1 flakon liofilizat quyidagilarni o'z ichiga oladi: 
Faol modda: ademetionin 1,4-butandisulfonat 760 mg   (mos ravishda    400        mg             ademetionin kationiga). 
Ergatuvchi ampula quyidagilarni o'z ichiga oladi: 

Faol modda: L-lizin (suvsiz hisobda) – 324,4 mg      
Yordamchi modda: natriy gidroksid; in'ektsiya uchun suv 5 ml gacha.

Jigar ichidagi xolestaz pretsirrotik va sirrotik holatlarda, quyidagi kasalliklarda kuzatilishi mumkin:

o jigarning yog'li distrofiyasi;

o surunkali gepatit;

o turli etiologiyali jigarning toksik shikastlanishlari, shu jumladan, alkogolli, virusli, dori vositalari (antibiotiklar; o'smaga qarshi, silga qarshi va virusga qarshi preparatlar, tritsiklik antidepressantlar, og'iz orqali qabul qilinadigan kontratseptivlar);

o surunkali toshsiz xoletsistit;

o xolangit;

o jigar sirrozi;

o entsefalopatiya, shu jumladan, jigar yetishmovchiligi bilan bog'liq (alkogolli va boshqalar).

· Homiladorlardagi jigar ichidagi xolestaz.

· Depressiya simptomlari.

Metionin sikliga ta'sir qiluvchi va/yoki gomotsistinuriyani va/yoki gipergomotsisteinemiyani (tsistationin beta-sintaza yetishmovchiligi,

tsianokobalamin metabolizmining buzilishi);

Preparatning har qanday komponentiga yuqori sezuvchanlik;

18 yoshgacha bo'lgan yosh (bolalarda tibbiy qo'llash tajribasi cheklangan);

Bipolyar buzilishlar.

Extiyotkorlik bilan: homiladorlik (I trimestr) va emizish davri (faqat onaga bo'lgan potentsial foyda homila yoki bolaga bo'lgan mumkin bo'lgan xavfdan ustun bo'lsa qo'llash mumkin). Selektiv serotonin qayta qabul qilinishining ingibitorlari (SSRI), tritsiklik antidepressantlar (masalan, klomipramin), shuningdek, o'simlik preparatlari va triptofan saqlovchi preparatlar bilan bir vaqtda qabul qilish (qarang «Boshqa dori vositalari bilan o'zaro ta'siri» bo'limi). Qariyalar yoshi. Buyrak yetishmovchiligi.

Vena ichiga va mushak ichiga. Qo‘llashdan oldin liiofilizat mushak ichiga va vena ichiga yuborish uchun biriktirilgan erituvchi yordamida eritilishi kerak. Preparatning qolgani utilizatsiya qilinishi lozim. 

Vena ichiga yuborish uchun mos dozani keyinchalik 250 ml fiziologik eritmada yoki 5 % glyukoza eritmasida eritib, 1-2 soat davomida sekin yuborish kerak. Preparatni ishqoriy eritmalar va kalsiy ionlarini o‘z ichiga olgan eritmalar bilan aralashtirish mumkin emas. Agar liiofilizat rangi deyarli oqdan oqgacha yoki sarg‘ish tusli bo‘lmasa (flakon yorilishi yoki issiqlik ta’siri natijasida), Gepta preparatini ishlatish tavsiya etilmaydi. 

Boshlang‘ich terapiya. Tavsiya etiladigan doza 5-12 mg/kg/kun vena ichiga yoki mushak ichiga yuboriladi. 
Depressiya: 400 mg/kun dan 800 mg/kun gacha (kuniga 1-2 flakon) 15-20 kun davomida. 
Jigar ichidagi xolestaz: 400 mg/kun dan 800 mg/kun gacha (kuniga 1-2 flakon) 2 hafta davomida. 

Keksalar. Gepta preparatini klinik qo‘llash tajribasi keksalar va yoshroq bemorlarda samaradorlikda farq aniqlamadi. Biroq, jigar, buyrak yoki yurak funksiyasining buzilishi, boshqa hamroh patologiyalar yoki boshqa dori vositalari bilan birga davolash ehtimoli yuqoriligini hisobga olib, Gepta preparati dozasini keksalarda ehtiyotkorlik bilan, doza diapazonining pastki chegarasidan boshlab tanlash kerak.

 Buyrak yetishmovchiligi. Gepta preparatini buyrak yetishmovchiligi bo‘lgan bemorlarda qo‘llash bo‘yicha cheklangan klinik ma’lumotlar mavjud, shuning uchun bunday bemorlarda Gepta preparatini ehtiyotkorlik bilan qo‘llash tavsiya etiladi. 

Jigar yetishmovchiligi. Ademetionin farmakokinetikasi parametrlari sog‘lom ko‘ngillilar va surunkali jigar kasalliklari bo‘lgan bemorlarda o‘xshash. 

Bolalar: Gepta preparatini bolalarda qo‘llash mumkin emas (samaradorligi va xavfsizligi aniqlanmagan).

Ademetionin gepatoprotektorlar guruhiga kiradi, shuningdek, antidepressiv faollikka ega. Xoleretik va xolekinetik ta’sir ko‘rsatadi, detoksikatsion, regeneratsion, antioksidant, antifibroz va neyroprotektiv xususiyatlarga ega. 
S-adenozil-L-metionin (ademetionin) yetishmovchiligini to‘ldiradi va uning organizmdagi ishlab chiqarilishini rag‘batlantiradi, barcha organizm muhitlarida mavjud. Ademetioninning eng yuqori konsentratsiyasi jigar va miyada aniqlangan. Organizmning metabolik jarayonlarida muhim rol o‘ynaydi, muhim biokimyoviy reaksiyalarda ishtirok etadi: transmetillanish, transsulfuratsiya, transaminatsiya. Transmetillanish reaksiyalarida ademetionin hujayra membranalari fosfolipidlari, neyrotransmitterlar, nuklein kislotalar, oqsillar, gormonlar va boshqalarni sintez qilish uchun metil guruhini donorlik qiladi. Transsulfuratsiya reaksiyalarida ademetionin sistein, taurin, glyutation (hujayra detoksikatsiyasining oksidlanish-qaytarilish mexanizmini ta’minlaydi), koenzim A (trikarboksil kislotalar sikli biokimyoviy reaksiyalarida ishtirok etadi va hujayraning energetik potensialini to‘ldiradi) ning oldingi moddasidir. Jigar hujayralarida glyutamin, plazmada sistein va taurin miqdorini oshiradi; zardobda metionin miqdorini kamaytiradi, jigar metabolik reaksiyalarini normallashtiradi. Dekarboksillangandan so‘ng aminopropillanish reaksiyalarida ishtirok etadi, poliaminlar – putresin (hujayra regeneratsiyasi va gepatositlar proliferatsiyasi stimulyatori), spermidin va spermin (ribosoma tuzilmasiga kiradi) ning oldingi moddasidir, bu esa fibrozlash xavfini kamaytiradi. 

Xoleretik ta’sir ko‘rsatadi. 

Ademetionin gepatositlarda endogen fosfatidilxolinni sintezini normallashtiradi, bu membranalarning suyuqligi va polyarizatsiyasini oshiradi. Bu gepatosit membranalari bilan bog‘liq safro kislotalari transport tizimlari funksiyasini yaxshilaydi va safro kislotalarining safro yo‘llariga o‘tishini osonlashtiradi. Intralobulyar xolestaz (safro sintezi va oqimi buzilishi)da samaralidir. Ademetionin gepatositdagi safro kislotalarining toksikligini ularni kon’yugatsiya va sulfatlash orqali kamaytiradi. Taurin bilan kon’yugatsiya safro kislotalarining eruvchanligini oshiradi va ularni gepatositdan chiqarilishini osonlashtiradi. Safro kislotalarining sulfatlanish jarayoni ularning buyraklar orqali chiqarilish imkoniyatini oshiradi, gepatosit membranasi orqali o‘tishini va safro bilan chiqarilishini osonlashtiradi. 

Bundan tashqari, sulfatlangan safro kislotalarining o‘zi ham jigar hujayralari membranalarini sulfatlanmagan safro kislotalarining toksik ta’siridan (intrahepatik xolestazda gepatositlarda yuqori konsentratsiyada bo‘ladi) qo‘shimcha himoya qiladi. Diffuz jigar kasalliklari (sirroz, gepatit) va intrahepatik xolestaz sindromi bo‘lgan bemorlarda ademetionin teri qichishishi va biokimyoviy ko‘rsatkichlar, jumladan, to‘g‘ri bilirubin konsentratsiyasi, shuningdek, shchelochnoy fosfataza, aminotransferazlar va boshqalar faolligi o‘zgarishlarini kamaytiradi. Xoleretik va gepatoprotektiv ta’siri davolash to‘xtatilgandan so‘ng 3 oygacha saqlanib turadi.     

Turli gepatotoksik preparatlar bilan bog‘liq gepatopatiyalarda samaradorligi ko‘rsatilgan. Antidepressiv faollik asta-sekin namoyon bo‘ladi, davolashning birinchi haftasi oxiridan boshlab, 2 hafta davomida barqarorlashadi.

Dorining tonizlovchi ta’sirini hisobga olib, uni uxlashdan oldin qabul qilish tavsiya etilmaydi. Gep­ta preparatini giperozotemiya fonida jigar sirrozi bo‘lgan bemorlarda qo‘llashda qon tarkibidagi azot miqdorini tizimli nazorat qilish zarur. Uzoq muddatli davolashda qonda siydik shirasi va kreatinin miqdorini aniqlash kerak. 
Ademetionin qabul qilgan bemorlarda depressiyaning gipomaniya yoki maniyaga o‘tishi haqida xabarlar mavjud.  Depressiyali bemorlarda o‘z joniga qasd qilish va boshqa jiddiy nojo‘ya hodisalar xavfi yuqori bo‘ladi, shuning uchun ademetionin bilan davolash vaqtida bunday bemorlar depressiya simptomlarini baholash va davolash uchun doimiy shifokor nazoratida bo‘lishi kerak. Bemorlar, agar ularda depressiya simptomlari ademetionin bilan davolashda kamaymasa yoki      kuchaysa, shifokorga xabar berishlari kerak. Shuningdek, ademetionin qabul qilgan bemorlarda to‘satdan bezovtalik paydo bo‘lishi yoki kuchayishi haqida xabarlar mavjud. Ko‘pchilik hollarda davolashni to‘xtatish talab qilinmaydi, ayrim hollarda bezovtalik doza kamaytirilganda yoki preparat bekor qilinganda yo‘qolgan. Sianokobalamin va foliy kislotasi yetishmovchiligi xavf guruhidagi bemorlarda (anemiya, jigar kasalliklari, homiladorlik yoki vitamin yetishmovchiligi ehtimoli, boshqa kasalliklar yoki dieta, masalan, vegetarianlarda) ademetionin miqdorini kamaytirishi mumkin, shuning uchun plazmadagi vitaminlar miqdorini nazorat qilish kerak. Agar yetishmovchilik aniqlansa, ademetionin bilan davolashni boshlashdan oldin yoki bir vaqtda sianokobalamin va foliy kislotasini qabul qilish tavsiya etiladi.    

Immunologik tahlilda ademetionin qo‘llanilishi qon tarkibida gomo­sistein yuqori ko‘rsatkichini noto‘g‘ri aniqlashga olib kelishi mumkin. 

Ademetionin qabul qilayotgan bemorlarda gomosistein miqdorini aniqlash uchun immunologik bo‘lmagan tahlil usullaridan foydalanish tavsiya etiladi. 

Gep­ta preparatining bir flakoni li­ofilizat, tomir ichiga va mushak ichiga yuborish uchun eritma tayyorlash uchun, 400 mg/5 ml, 6,61 mg natriy saqlaydi, bu 16,8 mg osh tuzidagi natriy miqdoriga teng va kattalar uchun tavsiya etilgan maksimal kunlik natriy iste’molining 0,3 % ini tashkil etadi.

Homiladorlik yoki emizish davrida qo‘llash

Klinik tadqiqotlarda ademetionin III trimestrda qo‘llanilganda hech qanday nojo‘ya ta’sirlar aniqlanmagan. Gep­ta preparatini homiladorlikning I trimestrida va emizish davrida qo‘llash    faqat onaga bo‘lgan potentsial foyda homila yoki bolaga bo‘lgan mumkin bo‘lgan xavfdan ustun bo‘lsa mumkin.

Avtotransport yoki boshqa mexanizmlarni boshqarishda reaksiya tezligiga ta’sir qilish qobiliyati

Ba’zi bemorlarda Gep­ta preparatini qabul qilishda bosh aylanishi paydo bo‘lishi mumkin.    Preparatni qabul qilish vaqtida bemor ushbu faoliyat turlarini bajarish qobiliyatiga ta’sir qilmasligiga ishonch hosil qilmaguncha, avtomobil boshqarish va mexanizmlar bilan ishlash tavsiya etilmaydi.