1 ml in'ektsion eritma tarkibida faol modda - 5000 ME geparin natriy yordamchi moddalari: benzil spirti, natriy xlorid, in'ektsiya uchun suv.

- tromboembolik buzilishlarni davolash, masalan, chuqur venalar trombozi, o‘tkir arterial emboliya yoki tromboz, tromboflebit, koronar tomirlar emboliyasi - chuqur venalar trombozining oldini olish - ushbu patologiyaga moyil bemorlarda koronar arteriyalar tromboemboliyasining oldini olish - ekstrakorporal qon aylanishi usullari bilan o‘tkaziladigan operatsiyalar vaqtida, gemodializ o‘tkazishda qon ivishining oldini olish

- faol modda yoki har qanday yordamchi moddalarga yuqori sezuvchanlik - mavjud yoki anamnezda geparin-induktsiyalangan trombotsitopeniya - umumiy yoki mahalliy qon ketishga moyillik, shu jumladan og‘ir jigar, buyrak yetishmovchiligi, yara kasalligining kuchayishi, Kron kasalligi, o‘tkir yoki subo‘tkir septik endokardit, bosh ichidagi qon quyilishi yoki bosh, bo‘yin, ko‘z, quloq sohasidagi jarohatlar va operatsiyalar, ayollarda homiladorlikning tahdidli uzilishi, tug‘ruq (shu jumladan yaqinda bo‘lib o‘tgan) - yaqinda prostata, jigar va o‘t yo‘llarida o‘tkazilgan jarrohlik aralashuvlar - orqa miya punksiyasidan keyingi holat - nazorat qilinmaydigan og‘ir arterial gipertenziya - proliferativ diabetik retinopatiya - faol tuberkulyoz shakli - o‘tkir va surunkali leykoz - aplastik va gipoplastik anemiyalar - homiladorlik va laktatsiya davri - 3 yoshgacha bo‘lgan bolalar yoshi

Kattalarga o‘tkir trombozda davolashni 10000 – 15000 ME GEPARIN-INDAR ni vena ichiga yuborishdan boshlash kerak, venoz qonning ivish darajasi, trombin va aktivlashtirilgan qisman tromboplastin vaqti nazorati ostida. Shundan so‘ng har 4-6 soatda 5000 – 10000 ME GEPARIN-INDAR yuboriladi. Bunda GEPARIN-INDAR ning yetarli doza deb hisoblanadi, agar qon ivish vaqti 2,5-3 barobar, aktivlashtirilgan qisman tromboplastin vaqti esa 1,5-2 barobar oshsa. O‘tkir trombozni oldini olish uchun GEPARIN-INDAR teri ostiga har 6-8 soatda 5000 ME yuboriladi. Kattalarda dissemine intravaskulyar koagulyatsiya sindromining (DIKS) birinchi bosqichida gepirin uzoq muddat davomida teri ostiga kunlik 2500-5000 ME dozada, trombin vaqti nazorati ostida buyuriladi. GEPARIN-INDAR ni bekor qilishdan 1-2 kun oldin kunlik doza asta-sekin kamaytiriladi. Doimiy vena ichiga infuziya gepirinni qo‘llashning eng samarali usuli bo‘lib, muntazam (davriy) in'ektsiyalarga qaraganda yaxshiroq, chunki u barqarorroq gipokoagulyatsiyani ta'minlaydi va kamroq qon ketishiga olib keladi. Ekstrakorporal qon aylanishi o‘tkazilganda 140-400 ME/kg yoki 1500-2000 ME 500 ml qonga yuboriladi. Gemodializda dastlab vena ichiga 10000 ME yuboriladi, so‘ng protsedura o‘rtasida yana 30000-50000 ME yuboriladi. Keksalar Keksalar, ayniqsa ayollar uchun, doza kamaytirilishi kerak. Bolalar GEPARIN-INDAR vena ichiga tomchilab yuboriladi: 3 dan 6 yoshgacha – kuniga 600 ME/kg, 6 dan 15 yoshgacha – kuniga 500 ME/kg, AChTV nazorati ostida. Qo‘llash usuli va yo‘li GEPARIN-INDAR to‘g‘ridan-to‘g‘ri yoki uzluksiz vena ichiga yoki teri ostiga in'ektsiya tarzida buyuriladi. Preparatni buyurishdan oldin qon ivish vaqti, trombin vaqti va aktivlashtirilgan qisman tromboplastin vaqti, trombotsitlar soni aniqlanishi kerak. Gepirinni suyultirish uchun faqat 0,9% natriy xlorid eritmasidan foydalanish kerak. Dozani oshirib yuborilganda ko‘riladigan choralar Belgilari: og‘ir gemorragik asoratlar, qon ketishlar. Davolash: gemorragik asoratning og‘irligiga qarab preparat dozasini kamaytirish yoki bekor qilish kerak. Agar preparat bekor qilingandan so‘ng ham qon ketish davom etsa, vena ichiga gepirinning antagonisti – protamin sulfat (yoki xlorid) yuboriladi (1 ml protamin sulfati 100 ME gepirinni neytrallaydi). GEPARIN vena ichiga yuborilgandan keyin 90 daqiqa ichida protamin sulfatining hisoblangan dozasining 50% yuboriladi, qolgan 50% esa keyingi 3 soat davomida yuboriladi. Dori vositasini qo‘llash usulini tushuntirish uchun tibbiy xodimga murojaat qilish bo‘yicha tavsiyalar Dori vositasini qabul qilishdan oldin shifokor yoki farmatsevtga murojaat qiling.

Eng ko‘p uchraydigan nojo‘ya reaksiyalar – qon ketishi, jigar fermentlari faolligining qaytariladigan o‘zgarishlari, qaytariladigan trombotsitopeniya va turli teri reaksiyalari. Ayrim hollarda umumiy allergik reaksiyalar, teri nekrozi va priapizm haqida xabarlar mavjud. Qon va limfa tizimi tomonidan buzilishlar Geparin to‘g‘ridan-to‘g‘ri yoki trombotsit-agregatsiyalovchi antitanalar ishlab chiqarilishi orqali bilvosita trombotsitopeniyani chaqirishi mumkin. Bu holatlar preparat bekor qilingandan so‘ng qaytariladi. Tez-tez - I tip trombotsitopeniya Kamdan-kam -II tip trombotsitopeniya, ehtimol immunoallergik tabiatli. Ba’zi hollarda II tip trombotsitopeniya venoz yoki arterial trombozlar bilan kechadi. Immun tizimi buzilishlari Kamdan-kam - har xil turlardagi va og‘irlik darajasidagi allergik reaksiyalar, turli ko‘rinishlarda Juda kamdan-kam - anafilaktik reaksiyalar va anafilaktik shok Modda almashinuvi va ovqatlanish buzilishlari Kamdan-kam - gipoadlosteronizm, bu plazmada kaliy miqdorining oshishiga olib kelishi mumkin. Klinik ahamiyatli giperkaliemiya kamdan-kam hollarda surunkali buyrak yetishmovchiligi va qandli diabeti bo‘lgan bemorlarda yuzaga kelishi mumkin. Tomir kasalliklari Tez-tez - har qanday organdan qon ketishi, ayniqsa yuqori dozalarda qo‘llanganda. Ba’zi hollarda qon ketishi o‘limga yoki doimiy mehnatga layoqatsizlikka olib kelgan. Juda kamdan-kam hollarda, spinal yoki epidural anesteziya yoki orqa miya punksiyasi vaqtida geparinning profilaktik dozasini olgan bemorlarda epidural va spinal gematoma qayd etilgan. Gepatobiliar tizim tomonidan buzilishlar Tez-tez - transaminazalar, gamma-GT, LDG va lipaza darajasining oshishi, barcha ko‘rsatkichlar preparat bekor qilingandan so‘ng tiklanadi. Teri va teri osti to‘qimalari zararlanishi Tez-tez emas - toshma (turli xil toshmalar, shu jumladan eritematoz va makulopapulyoz), eshakemi, qichishish. Kamdan-kam - teri nekrozi, bunda davolash darhol to‘xtatilishi kerak Bitta eritema holati haqida xabar berilgan. Mushak-skelet tizimi va biriktiruvchi to‘qima zararlanishi Tez-tez emas - geparin bilan uzoq muddatli davolash natijasida osteoporoz Reproduktiv tizim buzilishlari Juda kamdan-kam - priapizm Umumiy kasalliklar va preparat yuborilgan joyda zararlanish Tez-tez - in'ektsiya joyida reaksiyalar - teri ostiga yuborilganda mahalliy tirnash xususiyati Nojo‘ya dori reaksiyalari yuzaga kelganda tibbiyot xodimi, farmatsevt xodimi yoki to‘g‘ridan-to‘g‘ri dori vositalarining nojo‘ya reaksiyalari (ta’sirlari) bo‘yicha axborot bazasiga, shu jumladan dori vositalarining samarasizligi haqida xabar berish tavsiya etiladi.