Har 5 ml siropda (1 o‘lchov qoshiq) 1,03 g primula ildizi suyuq suvli ekstrakti (Primulae radicis extractum aquosum fluidum) 1:2-4,6; 2,06 g bog‘rayhon o‘ti suyuq suvli ekstrakti (Thymi herbae extractum aquosum fluidum) 1:3,3; 0,62 mg levomentol (Levomentholum) mavjud. Yordamchi moddalar: levomentol, saxaroza, metilparagidrokisibenzoat E218.

Gerbion® primula siropi - o‘simlikdan olingan dori vositasi bo‘lib, respirator yallig‘lanish kasalliklarida (bronxitlar, faringitlar) qalin bronxial sekretsiyaning ajralishi qiyinlashgan hollarda, shuningdek, shamollash va grippda yo‘tal bilan kechadigan holatlarda balg‘am ajralishini yengillashtirish uchun tavsiya etiladi.

Faol yoki yordamchi moddalarga yuqori sezuvchanlik. Sirop gastrit va me'da yarasida qabul qilinishi tavsiya etilmaydi.

Preparat og‘iz orqali, yetarli miqdorda iliq suv yoki choy bilan ichiladi. 4 yoshdan 10 yoshgacha bo‘lgan bolalar - 1 o‘lchov qoshiq (5 ml) siropdan kuniga 3 marta. 10 yoshdan 16 yoshgacha bo‘lgan bolalar - 1-2 o‘lchov qoshiq (5-10 ml) siropdan kuniga 3 marta. Kattalar va 16 yoshdan katta bolalar - 2 o‘lchov qoshiq (10 ml) siropdan kuniga 3-4 marta.

Gerbion primula siropini qabul qilishda mumkin bo‘lgan nojo‘ya ta’sirlar ularning yuzaga chiqish tez-tezligiga qarab guruhlarga ajratilgan: juda tez-tez (> 1/10), tez-tez (> 1/100 va < 1/10), kamdan-kam (> 1/1000 va < 1/100), kam (> 1/10000 va < 1/1000), juda kam (< 1/10000, yakka xabarlarni o‘z ichiga oladi). Har bir guruhda nojo‘ya ta’sirlar ularning og‘irligi kamayish tartibida keltirilgan. Organlar va tizimlar bo‘yicha nojo‘ya ta’sirlar Immun tizimi tomonidan Kamdan-kam hollarda preparat komponentlariga gipersensitivlik. Ovqat hazm qilish tizimi tomonidan Juda kam hollarda oshqozon buzilishlari, ko‘ngil aynishi va diareya. Og‘ir nojo‘ya reaksiyalar rivojlanishida preparat bilan davolashni to‘xtatish kerak.

Siropning faol moddalari so‘rilishi, taqsimlanishi va metabolizmi bo‘yicha farmakokinetik tadqiqotlar o‘tkazilmagan, chunki aynan qaysi modda va qaysi darajada ma'lum bir ta'sir rivojlanishiga hissa qo‘shishi noma'lum. Primula ildizining saponinlari farmakokinetikasi bo‘yicha ma'lumotlar mavjud emas. Faqatgina oshqozon-ichak traktida saponinlarning ahamiyatsiz miqdori so‘rilishi ma'lum. Timyan ekstrakti peroral qabul qilinganda, asosiy faol komponent - efir moyi - tez so‘riladi. Moyning maksimal plazma konsentratsiyasi 1,97 soatdan keyin erishiladi. Inson organizmida timol metabolizmga uchraydi. Qon plazmasida asosan sulfat shaklida, erkin timol emas. Timyan efir moyining bir qismi yoki timol siydik bilan sulfat va glyukuronid shaklida chiqariladi. Levomentol yog‘larda oson eriydi va shuning uchun ichak shilliq qavati orqali faol so‘riladi, qonga tushadi va jigarga yetib boradi. Jigarda u avval gidroksillanadi, so‘ngra glyukuron kislotasi bilan birikadi. U organizmdan o‘t va buyraklar orqali chiqariladi. 24 soat ichida peroral yuborilgan levomentol dozasining taxminan 35-50% siydik bilan chiqariladi. Preparatning samaradorligi klinik sinovlarda isbotlanmagan. U farmakologik tadqiqotlar va ko‘p yillik amaliy tajribaga asoslanadi (samaradorlik isboti darajasi IV). Gerbion primula siropi tarkibida primula ildizi (Primula veris L. va/yoki Primula elatior Hill) suvli ekstrakti, bog‘ timyani o‘ti (Thymus vulgaris L.) va levomentol mavjud. Ushbu komponentlarning faol moddalari nafas yo‘llari yallig‘lanish kasalliklari, shamollash va grippda quyuq bronxial sekretning chiqishini osonlashtiradi. Yuqori saponin miqdori tufayli primula ildizi ekpektorant sifatida qo‘llaniladi. Saponinlar oshqozon shilliq qavatini stimulyatsiya qiladi va vagus refleksi orqali bronxial sekretsiyani kuchaytiradi, bronxial shilliqni suyultiradi va uning chiqishini osonlashtiradi. Saponinlarning sirtaktivligi, ya'ni monomolekulyar plyonka hosil qilishi, ularga rotaglotkadan butun nafas yo‘llari shilliq qavatiga bir tekis taqsimlanish va bronxial shilliqni suyultirish bo‘yicha mahalliy ta'sir ko‘rsatish imkonini beradi. Bog‘ timyani o‘ti efir moylari tarkibi tufayli balg‘am ko‘chiruvchi va bronxospazmolitik ta'sir ko‘rsatadi, ularning asosiy qismi o‘pka orqali chiqariladi. O‘pkaga yo‘lda preparat shilliq sekretsiyasini kuchaytiradi va uning chiqishini osonlashtiradi, shu bilan birga respirator trakt silliq mushaklariga yengil spazmolitik ta'sir ko‘rsatadi. Timol, timyan efir moylarining asosiy komponenti, antiseptik ta'sirga ham ega. Levomentol antiseptik va og‘riq qoldiruvchi ta'sir ko‘rsatadi va ko‘pincha bronxit va sinusitda qo‘llaniladi.

Gerbion® primula siropi saxaroza saqlaydi va shuning uchun qandli diabet bilan kasallangan odamlarga tavsiya etilmaydi. Sirop, shuningdek, qo‘llash tajribasi yetarli emasligi sababli, 4 yoshgacha bo‘lgan bolalarga berish tavsiya etilmaydi. Avtomobil va boshqa mashinalarni boshqarish qobiliyatiga ta’siri Preparat avtomobil boshqarish va texnik qurilmalar bilan ishlash qobiliyatiga ta’sir qilmaydi. Gerbion® primula siropining boshqa ingredientlari haqida muhim ma’lumot Gerbion® primula siropi saxaroza saqlaydi. Fruktozani o‘zlashtira olmaslikning kam uchraydigan irsiy muammolari, saxaroza-izomaltaza yetishmovchiligi yoki glyukoza-galaktoza so‘rilishining buzilishi bo‘lgan bemorlarga preparatni qabul qilish tavsiya etilmaydi. Metil parahidroksibenzoat (E218) allergik reaksiyalar (ehtimol sekin rivojlanadigan) keltirib chiqarishi mumkin. Preparatni homiladorlik va emizish davrida qo‘llash xavfsizligi bo‘yicha ma’lumotlar yo‘qligi sababli, homilador va emizikli ayollarga uni qabul qilish tavsiya etilmaydi.