Yuzaki venalarning tromboflebiti, yuzaki periflebiti; teri osti gematomasi; in'ektsiyadan va infuziyadan keyingi flebit; yuzaki mastit; lokalizatsiyalangan infiltratlar va shishlar, jarohatlar va lat yeyishlar (shu jumladan mushak to‘qimalari, paylar, bo‘g‘imlar); tashqi gemorroy, tug‘ruqdan keyingi gemorroy tugunlarining yallig‘lanishi; limfedema (fil kasalligi), limfangit.

Preparat tarkibiy qismlariga yuqori sezuvchanlik; shikastlangan sohada teri butunligining buzilishi (ochiq infeksiyalangan yaralar, ayniqsa yara-nekrotik jarayonlar); 1 yoshgacha bo‘lgan bolalar yoshi. Ehtiyotkorlik bilan Qon ivish tizimi buzilishlari, trombotsitopeniya.

Tashqaridan. Mazni zararlangan soha yuzasiga yupqa qatlamda surtib (0,5-1 g (2-4 sm maz) 3-5 sm diametrli soha uchun) ehtiyotkorlik bilan teriga ishqalab yuboriladi. Maz kuniga 2-3 marta har kuni yallig‘lanish belgilari yo‘qolguncha, o‘rtacha 3 dan 7 kungacha qo‘llaniladi. Davolash kursini uzoqroq davom ettirish imkoniyati shifokor tomonidan belgilanadi. Tashqi gemorroy tugunlarining trombozida rektal tamponlar qo‘llaniladi, maz biaz yoki matodan tayyorlangan prokladkaga surtiladi, u to‘g‘ridan-to‘g‘ri tromblangan tugunlarga qo‘yiladi va mahkamlanadi. Maz bilan shimdirilgan tampon to‘g‘ri ichakka kiritiladi. Maz har kuni, simptomlar yo‘qolguncha, o‘rtacha 3-14 kun davomida qo‘llanilishi kerak.

Preparatni uzoq muddat qo‘llashda qo‘llash joyida teri giperemiyasi, sezuvchanlikning pasayishi, allergik reaksiyalar (teri toshmasi, qichishish) ko‘rinishida mahalliy reaksiyalar bo‘lishi mumkin.

Tashqi qo‘llash uchun mo‘ljallangan kombinatsiyalangan preparat, uning ta’siri tarkibiga kiruvchi komponentlarning xossalari bilan belgilanadi. Geparin — to‘g‘ridan-to‘g‘ri ta’sir qiluvchi antikoagulyant, o‘rtacha molekulyar geparinlar guruhiga kiradi. Tashqi qo‘llanganda mahalliy antikoagulyant, antiekssudativ, o‘rtacha yallig‘lanishga qarshi ta’sir ko‘rsatadi. Trombin hosil bo‘lishini bloklaydi. Geparin yallig‘lanish jarayonini kamaytiradi va antikoagulyant ta’sir ko‘rsatadi, bilvosita mikrotsirkulyatsiyani yaxshilaydi, bu esa gematomalar va tromblarning so‘rilish jarayoniga va to‘qimalarning shishishini kamayishiga yordam beradi. Benzilnikotinat periferik vazodilatatsiyalovchi vosita bo‘lib, mikrotsirkulyatsiyani yaxshilashga yordam beradi. Geparinning o‘tishini yaxshilash uchun ad’yuvant sifatida qo‘llaniladi. Benzokain mahalliy og‘riqsizlantiruvchi ta’sir ko‘rsatadi. Natriy ionlari uchun hujayra membranasining o‘tkazuvchanligini kamaytiradi, membrananing ichki yuzasida joylashgan retseptorlardan kalsiy ionlarini siqib chiqaradi, nerv impulslarini o‘tkazilishini bloklaydi. Og‘riq impulslarining sezuvchi nervlarning uchlarida paydo bo‘lishiga va ularning nerv tolalari bo‘ylab o‘tishiga to‘sqinlik qiladi.

Geparinli mazni uzoq muddat qo‘llashda keng sohalarga va bir vaqtning o‘zida qon ivish tizimiga va/yoki gemopoezga ta’sir qiluvchi og‘iz orqali qabul qilinadigan dori vositalarini qabul qilishda ivish vaqtini va protrombin vaqtini nazorat qilish kerak. Davolashning uzoq muddatli kursi va homilador ayollarda hamda 65 yoshdan katta ayollarda keng zararlangan sohalar mavjud bo‘lsa, shunga o‘xshash nazorat tavsiya etiladi. Ochiq yaralarga, yiringli jarayonlar mavjud bo‘lsa, surtish tavsiya etilmaydi. Mazni chuqur venoz trombozda qo‘llash tavsiya etilmaydi. Homiladorlik va laktatsiya davrida qo‘llash Preparatni homiladorlik va laktatsiya davrida qo‘llash xavfsizligi aniqlanmagan. Geparin platsentar to‘siqdan o‘tmaydi va ko‘krak suti bilan ajralmaydi. Preparatning boshqa komponentlarining ko‘krak sutiga o‘tishi haqida ma’lumot yo‘q. Geparinli maz homiladorlik va laktatsiya (emizish) davrida faqat onaga kutilayotgan foyda homila yoki bolaga bo‘lgan potentsial xavfdan ustun bo‘lsa qo‘llaniladi. Avtomobil va murakkab mexanizmlarni boshqarish qobiliyatiga ta’siri Preparat transport vositalarini boshqarish va mexanizmlar bilan ishlash qobiliyatiga nojo‘ya ta’sir ko‘rsatmaydi.

Sistemali so‘rilishning ahamiyatsizligi sababli dozani oshirib yuborish ehtimoli past.