1 ml eritma tarkibida Faol modda furosemid – 10 mg; Yordamchi moddalari natriy gidroksid eritmasi 1 M, natriy xlorid, in'ektsiya uchun suv.

Turli kelib chiqishli shish sindromi (surunkali yurak yetishmovchiligida, jigar sirrozida (portal gipertenziya sindromi); buyrak kelib chiqishli shish sindromi (nefrotik sindromda asosiy kasallikni davolash birinchi o‘rinda turadi); o‘tkir yurak yetishmovchiligi, ayniqsa o‘pka shishida (boshqa davolash tadbirlari bilan birga qo‘llaniladi); miya shishi; arterial gipertenziyaning og‘ir shakllari; gipertonik kriz; buyraklar orqali o‘zgarmagan holda chiqariladigan kimyoviy birikmalar bilan zaharlanishlarda majburiy diurez o‘tkazish.

Furosemidga yuqori sezuvchanlik, o'tkir glomerulonefrit, anuriya bilan kechuvchi o'tkir buyrak yetishmovchiligi (klubochkali filtrlatsiya darajasi 3-5 ml/min dan kam), og'ir jigar yetishmovchiligi, jigar komasi va prekomasi, siydik chiqarish kanalining stenozlanishi, siydik yo'llarining tosh bilan to'silishi, prekomatoz holatlar, giperglikemik koma, gipourikemiya, podagra, dekompensatsiyalangan mitral yoki aortal stenoz, markaziy venoz bosimning oshishi (10 mm simob ustunidan yuqori), idiopatik gipertrofik subaortal stenoz, arterial gipotenziya, o'tkir miokard infarkti, pankreatit, suv-elektrolit muvozanati va kislota-ishqor muvozanatining buzilishi (gipokaliemiya, alkaloz, gipovolemiya, giponatriemiya, gipoxloremiya, gipokalsemiya, gipomagniemiya), digitalis intoksikatsiyasi.

Furosemid vena ichiga (sekin oqimda), iloji bo'lmasa mushak ichiga (samaradorligi ancha past) 7 – 10 kun va undan ko'proq muddatga buyuriladi. Parenteral yuborish zudlik bilan yordam ko'rsatish zarurati bo'lgan holatlarda yoki keskin ifodalangan shish sindromida maqsadga muvofiqdir. Preparat 20 – 60 mg dozada kuniga 1 – 2 marta yuboriladi; diuretik javob bo'lmaganda har 2 soatda dozani 50 % ga oshirib, yetarli diurezga erishilgunga qadar yuboriladi. Bolalarda vena ichiga yuborish uchun o'rtacha sutkalik doza 0,5-1,5 mg/kg tana vazniga, maksimal doza esa 6 mg/kg. Glomerulyar filtrlatsiyasi pasaygan va diuretik javobi past bo'lgan bemorlarga yuqori dozada – 1 – 1,5 g buyuriladi. Kerakli ta'sirga erishilgach, preparatni og'iz orqali qabul qilishga o'tiladi.

Yurak-qon tomir tizimi tomonidan arterial bosimning pasayishi (AB), kollaps, taxikardiya, aritmiya, aylanuvchi qon hajmining kamayishi, tromboflebit, ortostatik gipotenziya. Nerv tizimi tomonidan bosh aylanishi, bosh og'rig'i, mushak zaifligi, boldir mushaklarida tirishishlar (tetaniya), paresteziya, apatiya, adinamiya, zaiflik, sustlik, uyquchanlik, ongning chalkashishi. Sezgi organlari tomonidan ko'rish va eshitish buzilishlari. Me'da-ichak trakti, jigar tomonidan anoreksiya, og'iz qurishi, chanqoq, ko'ngil aynishi, qusish, diareya yoki qabziyat, xolestatik sariqlik, pankreatit (kuchayishi). Siydik-tanlov tizimi tomonidan oliguriya, siydikning o'tkir tutilishi (prostata bezi adenomasi bo'lgan bemorlarda), interstitsial nefrid, gematuriya, impotensiya, muddatidan oldin tug'ilgan bolalarda buyraklarda kalsinoz. Allergik reaksiyalar purpura, toshma, eksfoliativ dermatit, ko'p shaklli eritema, vaskulit, nekrotizirlovchi angiit, teri qichishishi, sovuq urishi, isitma, fotosensibilizatsiya, anafilaktik shok. Qon hosil qiluvchi organlar tomonidan leyopeniya, trombotsitopeniya, agranulotsitoz, aplastik anemiya. Suv-elektrolit almashinuvi tomonidan gipovolemiya, degidratatsiya (tromboz va tromboemboliya rivojlanish xavfi), gipokaliemiya, giponatriemiya, gipoxloremiya, gipokaltsemiya, gipomagniemiya, metabolik alkaloz. Laborator ko'rsatkichlar giperglikemiya, giperxolesterinemiya, giperurikemiya, glyukozuriya, giperkaltsiuriya.

Tez ta'sir qiluvchi diuretik, yaqqol siydik haydovchi effekti bilan. Genle halqasining ko'tariluvchi qalin segmentida natriy va xlor ionlarining reabsorbtsiyasini buzadi. Furosemid yaqqol diuretik, natriyuretik, xloruretik ta'sir ko'rsatadi. Bundan tashqari, kaliy, kaltsiy, magniy ionlarining chiqarilishini oshiradi. Yurak yetishmovchiligida yurakka oldingi yuklamani tezda kamaytiradi, yirik venalarni kengaytirish orqali. Natriy xlorid chiqarilishini oshirishi va qon tomirlarining silliq mushaklarining vazokonstriktor ta'siriga javobini pasaytirishi, shuningdek, aylanib yuruvchi qon hajmining kamayishi natijasida gipotonik ta'sir ko'rsatadi. Tomir ichiga yuborilganda furosemidning ta'siri 15 – 20 daqiqada boshlanadi va birinchi soat oxirida maksimal darajaga yetadi; diuretik effekt 3 soat davom etadi, buyrak funksiyasi pasayganida – 8 soatgacha. Ta'sir davrida natriy ionlarining chiqarilishi sezilarli darajada oshadi, biroq uning to'xtatilishidan so'ng chiqarilish tezligi boshlang'ich darajadan pastga tushadi (“rikoshet” yoki “bekor qilish” sindromi). Bu hodisa massiv diurezga javoban renin-angiotenzin va boshqa antinatriyuretik neyrogumoral regulyatsiya bo'g'inlarining keskin faollashuvi bilan bog'liq.