Farmakologik xususiyatlari
Farmakodinamiya
Virusga qarshi preparat.
Doklinik va klinik tadqiqotlarda Ingavirin® preparatining A turdagi gripp viruslariga (A(H1N1), jumladan pandemik shtamm A(H1N1)pdm09 (“cho‘chqa”), A(H3N2), A(H5N1)) va B turiga, adenovirus, paragripp virusi, respirator-sintsitial virusga nisbatan samaradorligi ko‘rsatilgan; doklinik tadqiqotlarda: koronavirus, metapnevmovirus, enteroviruslar, jumladan Koksaki virusi va rinovirus.
Ingavirin® virus yuklamasini kamaytiradi, viruslarning eliminatsiyasini tezlashtiradi, kasallik davomiyligini qisqartiradi, asoratlar rivojlanish xavfini kamaytiradi.
Ta’sir mexanizmi infeksiyalangan hujayralar darajasida virus oqsillari tomonidan bostirilgan tug‘ma immunitet omillarini faollashtirish orqali amalga oshiriladi. Eksperimental tadqiqotlarda, xususan, Ingavirin® preparati birinchi turdagi interferon retseptori IFNAR ekspressiyasini epitelial va immunokompetent hujayralar yuzasida oshirishi ko‘rsatilgan. Interferon retseptorlari zichligining oshishi hujayralarning endogen interferon signallariga sezuvchanligini oshiradi.
Jarayon STAT1 oqsil-transmitterining faollashuvi (fosforillanishi) bilan kechadi, u hujayra yadrosiga signal uzatib, virusga qarshi genlar sintezini induktsiya qiladi. Infeksiya sharoitida preparat virusga qarshi effektor oqsil MxA (virusga qarshi javobning erta omili, turli viruslarning ribonukleoprotein komplekslarining hujayra ichidagi transportini inhibitsiya qiladi) va PKR ning fosforillangan shakli sintezini faollashtirishi ko‘rsatilgan, bu esa virus oqsillarining translatsiyasini bostirib, virus replikatsiyasi jarayonini sekinlashtiradi va to‘xtatadi.
Ingavirin® preparatining ta’siri virusning sitopatik va sitodestruktiv ta’siri belgilarini sezilarli darajada kamaytirish, infeksiyalangan hujayralar sonini kamaytirish, patologik jarayonni cheklash, hujayralar tarkibi va tuzilmasini hamda to‘qimalarning morfologik manzarasini infeksion jarayon zonasida, uning erta va kech bosqichlarida normallashtirishdan iborat.
Yallig‘lanishga qarshi ta’siri asosiy proyallig‘lanish sitokinlari (o‘sma nekrozi omili (TNF-α), interleykinlar (IL-1β va IL-6)) ishlab chiqarilishini bostirish, miyeloperoksidaza faolligini kamaytirish bilan bog‘liq.
Eksperimental tadqiqotlarda Ingavirin® preparatini antibiotiklar bilan birga qo‘llash bakteriаl sepsis modelida, jumladan penitsillin-rezistent stafilokokk shtammlari chaqirganida, terapiya samaradorligini oshirishi ko‘rsatilgan.
O‘tkazilgan eksperimental toksikologik tadqiqotlar preparatning past toksiklik darajasi va yuqori xavfsizlik profiliga ega ekanligini ko‘rsatadi.
O‘tkir toksiklik parametrlari bo‘yicha Ingavirin® preparati 4-toksiklik sinfiga kiradi – “Kam toksik moddalar” (o‘tkir toksiklik bo‘yicha LD50 aniqlashda preparatning letal dozalari aniqlanmadi).
Preparat mutagen, immunotoksik, allergiyalovchi va kanserogen xususiyatlarga ega emas, mahalliy tirnash xususiyati keltirib chiqarmaydi. Ingavirin® preparati reproduktiv funksiyaga ta’sir qilmaydi, embriyotoksik va teratogen ta’sir ko‘rsatmaydi.
Ingavirin® preparatining qon hosil bo‘lish tizimiga yoshga mos dozada tavsiya etilgan sxema va kursda qabul qilinganda ta’siri yo‘q.
Farmakokinetika
So‘rilish va taqsimlanish.
Radioaktiv belgi yordamida o‘tkazilgan tajribada aniqlanishicha: preparat me’da-ichak traktidan qonga tez o‘tadi va ichki organlarga taqsimlanadi. Qon, qon plazmasi va ko‘pchilik organlarda maksimal konsentratsiyaga preparat yuborilgandan 30 daqiqa o‘tib erishiladi. Buyrak, jigar va o‘pka uchun AUC (farmakokinetik egri chiziq ostidagi maydon “konsentratsiya – vaqt”) qiymatlari qondagi AUC (43,77 mkg.soat/g) dan biroz yuqori. Talak, buyrak usti bezlari, limfa tugunlari va timus uchun AUC qiymatlari qondagi AUC dan past. Qonda preparatning MRT (o‘rtacha ushlanish vaqti) – 37,2 soat.
Preparatni kursli qabul qilishda kuniga bir marta ichki organlar va to‘qimalarda to‘planadi. Bunda har bir qabuldan keyin farmakokinetik egri chiziqlarning sifat ko‘rsatkichlari bir xil: har bir qabuldan 0,5-1 soat o‘tib preparat konsentratsiyasining tez oshishi va keyin 24 soatgacha sekin pasayishi.
Metabolizm.
Preparat organizmda metabolizmga uchramaydi va o‘zgarmagan holda chiqariladi.
Chiqarilish.
Asosiy chiqarilish jarayoni 24 soat davomida amalga oshadi. Shu davrda qabul qilingan dozaning 80 % chiqariladi: 34,8 % 0 dan 5 soatgacha bo‘lgan oraliqda va 45,2 % 5 dan 24 soatgacha bo‘lgan oraliqda chiqariladi. Shundan 77 % ichak orqali, 23 % esa buyraklar orqali chiqariladi.
Dorilar
Dorixona kosmetikasi
Ona va bola
Tibbiy mahsulotlar
Gigiena va parvarish
Vitaminlar va BFQ
Qo'shimcha mahsulotlar
