5 ml suspenziya tarkibida faol modda - ibuprofen 200 mg, yordamchi moddalari: gipromelloza, ksantan saqichi, glitserin, natriy benzoat, suyuq maltit, natriy sitrat, limon kislotasi monogidrat, natriy saxarinat, natriy xlorid, malinali aromatizator: aromatik komponentlar, triatsetin (E1518), suv; tozalangan suv.

Ibufen® Forte isitmani tushiruvchi, og‘riqni qoldiruvchi, yallig‘lanishga qarshi ta’sir ko‘rsatadi. Bunday simptomlarning namoyon bo‘lishini kamaytiradi: tana haroratining ko‘tarilishi, og‘riq va shish, ularning paydo bo‘lish joyida ta’sir ko‘rsatish orqali. Preparat tarkibida shakar yo‘q, shuning uchun diabet bilan og‘rigan shaxslarda qo‘llanilishi mumkin. Ibufen® Forte quyidagi holatlarda qo‘llash uchun mo‘ljallangan: Turli kelib chiqishli tana haroratining ko‘tarilishi: sovuq tegish kasalliklarida o‘tkir respirator virusli infeksiyalarda grippda angina (faringit)da tana haroratining ko‘tarilishi bilan kechuvchi bolalar infeksiyalarida emlashdan keyingi reaksiyalarda. Turli kelib chiqishli, yengil va o‘rtacha intensivlikdagi og‘riq sindromi: o‘rta quloq yallig‘lanishida quloq og‘rig‘i tish og‘rig‘i, tish chiqishida og‘riq bosh og‘rig‘i, migren hayz og‘rig‘i nevralgiya revmatik og‘riqlar mushak va bo‘g‘imlardagi og‘riqlar mushak-skelet tizimi jarohatlarida.

ibuprofen yoki preparatning boshqa komponentlariga, shuningdek boshqa nosteroid yallig‘lanishga qarshi dori vositalariga yuqori sezuvchanlikbronxial astma, eshakemi, rinit, atsetilsalitsil kislotasi (salitsilatlar) yoki boshqa NYAQV qabul qilish bilan chaqirilganoshqozon-ichak trakti yara shikastlanishi (oshqozon va o‘n ikki barmoqli ichak yara kasalligi)NYAQV bilan davolash bilan bog‘liq oshqozon-ichak qon ketishi yoki perforatsiya anamnezidatserebrovaskulyar yoki boshqa o‘tkir qon ketishigemorragik diatez, etiologiyasi aniqlanmagan gemopoez buzilishi bo‘lgan bemorlargaog‘ir suvsizlanish (qusish, diareya yoki suyuqlik yetarli qabul qilmaslik natijasida)bir vaqtning o‘zida boshqa NYAQV, shu jumladan siklooksigenaza-2 ning spetsifik ingibitorlarini qabul qilishog‘ir buyrak yoki jigar yetishmovchiligiyurak yetishmovchiligining og‘ir darajasiIII homiladorlik trimestribola yoshi 1 yoshgacha, tana vazni 10 kg dan kam bo‘lgan bolalar

Og‘iz orqali qo‘llanadi. 5 ml suspenziya 200 mg ibuprofen saqlaydi. Qabul qilishdan oldin bir hil suspenziya hosil bo‘lguncha chayqatiladi. Dori vositasi ovqatdan keyin, ko‘p miqdorda suyuqlik bilan ichiladi. Aniq dozalash uchun qadoqda shprits ko‘rinishidagi dozator biriktirilgan. Doza bolaning yoshi va tana vazniga qarab belgilanadi. Odatda Ibufen® D Forte preparatining bir martalik doza 7-10 mg/kg tana vazniga to‘g‘ri keladi, maksimal kunlik suspenziya doza 30 mg/kg tana vazniga. Preparat quyidagi sxema bo‘yicha bir martalik dozada buyuriladi: Tana vazni (bemor yoshi) Bir martalik doza Maksimal kunlik doza 10-15 kg (1 dan 3 yoshgacha bo‘lgan bolalar) 2,5 ml (100 mg ibuprofen) 7,5 ml (300 mg ibuprofen) 16-19 kg (4 dan 6 yoshgacha bo‘lgan bolalar) 4 ml (160 mg ibuprofen) 12 ml (480 mg ibuprofen) 20-29 kg (7 dan 9 yoshgacha bo‘lgan bolalar) 5,0 ml (200 mg ibuprofen) 15 ml (600 mg ibuprofen) 30-39 kg (10 dan 12 yoshgacha bo‘lgan bolalar) 5,0-7,5 ml (200-300 mg ibuprofen) 22,5 ml (900 mg ibuprofen) 40 kg dan ortiq (12 yoshdan katta bolalar va o‘smirlar hamda kattalar) 5,0-10 ml (200-400 mg ibuprofen) 30 ml (1200 mg ibuprofen) Maksimal kunlik doza oshirilmasligi kerak. Navbatdagi dozalashlar orasida 6 soatlik interval saqlanishi lozim. Agar simptomlar saqlansa, kuchaysa yoki yangi simptomlar paydo bo‘lsa, bemor shifokorga murojaat qilishi kerak. Preparat shifokor nazoratisiz 3 kundan ortiq qo‘llanilmasligi kerak. Preparat tarkibida shakar yo‘q.

Ko‘pincha ((1/1000 dan (1/100): qizilo‘ngachda kuydiruvchi og‘riq, qorin og‘rig‘i, ko‘ngil aynishi, qusish, diareya, meteorizm, qabziyat, me’da-ichak yo‘llaridan yengil qon ketishi, bu istisno holatlarda anemiyaga olib kelishi mumkin Kamdan-kam ((1/1000 dan (1/100): allergik reaksiyalar teri toshmasi va qichishish bilan, bo‘g‘ilish xurujlari (arterial bosimning pasayishi bilan birga bo‘lishi mumkin), bosh og‘rig‘i, bosh aylanishi, uyqusizlik, qo‘zg‘aluvchanlik, asabiylashish, charchoq hissi, ko‘rish buzilishlari, me’da-ichak yo‘llarida yara paydo bo‘lishi, perforatsiya yoki qon ketish bilan, yara stomatiti, gastrit, kolit va Kron kasalligining kuchayishi Kamdan-kam ((1/10000 dan (1/1000): quloqda shovqin Juda kam ((1/10000): qon hosil bo‘lishining buzilishi (anemiya, leykopeiya, trombotsitopeniya, panstsitopeniya, agranulositoz), nekrotik fassit, og‘ir yuqori sezuvchanlik reaksiyalari: yuz, til va hiqildoq shishi, nafas qisishi, taxikardiya, arterial gipotenziya (anafilaksiya, Kvinke shishi yoki og‘ir shok), psixotik reaksiyalar, depressiya, yurak urishi, yurak yetishmovchiligi, miokard infarkti, insult, bronxial astmaning kuchayishi va bronxospazm, arterial gipertenziya, ezofagit, pankreatit, ichakda diafragma singari torayishlar hosil bo‘lishi, peptik yara, yara perforatsiyasi yoki me’da-ichak yo‘llaridan qon ketishi, melena, qon qusish (ba’zan o‘lim bilan, ayniqsa, keksalarda), yara stomatiti, gastrit, yarali kolit va Kron kasalligining kuchayishi, o‘tkir buyrak yetishmovchiligi, papillonekroz (ayniqsa uzoq muddatli qabulda), qonda siydik miqdorining oshishi va shishlar bilan bog‘liq, jigar funksiyasi buzilishi, terining og‘ir reaksiyalari rivojlanishi mumkin, masalan, buloz reaksiyalar, ko‘p shaklli eritema, toksik epidermal nekroliz, Stivens–Jonson sindromi, aseptik meningit simptomlari: ensa mushaklarining qattiqligi, bosh og‘rig‘i, ko‘ngil aynishi, qusish, isitma yoki orientatsiya buzilishi, ayniqsa, avvaldan autoimmun buzilishlari bo‘lgan bemorlarda (sistemali qizil volchanka, birikma to‘qima aralash kasalligi) Nojo‘ya ta’sirlar paydo bo‘lsa, preparatni qabul qilishni to‘xtatish kerak.

Ibuprofen propion kislotasi hosilasi hisoblanadi. Og‘riq qoldiruvchi, isitmani tushiruvchi va yallig‘lanishga qarshi ta’sir ko‘rsatadi. Ibuprofenning ta’sir mexanizmi, avvalo, prostaglandinlar biosintezini siklooksigenaza (SOG) — araxidon kislotasini prostaglandinlar, prostatsiklin va tromboksanga aylantirishni tartibga soluvchi ferment — faolligini pasaytirish hisobiga bostirish bilan bog‘liq. Shu bilan birga, araxidon kislotasining siklooksigenaza yo‘li metabolizmining qaytmas tormozlanishi natijasida prostaglandinlar hosil bo‘lishi kamayadi. Yallig‘lanish joyida prostaglandinlar konsentratsiyasining kamayishi bradikinin, endogen pirogenlar, boshqa biologik faol moddalar, kislorod radikallari va azot oksidi (II) hosil bo‘lishining kamayishi bilan kechadi. Bularning barchasi yallig‘lanish jarayoni faolligining pasayishiga (ibuprofenning yallig‘lanishga qarshi effekti) va og‘riq retseptsiya kamayishi bilan (analgezik effekt) olib keladi. Serebrospinal suyuqlikda prostaglandinlar konsentratsiyasining kamayishi tana haroratining normallashuviga (antipiretik effekt) olib keladi. Og‘iz orqali qabul qilingandan so‘ng ibuprofenning 80% dan ortig‘i ovqat hazm qilish traktidan so‘riladi. Preparatning 90% plazma oqsillari (asosan, albuminlar) bilan bog‘lanadi. Och qoringa qabul qilinganda plazmada maksimal konsentratsiyaga erishish davri — 45 daqiqa, ovqatdan so‘ng qabul qilinganda — 1,5-2,5 soat; sinovial suyuqlikda — 2-3 soat, bu yerda plazmaga nisbatan yuqoriroq konsentratsiyalar hosil bo‘ladi. Preparat organizmda to‘planmaydi. Ibuprofen asosan jigar orqali metabolizmga uchraydi. Presistem va postsistem metabolizmga uchraydi. So‘rilgandan so‘ng ibuprofenning taxminan 60% farmakologik faol bo‘lmagan shakli sekin-asta faol shaklga aylanadi. Preparatning 60-90% buyraklar orqali metabolitlar va ularning glyukuron kislotasi bilan birikmalari shaklida, kamroq darajada, o‘t bilan va o‘zgarmagan holda esa 1% dan ko‘p bo‘lmagan miqdorda chiqariladi. Bir martalik doza qabul qilingandan so‘ng preparat to‘liq 24 soat ichida chiqariladi.

Ibuprofen (boshqa nosteroid yallig‘lanishga qarshi preparatlar guruhi dori vositalari kabi) quyida keltirilgan dori vositalari bilan bir vaqtda qo‘llanilmasligi kerak: atsetilsalitsil kislotasi; Ibuprofen va atsetilsalitsil kislotasi bilan bir vaqtda davolash tavsiya etilmaydi, chunki nojo‘ya ta’sirlar kuchayishi mumkin. birga qo‘llanganda peroral qandli diabetga qarshi vositalar (sulfonilmochevina hosilalari) va insulinning gipoglikemik ta’sirini kuchaytiradi; mineralokortikoidlar, GKС, estrogenlar, etanolning nojo‘ya ta’sirlarini kuchaytiradi; bir vaqtda qabul qilinganda antatsidlar va kolestiramin ibuprofenning so‘rilishini kamaytiradi; birga qo‘llanganda ibuprofen digoksin, litiy preparatlari, metotreksatning qon zardobidagi konsentratsiyasini oshiradi; ibuprofen siklosporinning plazmadagi konsentratsiyasini va uning gepatotoksik ta’siri rivojlanish ehtimolini oshiradi; birga qo‘llanganda mikrosomal oksidlanish induktorlari (fenitoin, etanol, barbituratlar, rifampitsin, fenilbutazon, tritsiklik antidepressantlar) gidroksillangan faol metabolitlar ishlab chiqarilishini oshiradi, bu esa og‘ir intoksikatsiyalar rivojlanish xavfini oshiradi; mikrosomal oksidlanish ingibitorlari ibuprofenning gepatotoksik ta’siri rivojlanish xavfini kamaytiradi; birga qo‘llanganda ibuprofen vazodilatatorlarning gipotenziyal ta’sirini, furosemid va gidroxlorotiazidning natriyuretik ta’sirini kamaytiradi; birga qo‘llanganda siklosporin va oltin preparatlari ibuprofenning buyraklardagi prostaglandin sinteziga ta’sirini kuchaytiradi, bu esa nefrotoksik ta’sir kuchayishiga olib keladi; bir vaqtda antikoagulyantlar va trombolitik dori vositalari (alteplaza, streptokinaza, urokinaza) bilan qo‘llanganda qon ketish rivojlanish xavfi oshadi; ibuprofen bilan birga qo‘llanganda tsefamandol, tsefoperazon, tsefotetan, valproevaya kislota, plikamitsin gipoprothrombinemiya rivojlanish tez-tezligini oshiradi; ibuprofen urikozurik preparatlar samaradorligini kamaytiradi, bilvosita antikoagulyantlar, antiagregantlar, fibrinolitiklarning ta’sirini kuchaytiradi; kanaltubulyar sekretsiyani bloklovchi dori vositalari birga qo‘llanganda ibuprofenning chiqarilishini kamaytiradi va plazmadagi konsentratsiyasini oshiradi; kofein ibuprofenning analgezik ta’sirini kuchaytiradi.

Ibufen® Forte preparatini qabul qilishdan oldin quyidagi holatlar ilgari tasdiqlangan bo‘lsa, shifokor bilan maslahatlashish kerak: bronxial astma, toshma, jigar va buyrak kasalliklari, oshqozon va o‘n ikki barmoqli ichak yarasi anamnezida, arterial gipertoniya. Preparat bo‘yoq moddalarini o‘z ichiga olmaydi va bo‘yoqlarga allergik reaksiyalarga moyil bolalarda tavsiya etilgan dozalarda qo‘llanilishi mumkin. Preparatni simptomlarni yengillashtirish uchun zarur bo‘lgan imkon qadar qisqa muddat davomida qabul qilish nojo‘ya ta’sirlar xavfini kamaytiradi. Yallig‘lanishga qarshi/og‘riq qoldiruvchi dori vositalarini, masalan, ibuprofenni qabul qilish yurak xuruji yoki insult rivojlanish xavfining biroz oshishi bilan kechishi mumkin, ayniqsa yuqori dozalarda qabul qilinganda. Tavsiya etilgan doza va davolash davomiyligini oshirmang. Agar sizda quyidagi holatlar bo‘lsa, Ibufen® Forte preparatini qabul qilishdan oldin davolashni shifokor yoki farmatsevt bilan muhokama qilishingiz kerak: yurak bilan bog‘liq muammolar, shu jumladan yurak yetishmovchiligi, stenokardiya (ko‘krak qafasida og‘riq), shuningdek, ilgari yurak xuruji, koronar tomirlarda operatsiya, har qanday turdagi insult (shu jumladan "mini-insult" yoki tranzitor ishemik ataka "TIA") yoki periferik arteriyalar kasalligi (arteriyalarning torayishi yoki to‘silishi natijasida oyoqlarda qon aylanishining yomonlashuvi); arterial bosimning oshishi, qandli diabet, qonda xolesterin miqdorining yuqoriligi, oilada yurak kasalliklari yoki insult bo‘lishi yoki siz chekuvchi bo‘lsangiz. Og‘ir teri reaksiyalari, ba’zilari o‘lim bilan yakunlangan, shu jumladan to‘kiluvchi dermatit, Stivens-Djonson sindromi va toksik epidermal nekroliz, juda kam hollarda NPVS guruhiga kiruvchi dori vositalarini qo‘llash bilan bog‘liq xabar qilingan. Ushbu og‘ir reaksiyalar paydo bo‘lishining eng yuqori xavfi davolash boshida, ko‘pincha preparatni birinchi oyida kuzatiladi. Birinchi simptomlar: teri toshmasi, og‘iz shilliq qavatida o‘zgarishlar yoki boshqa gipersensitivlik simptomlari paydo bo‘lganda preparatni qabul qilishni to‘xtatish zarur. Suvsizlanish bo‘lgan bolalar va o‘smirlarda buyrak yetishmovchiligi xavfi mavjud. Ibuprofen qo‘llanilganda toksik ambliopiya (ko‘rish o‘tkirligining pasayishi)ning alohida hollari qayd etilgan, shuning uchun ko‘rish buzilishlari haqida shifokorga xabar berish kerak. Ushbu preparat ayollarda fertilitetga salbiy ta’sir ko‘rsatishi mumkin bo‘lgan preparatlar (nosteroid yallig‘lanishga qarshi vositalar) guruhiga kiradi. Bu – o‘tkinchi ta’sir bo‘lib, davolash tugagandan so‘ng o‘tib ketadi. Homiladorlik va laktatsiya davri Ibuprofenni homiladorlikning dastlabki 6 oyida ehtiyotkorlik bilan va faqat shifokor ko‘rsatmasi bo‘yicha, taxmin qilinadigan foyda va mumkin bo‘lgan xavflar baholangandan so‘ng qo‘llash mumkin. Homiladorlikning oxirgi trimestrida ibuprofenni qo‘llash tavsiya etilmaydi. Ibuprofen ona sutiga kichik miqdorda o‘tishi mumkin. Go‘daklarda nojo‘ya ta’sirlar holatlari ma’lum emas, biroq ibuprofen bilan davolash davrida emizishni to‘xtatish tavsiya etiladi. Avtotransport boshqarish va mexanik uskunalarni xizmat ko‘rsatish qobiliyatiga ta’siri Ibufen® Forte preparatidan so‘ng transport boshqarish va mexanizmlarga xizmat ko‘rsatishga qarshi ko‘rsatmalar haqida ma’lumot yo‘q.

Agar dori preparatining tavsiya etilganidan yuqori dozasini qabul qilgan bo‘lsangiz, darhol shifokor yoki farmatsevtga murojaat qilishingiz kerak. Dozani oshirib yuborish simptomlari: qorin og‘rig‘i, qusish, sustlik, bosh og‘rig‘i, quloqlarda shovqin, depressiya, uyquchanlik, metabolik atsidoz, koma, gemorragik diatez, arterial bosimning pasayishi, tutqanoq, o‘tkir buyrak yetishmovchiligi, jigar funksiyasining buzilishi, yurak urishining tezlashishi yoki sekinlashishi. Ibuprofenning yuqori dozalari odatda boshqa dori vositalari bir vaqtda qo‘llanilmaganda yaxshi o‘zlashtiriladi. Dozani oshirib yuborishda ko‘riladigan chora-tadbirlar: me'dani yuvish (faqat preparatni qabul qilgandan keyin bir soat ichida), faollashtirilgan ko‘mir, ishqoriy ichimlik, simptomatik terapiya (kislota-ishqor muvozanatini, arterial bosimni tuzatish).