20 мл эритма қуйидагиларни сақлайди:

фаол моддалар: эрувчан стрептоцид - 0,5 г, норсулфазол натрий - 0,5 г;

ёрдамчи моддалар: тимол, эвкалипт мойи, қалампир ялпиз мойи, 96% этил спирти, қанд, глицерин, твин 80, тозаланган сув. 

 

 

Оғиз бўшлиғи, хиқилдоқ ва бурун-ҳалкумнинг ўткир ва сурункали инфекцион-яллиғланиш касалликлари: тонзиллитлар, фарингитлар, ларингитлар, афтоз ва ярали стоматитларда қўлланилади.

 

 

ИНГАЛИПТни қуйидаги ҳолатларда: препарат компонентларига юқори сезувчанлик, анамнезида сулфаниламидларга оғир токсико-аллергик реакциялар, 3 ёшгача бўлган болаларда қўллаш мумкин эмас. 

 

 

Катталар ва 3 ёшдан катта болаларга оғиз бўшлиғи ва бурун-ҳалкумнинг шиллиқ қаватига маҳаллий пуркаш учун буюрилади. 

Препаратни қўллашдан аввал флаконни бир неча марта чайқатиш, ҳимоя қалпоқни олиш ва учликни ўрнатиш керак. Қўлланилганда, флаконни вертикал тарзда шундай ушлаш керакки, пуркагич флаконга нисбатан 90о бурчак остида юқорида жойлашсин. Флакондан тўнтарилган ҳолатда фойдаланиш мумкин эмас. Пуркалиш амалга ошмаганда яна бир бор такрорлашга рухсат берилади. Пуркагич беркилиб қолишининг олдини олиш учун муолажани якунлагандан сўнг уни пуфлаш ёки қайноқ сув билан ювиб юбориш керак. Препаратни қўллаб бўлгандан сўнг пуркагичга ҳимоя қалпоғини кийдириш лозим. 

Катталарга қўллаш пуркагични босган ва суюқлик оқимини ишлов берилаётган соҳага йўналтирган ҳолда суткада 3-4 марта, овқатдан сўнг ёки овқатланишлар орасидаги танаффусда амалга оширилади.

3 ёшдан катта болаларга қўллаш, агар шифокорнинг махсус кўрсатмалари бўлмаса, суткада 1-2 марта амалга оширилади. 

Препаратни қўллаш давомийлиги касалликнинг кечишига боғлиқ ва одатда 3-10 кунни ташкил қилади.

Препарат 3 ёшгача бўлган болаларда қўллаш мумкин эмас. Эвкалипт ва аччиқ ялпиз эфир мойлари сақланганлиги билан асосланган рефлектор бронхоспазмнинг ривожланиш эҳтимоли туфайли, препарат 3 ёшдан катта болаларга эҳтиёткорлик билан қўлланади. Болаларни даволаш фақат шифокор кузатуви остида амалга оширилади.  

 

 

Ҳар қандай дори воситаси каби, ИНГАЛИПТ. ҳам, ҳар бир истеъмолчида кузатилмаса-да, ножўя реакциялар чақириши мумкин.

Препарат, одатда, яхши ўзлаштирилади, лекин алоҳида ҳолатларда қуйидагиларнинг пайдо бўлиш эҳтимоли бор: 

- иммун тизими томонидан: аллергик реакциялар, шу жумладан ангионевротик шиш, бронхоспазм;

- тери ва тери ости тўқималари томонидан: тошма, қичишиш, эшакеми, контак бўлган жойидаги шиш;

- меъда-ичак йўллари томонидан: кўнгил айниши, қусиш, маҳаллий самаралар (оғиз ачиштириши, томоқда тиқилиш ҳис қилиш ёки қичишиш);

- бошқалар: умумий холсизлик, нафас олишниинг қийинлашиши.

 

 

Оғиз бўшлиғи ва томоқнинг инфекцион-яллиғланиш касалликларида маҳаллий қўллаш учун мажмуавий препарат бўлиб, микробларга қарши, антисептик ва яллиғланишга қарши таъсир кўрсатади. 

Эрувчан сулфаниламидлар таркибига кирувчи (стрептоцид ва норсулфазол) граммусбат ва грамманфий кокклар, Escherichia coli, Shigella spp., Klebsiella spp., Vibrio cholerae Haemophilus influenzae, Clostridum spp., Bacillus anthracis, Corinebacterium diphtheriae, Yersinia pestis, шунингдек Chalmydia spp., Actinomyces spp., Toxoplasma gondii ларга нисбатан микробларга қарши (бактериостатик) фаолликка эга.

Сулфаниламидларнинг таъсир механизми ПАБК билан рақобатли антагонизмни ва дигидроптероатсинтетазани рақобатли сусайтириши билан боғлиқ бўлиб, бу нуклеин кислоталарининг синтези учун зарур бўлган тетрагидрофолат кислотасининг синтезини бузилишига олиб келади.

Препарат таркибига кирувчи тимол, эвкалипт мойи ва аччиқ ялпиз мойи замбуруғларга қарши самара кўрсатади (Candida турига мансуб замбуруғларга нисбатан), антисептик таъсирга эга ва ўртача даражада яллиғланишга қарши ва енгил даражада оғриқ қолдирувчи самара кўрсатади. 

 

 

Қўллашдан олдин флаконни яхшилаб чайқатиш керак. 

Инфекция тарқалишининг олдини олиш учун айнан бир флаконни бир неча шахслар томонидан фойдаланилиши тавсия этилмайди.  

Препаратни пуркаш вақтида унинг кўзларга тушиш олдини олиш керак. 

Препаратни қўллашдан аввал оғизни илиқ қайнаган сув билан чайиш керак. Оғиз бўшлиғининг зарарланган соҳаларидан (ярали, эрозив сатҳ) стерил тампон билан эҳтиёткорлик билан некротик қатлам олиб ташланади. 

Биринчи қўллашдан олдин дисперс оқим пайдо бўлгунга қадар кўпи билан 7 марта учлик босилади. Пуркалиш бўлмаганда ҳаракатни яна бир бор такрорлашга рухсат берилади. 

Препарат билан оғиз бўшлиғига ишлов берилгандан кейин 15-30 дақиқа давомида овқатланишдан тутилиш керак.

Препарат болаларда қўлланганда шуни инобатга олиш керакки, 1-2 марта пуркашда пуркаланадиган бир марталик доза 0,0076-0,0152 мл этанол (96%) сақлайди, бу бир марталик қабул қилишда: 3-5 ёшдаги болалар учун (тана вазни 15-21 кг) 0,0004-0,0013 мл/кг, 6-12 ёшдаги болалар учун (тана вазни 21-38 кг) 0,0002-0,0007 мл/кг. 

Фруктозани кам учрайдиган ўзлаштираолмаслик наслий касаллиги, глюкоза-галактоза мальабсорбцияси ёки сахароза-изомалтоза етишмовчилиги бўлган пациентларга ушбу препаратни қўллаш мумкин эмас. 

3 ёшгача бўлган болаларда қўллаш мумкин эмас. Эвкалипт ва аччиқ ялпиз эфир мойлари сақланганлиги билан асосланган рефлектор бронхоспазмнинг ривожланиш эҳтимоли туфайли, препарат 3 ёшдан катта бўлган болаларга эҳтиёткорлик билан қўлланади. Болаларни даволаш фақат шифокор кузатуви остида амалга оширилади.  

Ҳомиладорлик ва эмизиш даврида препаратни қўлланиши шифокор назоратида кузатилиши мумкин, фойда/хавф нисбатини ва дозалаш тартибига қатъий риоя қилиниши ўзаро ҳисобга олинади.

Препарат транспорт воситалари ва механизмларни бошқариш қобилиятига таъсир кўрсатмайди, лекин автотранспорт ҳайдовчилари алкогол текшируви натижаларининг хато чиқиш эҳтимолини инобатга олишлари керак.

 

 

Бошқа дори воситалари билан мутаносиб, клиник аҳамиятга эга ўзаро таъсирлашишлар аниқланмаган.

ПАБК ҳосилалари (новокаин, анестезин, дикаин)нинг препаратлари билан бир вақтда қўлланилганда препаратнинг микробларга қарши таъсири сусайиши мумкин. 

 

 

Дозанинг ошириб юборилиши ҳолларида препаратни ножўя самаралари кучайиши мумкин. 

Даволаш: дозани ошириб юборилиш барча ҳолларида препаратни қабул қилишни бекор қилиш зарур, белгиланган даволаш.