Bitta ampula tarkibi: Faol modda: essensial fosfolipidlar (fosfatidilxolingacha hisobda) – 250,0 mg. Yordamchi moddalari: natriy dezoksixolat, etanol, α-tokoferilatsetat, riboflavin (natriy riboflavin fosfati ko‘rinishida), benzil spirti, natriy xlorid, 1M natriy gidroksid eritmasi yoki 1M xlorid kislotasi eritmasi, in’eksiya uchun suv.

Gepalid turli xil alimentaro-toksik jigar shikastlanishlari bo‘lgan bemorlarda ishtahaning yo‘qolishi va/yoki o‘ng qovurg‘a ostida og‘irlik hissi kabi simptomlarni kamaytirish uchun qo‘llaniladi. Quyidagi kasalliklarda ko‘rsatilgan: yog‘li jigar degeneratsiyasi (shu jumladan qandli diabetda); o‘tkir va surunkali gepatitlar; tsirrozlar; toksik jigar shikastlanishlari, shu jumladan alkogolli jigar kasalligi, dori vositalari bilan bog‘liq jigar shikastlanishlari; xolestaz.

Preparat komponentlariga yuqori sezuvchanlik. Dori vositasi tarkibida benzil spirti mavjudligi sababli, yangi tug‘ilgan va muddatidan oldin tug‘ilgan bolalarni davolash uchun qo‘llanilmaydi. Klinik ma’lumotlarning yetarli emasligi sababli, dori vositasini 12 yoshgacha bo‘lgan bolalarda qo‘llash tavsiya etilmaydi.

12 yoshdan boshlab bolalar va kattalarga sekin vena ichiga 1-2 ampula yuboriladi, og‘ir holatlarda – kuniga 2-4 ampula. Ikki ampulaning tarkibi bir vaqtda yuborilishi mumkin. Boshqa dori vositalari bilan bir shpritsda aralashtirmang. Agar dori vositasini suyultirish zarur bo‘lsa, faqat 5% yoki 10% dekstroza eritmasi infuzion yuborish uchun ishlatiladi, va suyultirilgan dori vositasi eritmasi butun yuborish davomida shaffof bo‘lib qolishi kerak. Dori vositasi Esfolipni elektrolit eritmalari (izotonik eritma, Ringer eritmasi) bilan suyultirish mumkin emas.

Nojo‘ya ta’sirlar uchrashish tezligiga qarab quyidagi tasnif ishlatiladi: juda tez-tez (>1/10), tez-tez (≥1/100 -<1/10), kamroq (≥1/1 000 - <1/100), kam (≥1/10 000 - <1/1 000), juda kam (<1/10 000), noma’lum tezlikda (mavjud ma’lumotlarga ko‘ra uchrashish tezligini aniqlash mumkin emas). Immun tizimi tomonidan Kam hollarda dori vositasi tarkibida benzil spirti bo‘lgani sababli yuqori sezuvchanlik reaksiyalari rivojlanishi mumkin. Juda kam hollarda teri allergik reaksiyalari (to‘shma, ekzantema yoki qichima) mumkin. Noma’lum tezlikda: qichishish.

Essensial fosfolipidlar hujayra va hujayra organellalari qobig‘ining asosiy strukturaviy elementlari hisoblanadi. Jigar kasalliklarida hujayra va hujayra organellalari qobig‘ining shikastlanishi membranaga bog‘liq fermentlar va retseptor tizimlari faolligining buzilishiga, funksional faollikning yomonlashishiga va jigar hujayralarining regeneratsiya qobiliyatining pasayishiga olib kelishi mumkin. Esfolip dori vositasi tarkibiga kiruvchi fosfolipidlar kimyoviy tuzilishi bo‘yicha endogen fosfolipidlarga mos keladi, shu bilan birga ular poliyeto‘yinmagan (essensial) yog‘ kislotalari miqdori bo‘yicha ustunlik qiladi. Ushbu yuqori energiyali molekulalarning hujayra membranalarining shikastlangan joylariga qo‘shilishi shikastlangan jigar to‘qimasining regeneratsiyasiga yordam beradi. Ularning poliyeto‘yinmagan kislotalaridagi ikki bog‘li tsis-zanjirlar membrana fosfolipidlarining uglevodorod zanjirlarining parallel joylashishini oldini oladi, natijada fosfolipid strukturalarining zichligi kamayadi, bu esa ularning suyuqligi va elastikligini oshiradi, modda almashinuvini yaxshilaydi. Hosil bo‘ladigan funksional birliklar membranaga bog‘liq fermentlar faolligini oshiradi va muhim metabolik jarayonlarning normal, fiziologik yo‘nalishda kechishiga yordam beradi. Esfolip dori vositasi tarkibiga kiruvchi fosfolipidlar buzilgan lipoproteidlar almashinuvini tartibga soladi, neytral yog‘lar va xolesterinni tashiladigan shakllarga o‘tkazadi (asosan yuqori zichlikdagi lipoproteidlarning xolesterin bilan bog‘lanish qobiliyatini oshirish hisobiga), va shu tariqa ular oksidlanishga uchrashi mumkin. Esfolip lipidlar va oqsillar almashinuviga, jigar detoksikatsiya funksiyasiga, jigar hujayra tuzilmasi va fosfolipidga bog‘liq ferment tizimlarini tiklash va saqlashga normallashtiruvchi ta’sir ko‘rsatadi, jigar to‘qimasida biriktiruvchi to‘qima hosil bo‘lishining oldini oladi. Fosfolipidlarning o‘tga chiqarilishi jarayonida litogen indeks pasayadi va o‘t barqarorlashadi.

Homiladorlik va laktatsiya davrida qo‘llash Tarkibida platsentar to‘siqdan o‘ta oladigan benzil spirti mavjudligi sababli, dori vositasini homiladorlik va laktatsiya davrida ehtiyotkorlik bilan buyurish kerak.