1 tabletkada quyidagilar mavjud: faol modda: karbamazepin — 200 mg; yordamchi modda: Silak-1, natriy kraxmal glikolyat, povidon K-30, tozalangan talk, magniy stearat, tozalangan suv.

- Epilepsiya: murakkab va oddiy partsial tutqanoqlar (ongni yo‘qotish yoki yo‘qotmasdan) ikkilamchi generalizatsiya bilan yoki usiz; generalizatsiyalashgan toniko-klonik va aralash shakldagi epileptik tutqanoqlar; - o‘tkir maniyakal holatlar (kompleks terapiyada) va bipolyar affektiv buzilishlarni qo‘llab-quvvatlovchi terapiya, zo‘rayishlarning oldini olish yoki klinik ko‘rinishlarning og‘irligini kamaytirish maqsadida; -alkogol abstinensiya sindromi (kompleks terapiyada); - uch shoxli nerv nevralgiyasi (idiopatik, tarqoq sklerozda), til-yutqich nervning idiopatik nevralgiyasi; - diabetik nevropatiyada og‘riq sindromi; - qandli diabetda neyrogormonal tabiatli poliuriya va polidipsiya.

•  AV-blokada;
• ilgari suyak ko‘migi qon yaratilishining susayishi;
• jigar porfiriyalari;
• MAO ingibitorlarini bir vaqtda qabul qilish va ularni bekor qilgandan keyin 2 hafta davomida;
• emizish davri;
• preparatning har qanday komponentiga yoki kimyoviy jihatdan o‘xshash dori vositalariga (tritsiklik antidepressantlar) yuqori sezuvchanlik.

Og‘iz orqali, ovqat qabul qilishdan qat’i nazar, oz miqdorda suyuqlik bilan. Kattalar: Epilepsiya: imkon qadar, karbamazepin monoterapiya sifatida buyurilishi kerak. Davolash kichik kunlik doza bilan boshlanadi, keyinchalik optimal ta’sirga erishilgunga qadar asta-sekin oshiriladi. Karbamazepinni allaqachon olib borilayotgan antiepileptik terapiyaga qo‘shishda asta-sekinlik bilan amalga oshiriladi: boshlang‘ich doza - 100-200 mg 1-2 marta sutkada. Keyin doza asta-sekin 400 mg 2-3 marta sutkada (800 mg-1200 mg/sutka) ga oshiriladi. Maksimal sutkalik doza 1600-2000 mg. Uch shoxli va til-yutqich nerv nevralgiyasi: boshlang‘ich doza - 200-400 mg sutkada, keyin dozani og‘riq to‘xtaguncha sutkada 200 mg dan oshirmasdan asta-sekin oshiriladi (200 mg 3-4 marta sutkada), so‘ng doza minimal qo‘llab-quvvatlovchi dozaga kamaytiriladi. Keksalar uchun boshlang‘ich doza 100 mg 2 marta sutkada. Alkogol abstinent sindromi: o‘rtacha doza - 200 mg 3 marta sutkada. Og‘ir holatlarda, dastlabki kunlarda, doza 400 mg 3 marta sutkada oshirilishi mumkin. Davolash boshida og‘ir abstinensiya belgilarida detoksikatsion terapiya, sedativ va uyqu dori vositalari bilan birga buyuriladi. O‘tkir faza bartaraf etilgandan so‘ng, preparat bilan davolash monoterapiya shaklida davom ettirilishi mumkin. Qandli diabetda poliuriya va polidipsiya: kattalar uchun o‘rtacha doza - 200 mg 2-3 marta sutkada. Diabetik nevropatiyada og‘riq sindromi: 200 mg 2-4 marta sutkada. O‘tkir maniyakal holatlar va bipolyar affektiv buzilishlarni qo‘llab-quvvatlovchi terapiya: sutkalik doza 400-1600 mg (o‘rtacha sutkalik doza 200-600 mg) 2-3 qabulga bo‘linadi. O‘tkir holatlarda doza yetarlicha tez oshiriladi. Qo‘llab-quvvatlovchi terapiyada doza oshirilishi asta-sekin va kichik bo‘lishi kerak. O‘rtacha sutkalik doza 10-20 mg/kg, sutkalik doza bir necha qabulga bo‘linadi. Davolash davomiyligi individual belgilanadi.

Psixika tomonidan: kam hollarda gallyutsinatsiyalar (ko‘ruv yoki eshituv), depressiya, ishtahaning pasayishi, bezovtalik, tajovuzkor xulq, ajitatsiya, dezorientatsiya, juda kam hollarda - psixozning kuchayishi. Nerv tizimi tomonidan buzilishlar: juda tez-tez bosh aylanishi, ataksiya, uyquchanlik, charchoq hissi; tez-tez - bosh og‘rig‘i, diplopiya, akkomodatsiya buzilishlari; kamroq - tremor, mushak distoniyasi, tiklar, nistagm; kam hollarda orofasial diskiniziya, ko‘z harakati buzilishlari, dizartriya, xoreoatetoz, periferik neyropatiya, paresteziya, parez; juda kam hollarda ta'm buzilishi, yomon sifatli neyroleptik sindrom. Teri va uning qo‘shimchalari tomonidan: juda tez-tez - allergik dermatit, toshma (krapivnitsa); kamroq - eksfoliativ dermatit, eritrodermiya; kam hollarda - tizimli qizil volchanka, qichishish; juda kam hollarda - Stivens-Djonson sindromi, toksik epidermal nekroliz, fotosensibilizatsiya reaksiyalari, ko‘p shaklli va tugunli eritema, pigmentatsiya buzilishlari, purpura, akne, terlash, soch to‘kilishi. Qon hosil qiluvchi organlar tomonidan: juda tez-tez leykopeniya; tez-tez trombotsitopeniya; kam hollarda eozinofiliya, leykotsitoz, limfoadenopatiya, foliy kislotasi yetishmovchiligi; juda kam hollarda - agranulositoz, aplastik anemiya, panstsitopeniya, haqiqiy anemiya, eritrotsitar aplaziya, megaloblast anemiya, o‘zgaruvchan porfiriya, kechki teri porfiriyasi, o‘tkir oraliq porfiriya, retikulotsitoz va gemolitik anemiya. Ovqat hazm qilish tizimi tomonidan: juda tez-tez - ko‘ngil aynishi, qusish; tez-tez - og‘iz qurishi; kamroq - diareya, qabziyat; kam hollarda - qorin og‘rig‘i; juda kam hollarda - glosit, stomatit, pankreatit. Gepatobiliar tizimi tomonidan: juda tez-tez - gamma-glutamintransferaza ko‘rsatkichlarining oshishi; tez-tez - ishqoriy fosfataza darajasining oshishi; kamroq - transaminazalar darajasining oshishi; kam hollarda - gepatit (xolestatik, parenximatoz yoki aralash turdagi), sariqlik; juda kam hollarda - granulomatoz gepatit, jigar yetishmovchiligi. Yuqori sezuvchanlik reaksiyalari: kam hollarda - kechikkan tipdagi ko‘p organli gipersensitivlik isitma, teri toshmalari, vaskulit, limfoadenopatiya, artralgiya, leykopeniya, eozinofiliya, gepatosplenomegaliya va jigar funksiyasi ko‘rsatkichlarining o‘zgarishi bilan. Boshqa organlar ham jalb qilinishi mumkin (o‘pka, buyrak, oshqozon osti bezi, miokard, yo‘g‘on ichak). Mioklonus va eozinofiliya bilan aseptik meningit; anafilaktik reaksiya, angionevrotik shish. Yurak-qon tomir tizimi tomonidan: kam hollarda yurak ichki o‘tkazuvchanlik buzilishlari; arterial bosimning pasayishi yoki oshishi; juda kam hollarda - bradikardiya, aritmiya, AV-blokada hushdan ketish bilan, tomir kollapsi, dimiqishli yurak yetishmovchiligi, ishemik kasallikning kuchayishi, tromboflebit, tromboemboliya. Endokrin tizim va modda almashinuvi tomonidan: tez-tez - shishlar, suyuqlik ushlanishi, tana vaznining oshishi, giponatriemiya va plazma osmolyarligining pasayishi antidiuretik gormon ta'siriga o‘xshash effekt natijasida, bu kam hollarda suvli intoksikatsiyaga (suyultirilgan giponatriemiya) olib keladi, letargiya, qusish, bosh og‘rig‘i, dezorientatsiya va nevrologik buzilishlar bilan kechadi; juda kam hollarda prolaktin darajasining oshishi, galaktoreya yoki galaktoreyasiz, ginekomastiya bilan yoki bo‘lmasdan; triyodtironin va tiroksin darajasining pasayishi, tireotrop gormon darajasining oshishi, bu odatda klinik namoyon bo‘lmaydi; suyak to‘qimasi almashinuvining buzilishi (qon plazmasida kalsiy va 25-gidroksixolekalsiferol konsentratsiyasining pasayishi), bu osteomalatsiya/osteoporozga olib keladi; xolesterin, shu jumladan yuqori zichlikdagi lipoproteidlar xolesterini va triglitseridlar konsentratsiyasining oshishi. Siydik-jinsiy tizim tomonidan: juda kam hollarda - interstitsial nefrit, buyrak yetishmovchiligi, albuminuriya, gematuriya, oliguriya, siydikda karbamid/azotemiya oshishi; siydik ajratishning tezlashishi, siydik tutilishi, jinsiy funksiyaning buzilishi/impotensiya, spermatogenez buzilishlari. Sezgi organlari tomonidan: juda kam hollarda - ta'm sezish buzilishlari, ko‘z gavharining xiralashuvi, ko‘z ichki bosimining oshishi, kon'yunktivit; eshitish buzilishlari. Skelet-mushak tizimi tomonidan: kam hollarda - mushak zaifligi, juda kam hollarda artralgiya va mushak og‘rig‘i, tutqanoq.

Karbamazepin antiepileptik, neyrotrop, psixotrop va antidiuretik ta'sirga ega. Qo'zg'algan neyronlarning membranalarini barqarorlashtiradi, neyronlarning seriyali razryadlarini bostiradi va qo'zg'atuvchi impulslarning sinaptik uzatilishini kamaytiradi. Ushbu ta'sir, taxminan, natriy kanallarining blokadasi hisobiga erishiladi, natijada depolyarizatsiyalangan neyronlarda natriyga bog'liq harakat potentsialining qayta paydo bo'lishi oldi olinadi. Neyromediator glutamatning ajralishini kamaytiradi. Karbamazepinning psixotrop ta'siri dopamin va noradrenalinning almashinuvini bostirish bilan bog'liq bo'lishi mumkin. Tutqanoq, xavotir, depressiya, asabiylik va tajovuzkorlik chastotasini kamaytiradi. Epilepsiyali bemorlarda kognitiv funksiyalarga ta'siri o'zgaruvchan. Nevralgiyada paroksizmal og'riqlarning paydo bo'lishini oldini oladi. Alkogol abstinensiya sindromida tutqanoq tayyorgarlik chegarasini oshiradi, asabiy qo'zg'aluvchanlikni, tremorni, yurish buzilishlarini kamaytiradi. Affektiv buzilishlarni davolashda antipsixotik va normotimik vosita sifatida qo'llaniladi. Nosahar diabetda diurez va chanqoq hissini kamaytiradi.

• Markaziy asab tizimi: markaziy asab tizimi funksiyalarining susayishi komagacha, dezorientatsiya, uyquchanlik, ajitatsiya, gallyutsinatsiyalar, ko‘z oldida “tuman” hissi, dizartriya, nistagm, ataksiya, diskineziya, giperefleksiya, keyinchalik giporefleksiya, tutqanoqlar, psixomotor buzilishlar, mioklonus, gipotermiya, midriaz;
• nafas olish tizimi: nafas olishning susayishi, o‘pka shishi;
• yurak-qon tomir tizimi: taxikardiya, arterial bosimning pasayishi yoki oshishi, yurak o‘tkazuvchanligining buzilishi QRS kompleksi kengayishi bilan, yurak to‘xtashi;
• hazm qilish tizimi: qusish, oshqozondan ovqatni evakuatsiya qilishning kechikishi, yo‘g‘on ichak motorikasining pasayishi;
• siydik ajratish tizimi: siydik tutilishi, oliguriya yoki anuriya, suyuqlik tutilishi, suyultirish giponatriyemiyasi;
• laborator ko‘rsatkichlar: metabolik atsidoz, giperglikemiya, mushak fraksiyasi KFK oshishi, giponatriyemiya.