5 ml suspenziya tarkibida: faol modda - ibuprofen 100 mg;

yordamchi moddalari – polisorbat 80 - 3,0 mg, glitserol - 500,0 mg, sorbitol - 1050,0 mg, natriy saxarinat - 1,5 mg, limon kislotasi - 7,5 mg, ksanthan saqichi - 30,0 mg,

0,5 M natriy gidroksid eritmasi – 1,071 g, 0,5 M xlorid kislotasi eritmasi – 0,982 g, metilparagidroksibenzoat - 5,0 mg, propilparagidroksibenzoat - 1,5 mg, apelsin aromati - 1,0 mg, tozalangan suv 5 ml gacha. 

Bo‘g‘imlar va umurtqa pog‘onasining yallig‘lanish-degenerativ kasalliklari (jumladan, revmatik va revmatoid artrit, ankilozlovchi spondilit, osteoartroz), podagraning zo‘rayishi davrida bo‘g‘im sindromi, psoriazli artrit, ankilozlovchi spondilit, tendinit, bursit, radikulit, yumshoq to‘qimalar va tayanch-harakat tizimining travmatik yallig‘lanishi. Nevralgiyalar, mialgiyalar, LOR a’zolarining infeksion-yallig‘lanish kasalliklarida og‘riq sindromi, adneksit, algodisminoreya, bosh va tish og‘rig‘i. Infeksion-yallig‘lanish kasalliklarida isitma. 

 Og'iz orqali, ovqatdan keyin. Qo'llashdan oldin bir hil suspenziya hosil bo'lguncha chayqatilsin. Suspenziyaning aniq dozalash uchun flakonga dozator (qoshiq yoki shprits) biriktirilgan.
Doza bolaning yoshi va tana vazniga qarab belgilanadi.
Ibuprofen-Akrixin preparatining bir martalik dozasi bolalar tana vaznining 5-10 mg/kg ni 3-4 marta sutkada tashkil etadi.
Suspenziyaning maksimal sutkalik dozasi tana vaznining 20-30 mg/kg ni tashkil etadi.
Preparat quyidagi sxema bo'yicha bir martalik dozada buyuriladi
Yosh (tana vazni) Bir martalik doza Qabul qilish soni
6-12 oy (7,7-9 kg) 2,5 ml 2,5 ml dan 3-4 marta sutkada
1-3 yosh (10-15 kg) 5,0 ml 5,0 ml dan 3 marta sutkada
4-6 yosh (16-20 kg) 7,5 ml 7,5 ml dan 3 marta sutkada
7-9 yosh (21-29 kg) 10,0 ml 10,0 ml dan 3 marta sutkada
10-12 yosh (30-40 kg) 15,0 ml 15,0 ml dan 3 marta sutkada
Dozani har 6-8 soatda takrorlash mumkin.
Maksimal sutkalik doza oshirilmasin.
3 dan 6 oygacha bo'lgan chaqaloqlarga (5-7,6 kg) postvaksinal reaksiyalarda
2,5 ml preparatdan, zaruriyat tug'ilganda 6 soatdan keyin 2,5 ml takroriy qabul qilinadi.
3 dan 6 oygacha bo'lgan bolalar uchun preparatning sutkalik dozasi 5,0 ml dan oshmasligi kerak.
3 dan 6 oygacha bo'lgan bolalarga preparatni faqat davolovchi shifokor bilan maslahatlashgandan so'ng qo'llash mumkin.
Ibuprofen-Akrixin preparati isitmani tushiruvchi vosita sifatida 3 kundan ortiq va og'riq qoldiruvchi sifatida 5 kundan ortiq qo'llanilmaydi.
Agar isitma 3 kundan ortiq davom etsa, shifokorga murojaat qilish kerak.
Agar og'riq sindromi 5 kundan ortiq davom etsa, shifokorga murojaat qilish kerak.

Og'iz orqali qabul qilinganda ibuprofen deyarli to'liq me'da-ichak traktidan so'riladi. Ovqat bilan birga qabul qilish so'rilish tezligini sekinlashtiradi. Jigarda metabolizatsiyalanadi (90%). T 2-3 soatni tashkil etadi. 

Homiladorlik va emizish davrida
Homiladorlikning III trimestrida qo'llash mumkin emas. Homiladorlikning I va II trimestrlarida faqat onaga kutilayotgan foyda homilaga mumkin bo'lgan xavfdan ustun bo'lgan hollardagina qo'llash asosli hisoblanadi.

Ibuprofen ona sutiga ahamiyatsiz miqdorda ajraladi. Laktatsiya davrida og'riq va isitmada qo'llash mumkin. Uzoq muddatli qo'llash yoki yuqori dozalarda (800 mg/kun dan ortiq) qo'llash zarur bo'lsa, emizishni to'xtatish masalasini hal qilish kerak.