-
Tarkibi
5 ml suspenziya tarkibida:
faol modda: ibuprofen 200 mg
yordamchi moddalari: makrogol glitserilgidroksistearat, ksantan saqichi, glitserol, natriy benzoat, natriy fosfat dodekagidrat (yoki digidrat), limon kislotasi monogidrat, natriy saxarinat, suyuq maltitol, "Kola" aromatizatori, tozalangan suv.
-
Qo'llanilishi
Ibufen® Forte isitmani tushiruvchi, og‘riq qoldiruvchi, yallig‘lanishga qarshi ta'sir ko‘rsatadi. Bunday simptomlarni kamaytiradi: tana haroratining ko‘tarilishi, og‘riq va shish, ularning paydo bo‘lish joyida ta'sir ko‘rsatish orqali. Preparat tarkibida shakar yo‘q, shuning uchun diabet bilan og‘rigan shaxslarda qo‘llanilishi mumkin. Ibufen® Forte quyidagi holatlarda qo‘llash uchun mo‘ljallangan:
Turli kelib chiqishli tana haroratining ko‘tarilishi:
sovuq qotish kasalliklarida
o‘tkir respirator virusli infeksiyalarda
grippda
tomoq og‘rig‘i (faringitda)
bolalar infeksiyalarida, tana haroratining ko‘tarilishi bilan kechadigan
emlashdan keyingi reaksiyalarda.
Turli kelib chiqishli, yengil va o‘rtacha intensivlikdagi og‘riq sindromi:
o‘rta quloq yallig‘lanishida quloq og‘rig‘i
tish og‘rig‘i, tish chiqishidagi og‘riq
bosh og‘rig‘i, migren
hayz og‘rig‘i
nevralgiya
revmatik og‘riqlar
mushak, bo‘g‘im og‘riqlari
mushak-tayanch tizimi jarohatlarida.
-
Qo'llash mumkin bo'lmagan holatlar
Ibufen® Forte preparatini quyidagi hollarda qo'llash mumkin emas:
preparatning har qanday komponentiga, shuningdek boshqa nosteroid yallig'lanishga qarshi dori vositalariga individual yuqori sezuvchanlik;
ilgari biror marta asetilsalitsil kislotasi yoki boshqa nosteroid yallig'lanishga qarshi preparatlarni qo'llashdan so'ng allergiya belgilari – burun oqishi, teri toshmalari yoki bronxospastik reaksiyalar paydo bo'lgan bo'lsa;
oshqozon va o'n ikki barmoqli ichak yara kasalligining zo'rayish bosqichida;
jigar, buyrak faoliyatining og'ir yetishmovchiligi;
og'ir yurak yetishmovchiligi (NYHA tasnifi bo'yicha IV sinf);
qon kasalliklari: gemofiliya, gipokoagulyatsiya, gemorragik diatez;
homiladorlikning III trimestrida.
-
Qo'llash usuli
Og'iz orqali qo'llash uchun.
5 ml suspenziya 200 mg ibuprofen saqlaydi.
Iste'mol qilishdan oldin bir hil suspenziya hosil bo'lguncha chayqatilsin.
Dori vositasi ovqatdan keyin, suyuqlik bilan ichiladi.
Qadoqqa ilova qilingan o'lchov stakanidagi shkalasi yordamida preparat aniq dozalash mumkin.
Doza yosh va tana vazniga qarab belgilanadi.
Ibufen® Forte preparatining bir martalik doza bolalar tana vaznining 5-10 mg/kg ni tashkil etadi, kuniga 3-4 marta. Suspenziyaning maksimal sutkalik doza bolalar tana vaznining 20-30 mg/kg ni tashkil etadi. Preparat quyidagi sxema bo'yicha bir martalik dozada buyuriladi:
1 yoshdan 2 yoshgacha bo'lgan bolalar (10-12 kg): bir martalik doza 2,5 ml (100 mg ibuprofen ga teng). Maksimal sutkalik doza 7,5 ml (300 mg ibuprofen).
3 yoshdan 5 yoshgacha bo'lgan bolalar (13-19 kg): bir martalik doza 2,5 ml (100 mg ibuprofen ga teng). Maksimal sutkalik doza 10 ml (400 mg ibuprofen).
6 yoshdan 9 yoshgacha bo'lgan bolalar (20-29 kg): bir martalik doza 5,0 ml (200 mg ibuprofen ga teng). Maksimal sutkalik doza 15 ml (600 mg ibuprofen).
10 yoshdan 12 yoshgacha bo'lgan bolalar (30-39 kg): bir martalik doza 5,0 ml (200 mg ibuprofen ga teng). Maksimal sutkalik doza 20 ml (800 mg ibuprofen).
12 yoshdan katta bolalar va kattalar (40 kg dan ortiq): bir martalik doza 5,0-10,0 ml (200-400 mg ibuprofen ga teng). Maksimal sutkalik doza 30 ml (1200 mg ibuprofen).
Navbatdagi dozalar orasidagi minimal interval 4-6 soatni tashkil etadi.
1 yoshgacha bo'lgan bolalarga dori vositasini faqat shifokor bilan maslahatlashgandan so'ng, uning tavsiyalariga muvofiq qo'llash mumkin.
Preparatni shifokor nazoratisiz 3 kundan ortiq qo'llash tavsiya etilmaydi.
Nojo'ya ta'sirlarni minimal darajaga tushirish uchun preparatni simptomlarni nazorat qilish imkonini beradigan eng kam samarali dozada va eng qisqa zarur muddatda qo'llash tavsiya etiladi.
-
Nojo´ya ta´sirlar
Nojo‘ya ta’sirlar quyidagi aniqlashlarga muvofiq uchrash tezligiga ko‘ra tasniflanadi:
- juda tez-tez: ≥ 1/10
tez-tez: ≥ 1/100 dan < 1/10
to‘g‘ri tez-tez emas: ≥ 1/1000 dan < 1/100
kamdan-kam: ≥ 1/10 000 dan < 1/1000
juda kamdan-kam: < 1/10 000
Ibufen® Forte 2-3 kun davomida qo‘llanganda deyarli nojo‘ya ta’sirlar kuzatilmaydi. Uzoq muddatli qo‘llashda quyidagi nojo‘ya ta’sirlar paydo bo‘lishi mumkin:
Ovqat hazm qilish tizimi tomonidan:
Tez-tez emas: ko‘ngil aynishi, qizish, diareya, qorin og‘rig‘i.
Kamdan-kam: qusish, meteorizm, qabziyat, ovqat hazm qilish yo‘llarining yallig‘lanishi. Juda kamdan-kam: ovqat hazm qilish yo‘llari shilliq qavatining yaralanishi, qon ketish, jigar faoliyatining buzilishi.
Nerv tizimi tomonidan:
Tez-tez emas: bosh og‘rig‘i.
Kamdan-kam: bosh aylanishi, qo‘zg‘aluvchanlik, uyqusizlik, uyquchanlik.
Alohida hollarda quyidagilar tasvirlangan: eshitishning pasayishi, quloqda shovqin, depressiya.
Siydik ajratish tizimi tomonidan:
Kamdan-kam: shish sindromi.
Juda kamdan-kam: o‘tkir buyrak yetishmovchiligi, allergik nefrid, poliuriya, tsistit.
Qon hosil qilish organlari tomonidan:
Juda kamdan-kam: anemiya (shu jumladan gemolitik, aplastik), trombotsitopeniya va trombotsitopenik purpura, agranulotsitoz, leyopeniya.
Allergik reaksiyalar:
Tez-tez emas: teri toshmasi, qichishish, eshakemi.
Juda kamdan-kam: Kvinke shishi, angionevrotik shish, anafilaktoid reaksiyalar, anafilaktik shok, bronxospazm, isitma, ko‘p shaklli ekssudativ eritema, toksik epidermal nekroliz, eozinofiliya, allergik rinit.
Yurak-qon tomir tizimi tomonidan:
YOKI NPVP bilan davolashda paydo bo‘lishi mumkin: yurak yetishmovchiligi, arterial bosimning oshishi, taxikardiya.
Barcha nojo‘ya (g‘ayrioddiy) ta’sirlar, shu jumladan yo‘riqnomada ko‘rsatilmaganlar haqida ham davolovchi shifokorga xabar berish zarur.
-
Farmakologik xususiyatlari
Ibuprofen propion kislotasi hosilasi hisoblanadi. Og‘riq qoldiruvchi, isitmani tushiruvchi va yallig‘lanishga qarshi ta’sir ko‘rsatadi.
Ibuprofenning ta’sir mexanizmi, avvalo, prostaglandinlar biosintezini siklooksigenaza (SOG) — araxidon kislotasini prostaglandinlar, prostatsiklin va tromboksanga aylantirishni tartibga soluvchi ferment — faolligini pasaytirish hisobiga bostirish bilan bog‘liq. Shu bilan birga, araxidon kislotasining siklooksigenaza yo‘li metabolizmining qaytmas tormozlanishi natijasida prostaglandinlar hosil bo‘lishi kamayadi. Yallig‘lanish joyida prostaglandinlar konsentratsiyasining kamayishi bradikinin, endogen pirogenlar, boshqa biologik faol moddalar, kislorod radikallari va azot oksidi (II) hosil bo‘lishining kamayishi bilan kechadi. Bularning barchasi yallig‘lanish jarayonining faolligi pasayishiga (ibuprofenning yallig‘lanishga qarshi effekti) va og‘riq retseptsiyasining kamayishi (analgezik effekt) bilan birga kechadi. Serebrospinal suyuqlikda prostaglandinlar konsentratsiyasining kamayishi tana haroratining normallashuviga olib keladi (antipiretik effekt).
Og‘iz orqali qabul qilingandan so‘ng ibuprofenning 80% dan ortig‘i ovqat hazm qilish traktidan so‘riladi. Preparatning 90% plazma oqsillari (asosan albuminlar) bilan bog‘lanadi.
Och qoringa qabul qilinganda plazmada maksimal konsentratsiyaga erishish davri — 45 daqiqa, ovqatdan so‘ng qabul qilinganda — 1,5-2,5 soat; sinovial suyuqlikda — 2-3 soat, bu yerda plazmaga nisbatan yuqori konsentratsiyalar hosil bo‘ladi.
Preparat organizmda to‘planmaydi.
Ibuprofen asosan jigar orqali metabolizmga uchraydi. Presistem va postsistem metabolizmga uchraydi. So‘rilgandan so‘ng ibuprofenning taxminan 60% farmakologik faol bo‘lmagan shakli sekin-asta faol shaklga aylanadi.
Preparatning 60-90% buyraklar orqali metabolitlar va ularning glyukuron kislotasi bilan birikmalari shaklida, kamroq darajada, o‘t bilan va o‘zgarmagan holda esa 1% dan ko‘p bo‘lmagan miqdorda chiqariladi. Bir martalik doza qabul qilingandan so‘ng preparat 24 soat davomida to‘liq chiqariladi.
-
Maxsus ko'rsatmalar
Ibufen® Forte preparatini qabul qilishdan oldin quyidagi kasalliklar ilgari tasdiqlangan bo‘lsa, shifokor bilan maslahatlashish lozim: bronxial astma, toshma (krapivnitsa), jigar va buyrak kasalliklari, me’da va o‘n ikki barmoqli ichak yarasi anamnezida, arterial gipertenziya. Preparat tarkibida bo‘yoq moddalar yo‘q va bo‘yoqlarga allergik reaksiyalarga moyil bolalarda tavsiya etilgan dozalarda qo‘llanilishi mumkin. Preparatni simptomlarni yengillashtirish uchun zarur bo‘lgan eng qisqa muddat davomida qabul qilish nojo‘ya ta’sirlar xavfini kamaytiradi. Yallig‘lanishga qarshi/og‘riq qoldiruvchi dori vositalarini, masalan, ibuprofenni qabul qilish yurak xuruji yoki insult rivojlanish xavfining biroz oshishi bilan kechishi mumkin, ayniqsa yuqori dozalarda qabul qilinganda. Tavsiya etilgan doza va davolanish davomiyligini oshirmang. Agar sizda yurak bilan bog‘liq muammolar, shu jumladan yurak yetishmovchiligi, stenokardiya (ko‘krak qafasida og‘riq), shuningdek ilgari yurak xuruji, koronar tomirlarga operatsiya, har qanday turdagi insult (shu jumladan «mini-insult» yoki tranzitor ishemik ataka «TIA») bo‘lgan bo‘lsa yoki periferik arteriyalar kasalligi (arteriyalarning torayishi yoki to‘silishi natijasida oyoqlarda qon aylanishining yomonlashuvi) mavjud bo‘lsa; yuqori arterial bosim, qandli diabet, qonda xolesterin miqdorining yuqoriligi, oilada yurak kasalliklari yoki insult bo‘lsa yoki siz cheksangiz, Ibufen® Forte preparatini qabul qilishdan oldin davolanishingizni shifokor yoki farmatsevt bilan muhokama qilishingiz kerak. Og‘ir teri reaksiyalari, ba’zilari o‘lim bilan tugagan, shu jumladan to‘kiluvchi dermatit, Stivens-Djonson sindromi va toksik epidermal nekroliz, juda kam hollarda NPVS guruhiga kiruvchi dori vositalarini qo‘llash bilan bog‘liq xabar qilingan. Ushbu og‘ir reaksiyalar xavfi eng yuqori bo‘lgan davr terapiya boshida, ko‘pchilik hollarda preparatni birinchi oyida kuzatiladi. Dastlabki simptomlar: teri toshmasi, og‘iz shilliq qavatida o‘zgarishlar yoki boshqa gipersensitivlik simptomlari paydo bo‘lganda preparatni qabul qilishni to‘xtatish zarur. Bolalar va o‘smirlarda suvsizlanish bo‘lsa, buyrak yetishmovchiligi xavfi mavjud. Ibuprofen qo‘llanganda toksik ambliopiya (ko‘rish o‘tkirligining pasayishi)ning ayrim hollari qayd etilgan, shuning uchun ko‘rish buzilishlari haqida shifokorga xabar berish lozim. Ushbu preparat ayollarda fertilitetga salbiy ta’sir ko‘rsatishi mumkin bo‘lgan preparatlar (nosteroid yallig‘lanishga qarshi vositalar) guruhiga kiradi. Bu – o‘tkinchi ta’sir bo‘lib, davolash tugagandan so‘ng o‘tib ketadi.
Homiladorlik va laktatsiya davri
Ibuprofenni homiladorlikning dastlabki 6 oyida ehtiyotkorlik bilan va faqat shifokor ko‘rsatmasi bo‘yicha, taxmin qilinadigan foyda va mumkin bo‘lgan xavflar baholangandan so‘ng qo‘llash mumkin. Homiladorlikning oxirgi trimestrida ibuprofenni qo‘llash tavsiya etilmaydi. Ibuprofen ona sutiga kichik miqdorda o‘tishi mumkin. Chaquloqlarda nojo‘ya ta’sirlar holatlari ma’lum emas, biroq ibuprofen bilan davolash davrida emizishni to‘xtatish tavsiya etiladi.
Avtotransport boshqarish va mexanik uskunalarni xizmat ko‘rsatish qobiliyatiga ta’siri
Ibufen® Forte preparatini qabul qilgandan so‘ng transport boshqarish va mexanizmlarga xizmat ko‘rsatishga qarshi ko‘rsatmalar haqida ma’lumot yo‘q.
-
Dozani oshirib yuborilishi
Tavsiya etilganidan yuqori doza dori vositasi qabul qilingan taqdirda, darhol shifokor yoki farmatsevtga murojaat qilish kerak.
Doza oshib ketishi simptomlari: qorin og‘rig‘i, qusish, sustlik, bosh og‘rig‘i, quloqda shovqin, depressiya, uyquchanlik, metabolik atsidoz, koma, gemorragik diatez, arterial bosimning pasayishi, tutqanoq, o‘tkir buyrak yetishmovchiligi, jigar funksiyasining buzilishi, yurak urishining tezlashishi yoki sekinlashishi. Ibuprofenning yuqori dozalari odatda boshqa dori vositalari bir vaqtda qo‘llanilmasa, yaxshi o‘zlashtiriladi.
Doza oshib ketganda ko‘riladigan chora-tadbirlar: me'dani yuvish (faqat preparat qabul qilinganidan keyin bir soat ichida), faollashtirilgan ko‘mir, ishqoriy ichimlik, simptomatik terapiya (kislota-ishqor muvozanatini, arterial bosimni tuzatish).
-
Dorilarning o'zaro ta'siri
Ibufen Forte (boshqa NPVS guruhiga kiruvchi dori vositalari kabi) quyida keltirilgan dori vositalari bilan bir vaqtda qo‘llanilmasligi kerak
- atsetilsalitsil kislotasi, boshqa NPVS va kortikosteroidlar bilan birga qo‘llanganda me’da-ichak yo‘llari tomonidan nojo‘ya ta’sirlar rivojlanish xavfi oshadi
Quyidagi preparatlar bilan bir vaqtda qo‘llashda ehtiyotkorlikka rioya qilish zarur
- antigipertenziv preparatlar va diuretiklar, chunki NPVS bilan birga qo‘llanganda ularning samaradorligi pasayadi
- antitrombotik preparatlar, NPVS qon ivish qobiliyatini kamaytiruvchi preparatlarning ta’sirini kuchaytirishi mumkin
- litiy, metotreksat, digoksin va fenitoin, NPVS ushbu preparatlarning plazmadagi konsentratsiyasini oshirishi mumkin (ularning zardobdagi darajasini davriy nazorat qilish tavsiya etiladi)
- zidovudin, ibuprofen bilan birga qo‘llanganda qon ketish vaqti oshishi mumkin
- antiagregant dori vositalari va selektiv serotonin qayta qabul qilish ingibitorlari (SIOZS), me’da-ichak qon ketishi rivojlanish xavfi yuqori
- mifepriston, NPVS mifepriston qabul qilingandan so‘ng 8-12 kun davomida qo‘llanilmasligi kerak, chunki NPVS uning ta’sirini susaytirishi mumkin
- takrolimus, siklosporin, ibuprofen ushbu dori vositalari bilan birga qo‘llanganda nefrotoksik ta’sir xavfi oshadi
- xinolon antibiotiklari, NPVS va xinolonlarni birga qabul qilayotgan bemorlar tutqanoq rivojlanishi xavfiga duchor bo‘lishi mumkin
- kaliy tejovchi diuretiklar, ibuprofen bilan birga qo‘llanganda giperkaliemiya rivojlanishi mumkin
- probenetsid, sulfinpirazon, ushbu preparatlar ibuprofen chiqarilishini sekinlashtirishi mumkin
Dorilar
Dorixona kosmetikasi
Ona va bola
Tibbiy mahsulotlar
Gigiena va parvarish
Vitaminlar va BFQ
Qo'shimcha mahsulotlar
