatli qo‘llanilishi mumkin. U nafas olishni sekinlashtiradi, yurak qisqarishlari chastotasini kamaytiradi, arterial bosimni pasaytiradi.