Ichga qabul qilish uchun suspenziya (bolalar uchun) 100 mg/5 ml. 100 ml dan apelsin rangli shisha flakonlarga, bankalarga yoki vintli ogʻizli jigarrang shisha flakonlarga, polietilen probkalar va polimer materiallardan yasalgan burama qopqoqlar yoki polietilentereftalat qopqoqlar, yoki perforatsiyali alyuminiy qopqoqlar yoki polimer materiallardan yasalgan qopqoqlar bilan yopilgan holda. Yoki 100 ml dan qopqoqli flakonlarga yoki 100 ml dan polietilentereftalatdan tayyorlangan dori vositalari uchun yopuvchi vositalar bilan flakon, bankalarga. Har bir flakon yoki banka foydalanish boʻyicha yoʻriqnoma va oʻlchov stakanchasi yoki oʻlchov qoshiqchasi yoki dozalovchi shprits bilan birga karton qutiga joylanadi. 

Ibuprofenni quyidagi dori vositalari bilan bir vaqtda qo‘llashdan saqlanish kerak:
- atsetilsalitsil kislotasi: shifokor tomonidan buyurilgan past dozalardagi atsetilsalitsil kislotasi (kuniga 75 mg dan oshmagan) bundan mustasno, chunki birga qo‘llash nojo‘ya ta’sirlar xavfini oshirishi mumkin. Bir vaqtda qo‘llanganda ibuprofen atsetilsalitsil kislotasining yallig‘lanishga qarshi va antiagregant ta’sirini kamaytiradi (ibuprofen qabul qilish boshlanganidan so‘ng, antiagregant vosita sifatida kichik dozalarda atsetilsalitsil kislotasi qabul qilayotgan bemorlarda o‘tkir koronar yetishmovchilik rivojlanishining tez-tezligi oshishi mumkin);
- boshqa YOKV (nosteroid yallig‘lanishga qarshi vositalar): shu jumladan selektiv TsOG-2 ingibitorlari, YOKV guruhiga kiruvchi ikki va undan ortiq preparatlarni birga qo‘llashdan saqlanish kerak, chunki nojo‘ya ta’sirlar xavfi oshishi mumkin.

Quyidagi dori vositalari bilan bir vaqtda ehtiyotkorlik bilan qabul qilinadi:
- antikoagulyantlar va trombolitik preparatlar: YOKV antikoagulyantlar, xususan varfarin va trombolitik preparatlarning ta’sirini kuchaytirishi mumkin;
- gipotenziya vositalari (APF ingibitorlari va angiotenzin II antagonistlari) va diuretiklar: YOKV ushbu guruh preparatlarining samaradorligini kamaytirishi mumkin. Diuretiklar va APF ingibitorlari YOKVning nefrotoksikligini oshirishi mumkin;
- glyukokortikosteroidlar: OVJ tizimi yaralari va me’da-ichak qon ketishi xavfi oshadi;
- antiagregantlar va selektiv serotonin qayta qabul qilinishining ingibitorlari: Me’da-ichak qon ketishi xavfi oshadi.

- yurak glikozidlari: YOKV va yurak glikozidlarini birga buyurish yurak yetishmovchiligini kuchaytirishi, glomerulyar filtrlatsiyani kamaytirishi va yurak glikozidlarining qon plazmasidagi kontsentratsiyasini oshirishi mumkin;
- litiy preparatlari: YOKV qabul qilish fonida litiyning qon plazmasidagi kontsentratsiyasi oshishi ehtimoli borligi haqida ma’lumotlar mavjud;
- metotreksat: YOKV qabul qilish fonida metotreksatning qon plazmasidagi kontsentratsiyasi oshishi ehtimoli borligi haqida ma’lumotlar mavjud;
- siklosporin: YOKV va siklosporinni birga buyurilganda nefrotoksiklik oshishi;
- mifepriston: YOKV qabul qilishni mifepriston qabul qilingandan keyin 8-12 kundan oldin boshlash mumkin emas, chunki YOKV mifepriston samaradorligini kamaytirishi mumkin;
- takrolimus: YOKV va takrolimus birga buyurilganda nefrotoksiklik xavfi oshishi mumkin;
- zidovudin: YOKV va zidovudinni birga qo‘llash gematotoksiklikni oshirishi mumkin. Gemofiliya bilan kasallangan OITS-pozitiv bemorlarda zidovudin va ibuprofen bilan birga davolashda gemartroz va gematoma rivojlanish xavfi oshishi haqida ma’lumotlar mavjud;
- xinolon qatori antibiotiklari: YOKV va xinolon qatori antibiotiklari bilan birga davolash olgan bemorlarda tutqanoq rivojlanish xavfi oshishi mumkin. 

Bola­lard­a dozani 400 mg/kg tana og‘irligidan oshirib qabul qilganda, dozani oshirib yuborish simptomlari paydo bo‘lishi mumkin. Kattalarda dozaga bog‘liq dozani oshirib yuborish effekti kamroq ifodalangan. Dozani oshirib yuborishda preparatning yarim chiqarilish davri 1,5-3 soatni tashkil etadi.

Simptomlar: ko‘ngil aynishi, qusish, epigastral sohada og‘riq yoki kamroq hollarda diareya, quloqda shovqin, bosh og‘rig‘i va me’da-ichak qon ketishi. Og‘irroq holatlarda markaziy asab tizimi tomonidan namoyon bo‘lishlar: uyquchanlik, kamdan-kam hollarda – qo‘zg‘alish, tutqanoq, dezorientatsiya, koma. Og‘ir zaharlanish holatlarida metabolik atsidoz va protrombin vaqti uzayishi, buyrak yetishmovchiligi, jigar to‘qimalarining shikastlanishi, arterial bosimning pasayishi, nafas olishning susayishi va sianoz rivojlanishi mumkin. Bronxial astmasi bo‘lgan bemorlarda ushbu kasallikning kuchayishi mumkin.

Davolash: simptomatik, nafas yo‘llarining o‘tkazuvchanligini ta’minlash majburiy, EKG va asosiy hayotiy ko‘rsatkichlarni bemor holati normallashguncha monitoring qilish. Potensial toksik dozadagi ibuprofen qabul qilingandan so‘ng 1 soat ichida og‘iz orqali faollashtirilgan ko‘mir yoki me’dani yuvish tavsiya etiladi. Agar ibuprofen allaqachon so‘rilgan bo‘lsa, ibuprofenning kislotali hosilasini buyraklar orqali chiqarish maqsadida ishqoriy ichimlik buyurilishi, majburiy diurez o‘tkazilishi mumkin. Tez-tez yoki uzoq davom etuvchi tutqanoqlarni vena ichiga diazepam yoki lorazepam yuborish orqali to‘xtatish kerak. Bronxial astma kuchayganda bronxodilatatorlar qo‘llash tavsiya etiladi. 

Preparatni homiladorlikning III trimestrida qo‘llash mumkin emas. Preparatni homiladorlikning I—II trimestrlarida yoki emizish davrida qo‘llashdan oldin shifokor bilan maslahatlashish kerak. Ma’lumotlarga ko‘ra, ibuprofen oz miqdorda ona sutiga o‘tishi mumkin, bu esa emizilayotgan bolada salbiy sog‘liq oqibatlariga olib kelmaydi. 

Preparatni iloji boricha qisqa kursda va simptomlarni bartaraf etish uchun zarur bo‘lgan minimal samarali dozada qabul qilish tavsiya etiladi.

Uzoq muddatli davolashda periferik qon manzarasi va jigar hamda buyraklarning funksional holatini nazorat qilish zarur.

Gastroapatiya simptomlari paydo bo‘lsa, diqqatli nazorat talab etiladi, bu esa ezofagogastroduodenoskopiya, umumiy qon tahlili (gemoglobin aniqlash), najasda yashirin qon tahlilini o‘z ichiga oladi.

17-ketosteroidlarni aniqlash zarur bo‘lsa, tadqiqotdan 48 soat oldin preparatni bekor qilish kerak. Davolash davrida etanol qabul qilish tavsiya etilmaydi.

Preparat tarkibida sorbitol bo‘lgani uchun, fruktozani o‘zlashtira olmaslikda preparatni qo‘llash mumkin emas.

Ibuprofen ichga qabul qilish uchun suspenziyasini (bolalar uchun) qandli diabeti bo‘lgan bolalarda qo‘llash mumkin, chunki preparat tarkibida shakar yo‘q. Bo‘yoq moddalar mavjud emas.

Buyrak yetishmovchiligi bo‘lgan bemorlar preparatni qo‘llashdan oldin shifokor bilan maslahatlashishlari zarur, chunki buyraklarning funksional holati yomonlashish xavfi mavjud.

Gipertoniya, shu jumladan anamnezda va/yoki surunkali yurak yetishmovchiligi bo‘lgan bemorlar preparatni qo‘llashdan oldin shifokor bilan maslahatlashishlari zarur, chunki preparat suyuqlik ushlanishi, arterial bosim oshishi va shishlarni chaqirishi mumkin.

Suvchechak bilan kasallangan bemorlarda YOKI bemorlar uchun NPVP qo‘llash teri va teri osti yog‘ to‘qimalarining og‘ir yiringli infeksion-yallig‘lanish asoratlari (masalan, nekrotik fassit) rivojlanish xavfi oshishi bilan bog‘liq bo‘lishi mumkin. Shu sababli, suvchechakda preparatni qo‘llashdan saqlanish tavsiya etiladi.

TRANSPORT VOSITALARINI, MEXANIZMLARNI BOSHQARISH QOBILIYATIGA TA’SIRI. Ibuprofen qabul qilganda bosh aylanishi, uyquchanlik, sekinlashish yoki ko‘rish buzilishi kuzatilgan bemorlar avtomobil haydash yoki mexanizmlarni boshqarishdan saqlanishlari kerak.