Faol modda: kaliy orotat 500,0 mg. Yordamchi moddalari: laktosa monogidrat, stearin kislotasi, tibbiy jelatin, kartoshka kraxmali.

Jigar va o't yo'llari kasalliklarining intoksikatsiyalar (sirroz va assitdan tashqari) bilan bog'liq bo'lgan holatlarda kompleks davolash tarkibida; miokard infarkti va surunkali yurak yetishmovchiligi II va III bosqichlarida; yurak ritmi buzilishlarida (ayniqsa, ekstrasistoliya va fibrillyatsion aritmiya holatlarida); dermatozlarda; bolalarda alimentariy va alimentariy-infeksion gipotrofiya, progressiv mushak distrofiyasida. Rekonvalestsensiya davri, jismoniy yuklamalar oshganida.

Ovqatdan 1 soat oldin yoki ovqatdan 4 soat o'tgach ichga qabul qilinadi. Kattalarga 250-500 mg dan kuniga 2-3 marta. Davolash kursi o'rtacha 20-30 kun davom etadi. Zaruriyat tug'ilganda davolash 1 oydan so'ng takrorlanishi mumkin. Istisno holatlarda kattalar uchun sutkalik doza 3 g gacha oshirilishi mumkin. Bolalarga - tana vazniga 10-20 mg/kg sutkada, 3-4 marta bo'lib qabul qilinadi (masalan, bola vazni 25 kg bo'lsa, ruxsat etilgan doza - 25 x 10 = 250 mg (1/2 tabletkadan) dan 25 x 20 = 500 mg (1 tabletka sutkada, 3-4 marta bo'lib). Davolash kursi 3-5 hafta. Kasallik simptomlari saqlanib qolsa, shifokor bilan maslahatlashing.

Dispeptik hodisalar (ko'ngil aynishi, qusish). Jigar distrofiyasi. Allergik dermatozlar.

Preparat orot kislotasining kaliy tuzini tashkil etadi. Orot kislotasi nuklein kislotalar tarkibiga kiruvchi pirimidin nukleotidlarining biridan oldingi moddadir, ular oqsil molekulalari sintezida ishtirok etadi, shu sababli orot kislotasi tuzlari anabolik ta'sirga ega moddalar sifatida ko‘riladi va oqsil almashinuvi buzilishlarida ularni rag‘batlantirish uchun qo‘llaniladi. Kaliy orotat nuklein kislotalar sintezini, jigar hujayralarida albumin ishlab chiqarilishini, ayniqsa uzoq muddatli gipoksiya (kislorod yetishmovchiligi) sharoitida, ishtahani oshiradi, diuretik (siydik haydovchi) va regeneratsiyalovchi xususiyatlarga ega.

Davolash davrida dieta saqlanishi maqsadga muvofiq. Preparatning transport vositalari va mexanizmlarni boshqarish qobiliyatiga ta'siri: Preparat uyquchanlik va psixomotor reaksiyalar tezligining pasayishiga olib kelmaydi.

GKS, diuretiklar, insulin, og‘iz orqali qabul qilinadigan kontratseptivlar, miorelaksantlar bilan bir vaqtda qabul qilinsa preparatning samaradorligi kamayadi. Preparat tetratsiklin, temir, natriy ftoridining o‘zlashtirilishini buzadi. Preparat yurak glikozidlarining toksikligini kamaytiradi, uning magniy preparatlari bilan birga qo‘llanilishi ta’sirini kuchaytiradi. Yopishtiruvchi va qoplovchi vositalar orot kislotasining me’da-ichak traktida so‘rilishini biroz kamaytirishi mumkin.