faol modda: glyukoza suvdan xoli hisobda – 100, 250 yoki 400 g; yordamchi moddalari: natriy xloridi - 0,26, xlorid kislota eritmasi 0,1 M pH 3,0 - 4,1 gacha; in'ektsiya uchun suv 1000 ml gacha.

Glyukoza eritmasi (10%) gipoglikemiya va jigar kasalliklarida (gepatitlar, sirrozlar, jigar komasi), osmotherapiya maqsadida diurez yetishmovchiligida, kollaps va shokda, og'ir infeksion kasalliklarda, yurak faoliyatining dekompensatsiyasida, turli intoksikatsiyalarda (narkotiklar, sianidlar, uglerod oksidi va boshqalar bilan zaharlanish), gemorragik diatezlarda, parenteral oziqlantirish uchun qo'llaniladi. Glyukoza eritmalari mustaqil ravishda yoki ko'rsatmalarga ko'ra boshqa dori vositalari (natriy xlorid, kaliy xlorid, NaEDTA va boshqalar) bilan birga, shuningdek, dori vositalarini suyultirish uchun ishlatilishi mumkin. 25%, 40% glyukoza eritmalari gipoglikemiya va jigar kasalliklarida (gepatitlar, sirrozlar, jigar komasi), osmotherapiya maqsadida diurez yetishmovchiligida, kollaps va shokda, og'ir infeksion kasalliklarda, yurak faoliyatining dekompensatsiyasida, turli intoksikatsiyalarda (narkotiklar, sianidlar, uglerod oksidi va boshqalar bilan zaharlanish), gemorragik diatezlarda qo'llaniladi. To'liq yoki qisman parenteral oziqlantirish. Glyukoza eritmalari mustaqil ravishda yoki ko'rsatmalarga ko'ra boshqa dori vositalari (natriy xlorid, kaliy xlorid, NaEDTA va boshqalar) bilan birga, shuningdek, dori vositalarini suyultirish uchun ishlatilishi mumkin.

Nisbiy qarshi ko'rsatma qandli diabetda giperglikemiyadir.

Gipertonik glyukoza eritmasi (10%) faqat vena ichiga 10-50 ml bir martalik yoki tomchilab kuniga 300 ml gacha yuboriladi. Zaruriyat tug‘ilganda gipertonik glyukoza eritmasining katta hajmlarini yuborishga ruxsat etiladi. Katta miqdorda yuborilayotgan glyukozaning to‘liqroq o‘zlashtirilishi uchun bir vaqtda insulin buyuriladi: 1 birlik insulin 4-5 g glyukozaga. Diabet bilan kasallangan bemorlarga glyukoza ehtiyotkorlik bilan, qonda va siydikda shakar miqdorini nazorat qilgan holda yuboriladi. Gipertonik glyukoza eritmasi (25% va 40%) faqat vena ichiga 10-50 ml bir martalik yoki tomchilab kuniga 300 ml gacha yuboriladi. Zaruriyat tug‘ilganda gipertonik glyukoza eritmasining katta hajmlarini yuborishga ruxsat etiladi. Katta miqdorda yuborilayotgan glyukozaning to‘liqroq o‘zlashtirilishi uchun bir vaqtda insulin buyuriladi: 1 birlik insulin 4-5 g glyukozaga. Diabet bilan kasallangan bemorlarga glyukoza ehtiyotkorlik bilan, qonda va siydikda shakar miqdorini nazorat qilgan holda yuboriladi.

Allergik reaksiyalar: allergik reaksiyalar (gipertermiya, terida toshmalar, angionevrotik shish (Kvincke shishi), shok). Markaziy asab tizimi tomonidan: juda kam hollarda ongning chalkashishi yoki yo‘qolishi, tutqanoq holatlar tiamin yetishmovchiligida alkogoliklarda (Vernike sindromida). Yurak-qon tomir tizimi tomonidan: o‘tkir chap qorincha yetishmovchiligi. Endokrin tizimi va metabolizm tomonidan: giperglikemiya, gipokaliemiya, gipofosfatemiya, gipomagneziya. Siydik ajratish tizimi tomonidan: poliuriya, glikozuriya. Ovqat hazm qilish tizimi tomonidan: polidipsiya, ko‘ngil aynishi. Organizmning umumiy reaksiyalari: gipervolemiya, isitma, toshqinlik hissi va terining qizarishi. Mahalliy reaksiyalar: yuborilgan joyda og‘riq va kuydiruvchi hissi, giperfermiya, flebit.

Glyukoza organizmdagi oksidlanish-qaytarilish jarayonlarini kuchaytiradi, jigarni antitoksik funksiyasini yaxshilaydi, yurak mushaklarining qisqaruvchan faoliyatini kuchaytiradi, bir qator patologik holatlarda organizm zaxiralari hisobidan ketadigan energiya sarfini qoplaydi. Glyukoza eritmasi suv tanqisligini tezda to'ldiradi. Konsentrlangan glyukoza eritmasi (10%) aniq osmoyik ta'sir ko'rsatadi, natijada qonni osmoyik bosimi oshadi, to'qimalardan qonga suyuqlik oqimi kuchayadi, tomirlar kengayadi, diurez kuchayadi. Vena ichiga gipertonik eritmalar (25%, 40%) yuborilganda qonni osmoyik bosimi oshadi, to'qimalardan qonga suyuqlik oqimi kuchayadi, moddalar almashinuvi jarayonlari kuchayadi, jigarni antitoksik funksiyasi yaxshilanadi, yurak mushaklarining qisqaruvchan faoliyati kuchayadi, tomirlar kengayadi, diurez oshadi.