1 ml sirop quyidagilarni o‘z ichiga oladi: Faol modda - quruq ko‘katar barglari ekstrakti (5-7,5 1) 7 mg; Yordamchi moddalari: suyuq sorbitol (E420), glitserol (E422), natriy benzoat (E211), limon kislotasi monogidrat (E330), balzam aromatik**, tozalangan suv. *Ko‘katar barglari quruq ekstrakti (5-7,5 1) ko‘katar barglaridan (Hedera helix L., Araliaceae oilasi, folium) va 30% etanoldan (ekstragent) tayyorlangan. Balzam aromatik quyidagilarni o‘z ichiga oladi: propilenglikol (E1520), etanol, sitronella yog‘i, sitral, limon yog‘i, koriandr yog‘i.

Dori vositasi balg‘am ko‘chiruvchi vosita sifatida quyidagi hollarda qo‘llaniladi: - yo‘tal, ko‘p miqdorda balg‘am ajralishi, nafas olish qiyinlishuvi bilan kechadigan nafas yo‘llarining o‘tkir yallig‘lanish kasalliklari terapiyasida; - bronxlarning surunkali yallig‘lanish kasalliklarining simptomlarini yengillashtirishda.

Preparatning har qanday komponentiga yuqori sezuvchanlik, tug‘ma fruktozani o‘zlashtira olmaslik.

Gerbion® ko‘katar siropi ko‘katar barglarining quruq ekstraktini o‘z ichiga oladi, u sekretolitik va bronxolitik ta’sir ko‘rsatadi. Preparatning asosiy komponentlari – triterpen saponinlar, asosan, gederaoksid C va alfa gederin. Ko‘katar barglari quruq ekstraktining spazmolitik ta’siri hayvonlar ustida o‘tkazilgan tajribalarda isbotlangan, izolyatsiyalangan o‘pka epiteliy hujayralari (A549 liniyasi) bilan o‘tkazilgan tadqiqotlarda alfa gederin beta2-adrenoretseptorlarda endotsitozni bostirishi aniqlangan, bu esa bronx mushaklari va o‘pka epiteliyidagi beta2-adrenoreseptorli hujayralar faolligining oshishiga olib keladi. Natijada bronx mushaklarida hujayra ichidagi kalsiy miqdori oshadi va bronxlar bo‘shashadi. Beta2-adrenoretseptorlarni stimulyatsiya qilish natijasida II tip alveolyar epiteliy hujayralari ko‘proq surfaktant ishlab chiqaradi, natijada balg‘amning quyuqligi kamayadi, balg‘am ajralishi yaxshilanadi va yo‘tal intensivligi kamayadi.

Nafas yo‘llari kasalliklarida, nafas olish qiyinlashuvi, isitma, surunkali yo‘tal yoki balg‘amda qon aralashmasi bo‘lsa, darhol shifokorga murojaat qilish zarur. Agar davolash boshlanganidan 7 kun o‘tgach bemorning ahvoli yaxshilanmasa, shifokorga murojaat qilish kerak. Gerbion® ko‘katar siropi tarkibida sorbitol (E420) mavjud. Preparat tug‘ma fruktoza intoleransiyasi bo‘lgan bemorlarga qo‘llash mumkin emas. Avtotransport va boshqa murakkab mexanizmlarni boshqarish qobiliyatiga ta’siri haqida ma’lumot yo‘q, shuningdek, yuqori diqqat va tez psixomotor reaksiyalar talab qiladigan texnik qurilmalar bilan ishlashga ta’siri haqida ham ma’lumot yo‘q. Preparatni bolalar ololmaydigan joyda saqlash va yaroqlilik muddati tugagandan so‘ng ishlatmaslik kerak. Homilador ayollarda ko‘katar barglari quruq ekstraktini qo‘llash bo‘yicha yetarli ma’lumot yo‘q, shuning uchun Gerbion® ko‘katar siropini homiladorlik va emizish davrida qo‘llash tavsiya etilmaydi.