Bitta tabletkada faol modda kaliya orotat 500 mg va yordamchi moddalar: laktoza, kartoshka kraxmal, tibbiy jelatin, stearin kislotasi mavjud.

Yordamchi vosita sifatida jigar va o't yo'llari kasalliklarida (o'tkir va surunkali intoksikatsiya bilan bog'liq, jigar va o't yo'llarining organik shikastlanishlaridan tashqari): surunkali yurak yetishmovchiligi va yurak ritmi buzilishlarida kompleks terapiya tarkibida; alimentar va alimentar-infeksion gipotrofiya bo'lgan bolalarda; surunkali jismoniy zo'riqish.

Ichga ovqatdan 1 soat oldin yoki ovqatdan 4 soat o'tgach qabul qilish kerak. Kattalarga 250-500 mg dan kuniga 2-3 marta. Davolash kursi o'rtacha 20-30 kun davom etadi. Zaruriyat tug'ilganda davolashni 1 oydan so'ng takrorlash mumkin. Istisno holatlarda kattalar uchun doza kuniga 3 g gacha oshirilishi mumkin. Bolalarga - tana vazniga 10-20 mg/kg dan kuniga, 3-4 marta bo'lib qabul qilinadi (masalan, bola vazni 25 kg bo'lsa, ruxsat etilgan doza - 25 x 10 = 250 mg (1/2 tabletkadan) 25 x 20 = 500 mg (1 tabletka kuniga, 3-4 marta bo'lib). Davolash kursi 3-5 hafta. Kasallik simptomlari saqlanib qolsa, shifokor bilan maslahatlashing.

Odatda Kaliya orotat yaxshi ko'chiriladi. Ayrim hollarda allergik teri reaksiyalari paydo bo'lishi mumkin, ular davolash to'xtatilgandan so'ng yo'qoladi. Kaliya orotat, shuningdek, engil ovqat hazm qilish buzilishlarini (ko'ngil aynishi, qusish) chaqirishi mumkin. Yuqori dozada, kam oqsilli dieta fonida qo'llanganda jigar distrofiyasi rivojlanishi mumkin. Nojo'ya ta'sirlar paydo bo'lsa, shifokor bilan maslahatlashing.

Orot kislotasi nuklein kislotalari tarkibiga kiruvchi pirimidin nukleotidlarining birinchi bosqichdagi oldingi moddalaridan biri hisoblanadi, ular oqsil molekulalarining sintezida ishtirok etadi, shu sababli, orot kislotasi tuzlari anabolik ta'sirga ega moddalar sifatida ko'rib chiqiladi va oqsil almashinuvi buzilishlarida, ularni rag'batlantirish uchun qo'llaniladi. Odatda orot kislotasining kaliy tuzi (kaliya orotat) qo'llaniladi. Kaliya orotat nuklein kislotalarining sintezini, jigar hujayralarida (ayniqsa, uzoq muddatli gipoksiya sharoitida) albumin ishlab chiqarilishini rag'batlantiradi, ishtahani oshiradi, diuretik, regeneratsiyalovchi xususiyatlarga ega.